-
مجلة عالم السيارات عدد ديسمبر مذكور بها ان نيسان Gt-r تسطيع بلوغ ال 100 في 3.6 ثانية...عقبال ما نشوف مجلة سبور أوتو و تجربة توب جير
الا صحيح يا أستاذ فادي...هوه حضرتك مستني ايه بظبط عشان تقتنع؟ ايه الحاجة اللي هتخليك تقول أه الgt-r ممكن تعملها في 3.6؟
-
"مجلة عالم السيارات عدد ديسمبر مذكور بها ان نيسان Gt-r تسطيع بلوغ ال 100 في 3.6 ثانية...عقبال ما نشوف مجلة سبور أوتو و تجربة توب جير
الا صحيح يا أستاذ فادي...هوه حضرتك مستني ايه بظبط عشان تقتنع؟ ايه الحاجة اللي هتخليك تقول أه الgt-r ممكن تعملها في 3.6؟"
مفيش حاجة ممكن تخلينى أقتنع لأن الموضوع علم مش بطاطس.
لما تقول انو عربية موتورها 3.8 لتر و بتجيب الرقم ده يبقى بطاطس مش علم.
التسارع ليه حسابات معقدة و بتعتمد على المحرك و الوزن و نسب علبة التروس و الاطارات.
أهم عاملين هم الوزن و قوة المحرك.
و يمكن اهمال مقاومة الهواء خصوصا على السرعات الصغيرة.
و عموما أنا ممكن فى القسم العلمى أكتب موضوع عن كيفية حساب تسارع السيارة و ستعرفون بعدها لماذا لا أصدق هذا الرقم الخيالى جدا.
هذا الرقم تحققه سيارات أعلى من الجى تى أر كثيرا فى قوة المحرك و أخف منها فى الوزن فأين ذهب كل هذا؟؟
بقوة 473 حصان, فان النيسان لكى تبلغ هذا التسارع تحتاج أن يكون وزنها ما بين ال1000-1200 كيلو و هو مستحيل لأنه وزن سيارة صغيرة, و النيسان وزنها ثقيل نسبيا و هو يقترب من ال1700 كغ, فكيف بالله عليكم تبلغ هذا التسارع! شوية تفكير أرجوكم.
على العموم الأهرام للسيارات كتبت الرقم الصحيح و هو الرقم الذى توقعته الا و هو 5.3 ثانية. فشكرا للأهرام على مصداقيتها و لا أعرف ما اذا كان هذا الرقم الذى أعطته نيسان للأهرام أو أن محرر الأهرام بخبرته قد استبدل رقم نيسان الخيالى برقم أكثر منطقية و فى هذه الحالة فأنا أهنأ محرر الأهرام على يقظته.
-
يبقى الحوار منتهي قيل ما يبدأ أصلا....
شكرا يا أستاذ فادي :)
-
و للعلم أهرام السيارات أخر مصدر ممكن تعتمد عليه في معلومة لأن 90% من مقالتها مدفوعة الأجر...و الباقي copy-paste من مواقع علي النت!!!!
فاذا كنت لا تصدق جميع هذه المجلات و البرامج العالمية المحترمة التي لها باع طويل في مجال السيارات و جاي بتحيي يقظة محرر الأهرام اللي أخره يركب عربية لانسر و لا تويوتا (مع احترامي الكامل للسيارتين)..و عمره ما شاف ظل سيارة مثل الGT-R..يبقي فعلا الحوار منتهي :)
-
علي فكره لسه تنتظر تجربه توب جير المصوره بالفيديو
و لسه لما العربيه تتباع في الصيف الجاي في امريكا حتشوف الفيديوهات لا تتنتهي عن تسارع السياره و تشوفها و هي بتلعب لعب بكورفت هههههههههههههه
بس انا عارف ساعتها صاحب الكورفت حيكون قابض فلوس من صاحب الجي تي ار
ههههههههههههههههههههههههه ههه
دي نيسان المفروض انها افلست من كتر ما بتدفع فلوس للناس عشان تنجح عربياتهم :)
-
"و للعلم أهرام السيارات أخر مصدر ممكن تعتمد عليه في معلومة لأن 90% من مقالتها مدفوعة الأجر...و الباقي copy-paste من مواقع علي النت!!!!
