اللهم صل على محمد وعلى آله وصحبه أجمعين
ألف مبروك وربنا يديك خيرها ويكفيك شرها
رقم العضوية : 30677
تاريخ التسجيل : 21Jan2009
المشاركات : 3,496
النوع : ذكر
الاقامة : alex
السيارة: proton saga 1.3
السيارة[2]: BMW E36
دراجة بخارية: no
الحالة :
بسم الله الرحمن الرحيم
اخيرا استلمت الساجا (اسود مانيول)
بس علشان اكون عملت الي عليا العربيه 63900 جنيه
اول حاجه تكون عامل حسابك و متفق علي نمر تجاريه تخدها معاك و انت رايح علشان دلوقتي في المرور مش بيفحصوا من غيرها ولا بياخدوا البصمه
روحت التوكيل الساعه 9 صباحا مكان الفراع الرئيسي كيلو 1 طريق اسكندريه القاهره الزراعي
بعد بنزينه موبيل بشويه صغيره هتلاقي علامة ستروين هو ده المكان
مضوني علي اقرار استلام الافراج الجمركي
و اقرار استلام السياره و طبعا لازم تشوف العربيه و تتطمن ان كل حاجه تمام قبل لما تستلم
شيكت علي العربيه
طبعا بصيت علي البويه كلها و الاكصدامات و فتح و غلق الابواب و تجربت قفل الاطفال و المرايات شغاله يمين و شمال و السنتر بيفتح و يقفل و الانزار شغال و الكراسي تمام فوق تحت و الرجوع و حزام الامان و نوره في العدادات والزجاج الكهربائي في الامام و العادي في الخلف والتكيف و المروحه و جميع اللمض في السياره الانتظار و الاشارات و النور العالي و الواطي و الفجات قدام و في الخلف و نور الصالون و الشنطه كمان انوار العدادات و فتح الشنطه و التانك و دور العربيه و شوف العربيه عامله كام كيلوالحمد لله (11كيلو) جرب المساحات و الكلاكس بعدين شغل الكاسيت بفضل كمان تكون عامل حسابك و جايب معاك اسطوانه الجنوط و الكاوتش و السينسور بارك
الحاجات الي بتستلمها مع العربيه
الدواسات
شنطه العده (مفتاح ربط العجل - اريال السقف - شنكل القطر - زراديه - مفك - مفتاحين ربط كبير و صغير - مفتاح تاني تقريبا بتاع ربط الاستبن )
الاستبن و الكريك
كتالوج العربيه
كتالوج الكاسيت
كتيب الظمان
طبعا نسختين المفتاح
(للاسف كان في مفتاح واحد و قالولي هيبعتوا يجيبوا التانيو طبعا كتبت ده في الاقرار)
اهم حاجه الكود الي بيجي مع المفتاح ده تشيله في الخزنه في البيت علشان لو مفتاح ضاع تعرف تطلع عليه
استلمت و توكلت علي الله طبعا مشغل ازاعة القران الكريم
روحت المرور (ابيس)
جبت ملف عربيه جديده من المبني الي فيه الخزنه 40 جنيه
بعدين جيت طلب فحص و استمارة طفايه 16 جنيه
اشتريت طفايه 121
(طبعا انسي لو في باقي لازم تقفله)
تروح نختم الطفايه
جبت الراجل بتاع البصمه هتلافيه لابس عفريته و ماسك قلم رصاص طويل جدا
هيعمل البصمه و شوفه في 5 جنيه
هتخش علي الفحص المهندس
اركن العربيه في حته مش ملطش علشان انت عارف مهارات الشعب المصري
وبعدين تدخل علي مكتب الترخيص الجديد هتلاقي موظفه قاعده مش طايقه نفسها و هتكتب شوية حجات علشان تجبها ركز في الحاجات علشان مش هتسمع حاجه و خطها بيبقي منيل الي انا فاكره و البنت الي عملتلي التامين قالتلي علي الباقي
2 صورة بطاقه
2 صوره طلب نمر
و تدفع التامين الاجباري 225 جنبه للثلاث سنوات
(ضرب علي القفا طبعا بس لابد منه)
و ترجع للموظفه تاني
هتاخد منك الملف و تهتقولك استنا لما تسمع اسمك طبعا انت و حظك
(طبعا متستناش لما حظك اليوم في الجرنان يكتبلك هتخلص في ساعه)
