الفترة اللى فاتت بذلت مجهود كبير و لسه هبذل فظهرت مشكة معى و هى الام بالعمود الفقرى و انى مش بقدر اخلى ظهرى مستقيم لازم امشى مايل و انا قلقان اوى فهل ده حاجة خطيرة ولا عادى وهل ليها علاج
عرض للطباعة
الفترة اللى فاتت بذلت مجهود كبير و لسه هبذل فظهرت مشكة معى و هى الام بالعمود الفقرى و انى مش بقدر اخلى ظهرى مستقيم لازم امشى مايل و انا قلقان اوى فهل ده حاجة خطيرة ولا عادى وهل ليها علاج
أولاً .. ألف سلامة لحضرتك .
ثانياً .. أنا مش دكتور علشان أعرف أفيد حضرتك .
ثالثاً .. على ما أعتقد أن أغلب مشاكل الظهر والعامود الفقري بيكون ناتج عن ضعف في عضلات الظهر .. إلا إذا كان لا قدر الله فيه ضرر وقع على العامود الفقري
أنا حصل للمدام عندي الالام اللي حضرتك بتقول عليها .. وبعد الكشف والاشعات للاطمئنان .. تبين أن المشكلة من ضعف العضلات في منطقة الظهر .
ودي علاجها مسكنات مع راحة بقدر الإمكان .. وعدم حمل أي شيء ثقيل .. والجلوس بشكل صحيح .. وبعض التمارين لتقوية العضلات المحيطة بالعامود الفقري .. وكذلك المشي .
ولكن كل حالة وليها خصوصياتها .. لذلك أنصحك بسرعة استشارة طبيب عظام في أقرب وقت لأن آلام العظام قاسية .. والف سلامة لحضرتك
اولا طبعا الف سلامة عليك يا استاذ maka
انا برضه مش دكتور بس حضرتك بعد ما تطمن علي نفسك ان شاء الله وتطلع حاجة بسيطة
حاول ما تهملش ممارسة الرياضة صدقني هتجنبك حاجات كتير من اقل حاجة زي الارهاق والتعب لحد امرض كبيرة ربنا يعافيك ويعافينا ويعافي كل المسلمين منها
شكرا ليكم و جزاكم الله كل خير
و باذن الله اول هكشف عند دكتور
بس ممكن اعرف ايه هى التمارينات اللى بتقوى عضلات الظهر
بص يا باشا ان شاء الله ده ممكن يكون تمزق في العضلات بس هتاخد حاجه باسط للعضلات زي الميلوجين او الديمرا 3 مرات في اليوم بعد الأكل + اي نوع مسكن بتستريح عليه
تنام على سرير خشب مرتبه كويسه حاول تريح في البيت الفتره الجايه بلاش شيل حاجات خالص لو لزمت هتنزل توطي وضهرك مفروووود تتني ركبك بس وتشيل الحاجه وتطلع زي ما انتا من غير ما توطي خالص اسبوعين كده وقولي ايه الأخبار وبالشفا ان شاء الله
اسف على التاخير فى الرد و شكرا انا الحمد الله استريحت