فاذا كنت لا تصدق جميع هذه المجلات و البرامج العالمية المحترمة التي لها باع طويل في مجال السيارات و جاي بتحيي يقظة محرر الأهرام اللي أخره يركب عربية لانسر و لا تويوتا (مع احترامي الكامل للسيارتين)..و عمره ما شاف ظل سيارة مثل الGT-R..يبقي فعلا الحوار منتهي"
يا سيدى انا لا تهمنى اى مجلة سيارات. عموما اذا كان ما تقوله عن الأهرام صحيح فهو ينطبق على عالم السيارات أيضا.
أنا متأكد انو تسارع الجى تى أر يتراوح بين ال5-5.5 ثانية لأن هذا وقتها المنطقى و أنا أقول هذا لأنى أعرف كيف يحسب تسارع السيارة و ما هى العوامل التى تؤثر عليه.
"علي فكره لسه تنتظر تجربه توب جير المصوره بالفيديو
و لسه لما العربيه تتباع في الصيف الجاي في امريكا حتشوف الفيديوهات لا تتنتهي عن تسارع السياره و تشوفها و هي بتلعب لعب بكورفت هههههههههههههه
بس انا عارف ساعتها صاحب الكورفت حيكون قابض فلوس من صاحب الجي تي ار
ههههههههههههههههههههههههه ههه
دي نيسان المفروض انها افلست من كتر ما بتدفع فلوس للناس عشان تنجح عربياتهم "
بص انا لا يهمنى انك تقتنع و لا لأ لو كنت تعرف النذر القليل عن السيارات لفهمت وجهة نظرى.
الكورفت سيارة لها تاريخ و هى أفضل ميت مرة من نيسان تلك مجهولة الهوية و المصدر.
يا راجل طب مادام انت متأكد انو النيسان جى تى أر تسارعها كده, طيب اشرحلى ليه؟ قول أى حاجة حطين فيها عفريت مثلا, يعنى قول أى حاجة. و يا ريت بس متقوليش نظام FGD و لا TRT و الحروف الانجليزى الغريبة بتاعتك ديه.
أنا مستنى أعرف السبب الى خلا الداتسون بقدرة قادر بتسابق البوجاتى فايرون و الفيرارى اف و سيارات الفورمولا واحد!
-
اولا الانظمه حقولهالك كاااااااااااااااااااااامل ه :) و اي نظام في الدنيا لازم يختصروه في كام حرف بس ترجمهملك و حشرحهم متخافش :)
ثانيا داتسون مش بقدره قادر بقت تسابق فيراري و او بورش او مكلارين
داتسون ليها باع طويل في السيارات الرياضيه عدم علمك بيه فدا شيئ يخصك
لو كنت زرت موضوع نيسان سوبر كارز اللي هنا
http://www.nilemotors.net/Nile/showt...523#post134523
نيسان بتصنع سيارات رياضيه و تحت ال1000 كيلو من قبل التاريخ اساسا
انت اول مره تسمع عن سياره رياضيه من نيسان دي مشكلتك :)
-
بص يا أستاذ فادي.....أنا معنديش مشاكل ولا متعصب لنيسان ولا واثق 100% انها تجيب ال 3.6....لكن مخي مش متعصب و مش رافض أي حاجة ممكن تحصل...احنا في زمن العجائب و ممكن أي حاجة غريبة تحصل و نقول لأ مستحيل...
الإسلوب اللي حضرتك متبعه في التفكير و التحليل للاسف مبقاش ينفع في الزمن ده حيث التطور بقي كل ثانية مش كل يوم و لا اسبوع...هذا التعصب الفكري اللي انت متبعة ممكن يخليك تخسر فرص كتير في حياتك...مش بس في عالم السيارات...