هتسمع اسمك هتديد و رقتين هتروح تدفع الضربيه علي الثلاث سنوات 773 جنيه
( طبعا متستناش الباقي برضوه )
هيديك صورتين من الايصال واحد ليك و التاني للموظفه
و بعدين تروح مكتب اللوحات هتديها الورقه الثانيه هتختمهالك
(طبعا متستعجلهاش)
هترجع تاني عند الشباك للموظفه هتديها الايصال و الورقه الي اتختمه عند مكتب اللوحات
شويه من عشر دقائق لنص ساعه برضوا انت و حظك هتديك و رقه تروح توديها في اخر المكان الي انت فيه الي بيطلعوا منه الرخصه
( طبعا متحاولش انك توصل للشباك اوصل لاقرب مكان و ادي الورقه للي قدامه هتوصل )
هتستنا تاني هتكون تعبت طبعا من كتر اللف شوف حته اقعد فيها قربيبه علشان هتسمع اسمك علشان تستلم الرخصه
هتستلم الرخصه و تروح جري علي المكان الي جبت منه الملف في الاول و دفعت في الضريبه تجيب ايصال تركيب لوحات 8 جنيه
(ضرب قفا برضوا)
و تروح لمكان اسمه الخطاط هيكونوا بعتوا اللوح عليه هتديله الرخصه و الايصال و هيطلع النمره و يديك الرخصه تستنا شويه هينادي علي الرقم بتاع العربيه تكون انت في الشويه دي خرمت العربيه علشان تعلق النمر
هتسمع النمره هتقول تمام يا فندم هيجي الباشا يركبلك النمره هتراضيه برضوا 5 جنيه و كده الف مبروك خلصت المرور
( طبعا لازم تكون راضي ابوك و امك علشان يدعولك تخلص في يوم واحد )
هتاخد العربيه و تروح تناااااااااااام لانك هتكون اتهديت
نيجي بقي للانطباع عن العربيه
انا معايا عربيه تانيه 505 بيجو
انا حبتها 1300 علشان تبقي اقتصاديه و ترحمني من الركنه
اكتشفت انك راكب عربيه عربيه
الموتور قوي جدا بسم الله مشاء الله لا يقارن بالسيارات 1300 اطلاقا
العربيه واسعه و مريحه جدا جدا و دي ميزه لم اجدها في سيارات اخري كتير جدا و خلي بالك ان انا بتكلم في الوسع و الراحه و انا راكبي عربيه كبيره اكيد معظمكم عارف و سع و راحت البيجو
مكان المفاتيح و التحكم سهل جدا جدا
الدبرياج مريح جدا و استجابه البنزين سريعه جدا بسم الله مشاء الله
الفرامل ممتازه و اقصد ممتازه بمعني الكلمه افضل بكثير من
(الانوس- الابترا - الافيو - الوجان - فيرنا - شاهين - ماتركس)
مساحات الكنبه الخلفيه ممتازه انا برجع الكرسي بس مش للاخر يعني انا بكون مرتاح و الي في الخلف مرتاح جدا صديقي الي قعد في الخلف طوله 186 سم
بالنسبه للتكيف مجربتهوش بصراحه الجو مش ناقص
روحت فولت العربيه التانك 40 لتر هيا اخدت حوالي 32 الاجمالي 60 جنيه بنزين 92
العفشه بالنسبالي مش ناشفه اطلاقا انا مش بحس بالمطبات
بالنسبه للعزل من جيد الي جيد جدا
متنسوش اني برضوا راكب عربيه قديمه
يعني لو قلت شبه ممتاز ابقي مش متحيز لحاجه السنسور بارك ممتاز انا بصراحه اول مره اجربيه و اكتشفت انوا بيجيب الرصيف كمان مش العربيه الي وراك بس طبعا بيشتغل مع الريفرس
صوت الكاسيت جيد انا لسه مجربتهوش بجد
المرايات ممتازه في تغطيه المساحات
العربيه في التقيم من و جهت نظري بالنسبه للفئه السعريه و القيمه هي افضل سياره ممكن تقتنيها بالسعر ده و هي افضل من سيارات اخري اعلي سعرا
طبعا كل ده انطباعات اولي و ليست اخيره
اي استفسار انا جاهز
و هايز رايكوا في اسم حلو كده للعربيه
انا بفكر في بلاكي
[mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]http://www.mp3quran.net/basit_mjwd.html