علفكرة أنا من أول ما بدأت المناقشة معاك و انا مش مركز علي نيسان في حاجة..انا عايزك بس تخرج من القوقعة الفكرية اللي أنت حاصر نفسك فيها:)
-
"بص يا أستاذ فادي.....أنا معنديش مشاكل ولا متعصب لنيسان ولا واثق 100% انها تجيب ال 3.6....لكن مخي مش متعصب و مش رافض أي حاجة ممكن تحصل...احنا في زمن العجائب و ممكن أي حاجة غريبة تحصل و نقول لأ مستحيل...
الإسلوب اللي حضرتك متبعه في التفكير و التحليل للاسف مبقاش ينفع في الزمن ده حيث التطور بقي كل ثانية مش كل يوم و لا اسبوع...هذا التعصب الفكري اللي انت متبعة ممكن يخليك تخسر فرص كتير في حياتك...مش بس في عالم السيارات...
علفكرة أنا من أول ما بدأت المناقشة معاك و انا مش مركز علي نيسان في حاجة..انا عايزك بس تخرج من القوقعة الفكرية اللي أنت حاصر نفسك فيها"
أنا مش رافض أى حاجة و لا ضد التقدم و لكن ما تتحدث عنه من تقدم لا يحدث فى مجال السيارات و التقدم السريع يحدث فقط فى علوم الالكترونيات و لكن التقدم فى مجال السيارات بطىء جدا و منعدم تقريبا.
حتى لو افترضنا أن داتسون سبقت الشركات الأخرى بسنوات ضوئية و استطاعت أن تصنع سيارة معجزة فما هو ذلك الاختراع الذى اخترعته داتسون حتى تتساوى مع سيارات أقوى منها و أخف منها وزنا و أفضل تصميما؟؟!
كل شىء له منطق, عموما يتم حساب تسارع السيارة عن طريق رسم منحيات متشابكة بين المقاومة و العزوم المختلفة و مداها على مختلف النسب, كل هذا باتناسب مع السرعات المختلفة, أى محور للعزوم و محور للسرعات, و منحنيين منحنى لعزم المقاومة و منحنى أخر للعزم الذى يدفع السيارة, لكل نسبة على حدة, التفاصيل الفنية لا أتذكرها بالضبط و لكنى سوف أكتبها بالتفصيل فى القسم العلمى, المهم أن المعطيات التى تدخل هى :
عزم المحرك عند السرعات المختلفة أو قوته( بالكيلو وات)
نسب علبة التروس.
وزن السيارة.
حجم الاطارات.
المساحة المواجهة للهواء(انسيابية السيارة هى التى تحددها)
و يمكن اهمال كل من حجم الاطارات و المساحة المواجهة للهواء لأنها قيم صغيرة.
و مقاومة الهواء قيمة صغيرة جدا ما بين 0-100 كلم, و يمكن اهمالها.
بعد ذلك يمكننا أن نضيف جزئين أو ثلاثة أجزاء من الثانية لكل نقلة اذا اردنا كى نعوض الفارق الذى ضاع بسبب تغيير النسب( و هو ما ليس مهما فى حالتنا هنا لأن أغلب السيارات الرياضية تصل الى المائة كيلو على النسبة الأولى أو الثانية على أقصى تقدير).
-
الأن لديك معطيات تحدد تسارع السيارة.
قل لى ماذا غيرت نيسان فى هذه المعطيات؟؟!
لرفع تسارع السيارة أمامك حلين لا ثالث لهما :
- اما رفع منحنى العزم أو تطويله و هو ما يعبر عنه عدد الأحصنة و نسب علبة التروس.
- اما خفض منحنى المقاومات ( و الذى يعتمد بالأساس على وزن السيارة).
نيسان لم تفعل لا هذا و لا ذاك فأين السر اذا.
فكروا و قولولى.
Content Relevant URLs by
vBSEO 3.6.0 PL2