القران الكريم بصوت الشيخ عبد الباسط عبد الصمد
143
رقم العضوية : 15655
تاريخ التسجيل : 02Aug2008
المشاركات : 28
النوع : ذكر
الاقامة : Cairo
السيارة: -Peugeot 3008
السيارة[2]: KIA Pride HB
الحالة :
اللهم صل على محمد وعلى آله وصحبه أجمعين
ألف مبروك وربنا يديك خيرها ويكفيك شرها
رقم العضوية : 27583
تاريخ التسجيل : 13Dec2008
المشاركات : 584
النوع : ذكر
الاقامة : ask me
السيارة: كورولا 2004 أتوماتيك
السيارة[2]: Gen2 AT 2009
دراجة بخارية: لا يوجد
الحالة :
تقرير إستلام رووووعة
أنا عايز أعرف حاجة
لو عربيتك دى ماشية لوحدها على طريق الساحل.. الساعة 3 الفجر .. وقابلت كمين مباحث وأمن دولة ومكافحة مخدرات
مكانوش هيفتشوها زى ما أنت عملت فى الإستلام
هههههههه
تحياتى لحضرتك .. وألف ألف مبروك
رقم العضوية : 5990
تاريخ التسجيل : 18Feb2008
المشاركات : 175
النوع : ذكر
الاقامة : maadi
السيارة: proton persona
السيارة[2]: proton
الحالة :
تقرير ممتاز والف مبروك ربنا يديك خيرها ويكفيك شرها الساجا جميلة فعلا وتستاهل كل جنية بتدفعة فيها زى بقيت العائلة واجا وبرسونا وجين 2
رقم العضوية : 29565
تاريخ التسجيل : 08Jan2009
المشاركات : 13
النوع : ذكر
الاقامة : nowhere
السيارة: na
السيارة[2]: na
دراجة بخارية: nnnn
الحالة :
أنا اعتقد انيهحتاج حضرتك في موضوع الاستلام دا
عشان اكون في الامان
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
ما شاء الله على حضرتك
اى حد عاوز يستلم بعد كده لازم ياخد حضرتك معاه
الف مبروك عالعربية وربنا
يبارك لحضرتك فيها ان شاء الله
رقم العضوية : 28646
تاريخ التسجيل : 28Dec2008
المشاركات : 1,727
النوع : ذكر
الاقامة : alex
السيارة: many cars
السيارة[2]: i do know
دراجة بخارية: لايوجد
الحالة :
الف مبروك وربنا يعطيك خيرها ويكفيك شرها يارب
اجمل ما فى الموضوع الترخيص بجد يخرب بيت الروتييييييييييييييييين الممل
ربنا يباركلك فيها يارب اختيار مميز
خد بالك انت هتجيلى كتير يعنى هتعرف عليك هتعرف عليك
رقم العضوية : 13841
تاريخ التسجيل : 29Jun2008
المشاركات : 2,036
النوع : ذكر
الاقامة : المعادى
السيارة: برسونا / Gen 2
السيارة[2]: ريتمو / سويفت
الحالة :
10000 مبروك يا باشا
الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه
[img2]http://img246.imageshack.us/img246/9382/tawkee3c.jpg[/img2]
رقم العضوية : 43052
تاريخ التسجيل : 01Jul2009
المشاركات : 2,009
النوع : ذكر
الاقامة : Sheikh Zayed
السيارة: (Lanos '07 (Sold
السيارة[2]: GEN.2 M/T 2010
دراجة بخارية: N/A
الحالة :
هههههههههه, حلوة الحكاية ده, ألف مبروك عليك.
أحلى حاجة في موضوع الترخيص ده إني ساكن في الشيخ زايد, فالمرور عندنا فاضي إلى حد ما.
رقم العضوية : 20232
تاريخ التسجيل : 26Sep2008
المشاركات : 2,000
النوع : ذكر
الاقامة : Ca!ro
السيارة: So0N
السيارة[2]: Gen.2
دراجة بخارية: ........
الحالة :
الف الف مبروك عالترخيص
ربنا يباركلك فيها ويحفظهالك
والتقرير جميل اوي وشرح جميل كمان
العربيه ما شاء الله حلوه اوي وجميله ومريحه وعن تجربه طبعا
شكرا
إلى القمهmusiccairo سابقا
المفضلات