عفشتك بايظه ؟؟؟صلحها بسسسسسسسرعه ..
انا عامل الموضوع ده عشان انصح اخواتى الى فى المنتدى هنا ...
و بجد الى عفشته فيها مشكله يعملها بسرعه ....
و هحكيلكو الى حصل ...
صديقى احمد ..
معاه بيجو 305 موديل 79 ...
ما شاء الله عربيته حالتها كويسه جدا ...مشكلتها فى العفشه بس ...
بتشخشخ !!!
تدوس على زلطه اكنك طلعت جبل ..
طااااااخ طيييييييخ بومممممم دبببببب
و المشكله الاكبر ان المساعد الى ورا شمال ..فى الضيااااااااع (تقريبا مكسور)...
و احمد مش فى دماغه ...
و ماشى ولا هامه ...
و الكارثه انه بيسافر بيها !!!
و بيجرى ...
يعنى مثلا بيمشى 140 و 150 !!!!بعربيه موديل 79 !!متخيلين ؟؟؟
المهم ...
امبارح الساعه 11 كده احمد كلمنى قالى انا رايح دمياط الجديده ..(عشان عنده امتحان تانى يوم الصبح هناك)...
و عايزنى اروح معاه ....طبعا انا مرضتش عشان انا كمان عندى امتحان ...
المهم قلتله بلاش تسافر يا عم الطريق وحش ..(بيطلع من المحله للمنصوره و بعدين طريق جمصه الساحلى ...ده طريق جاااااامد بس معليهوش عمود نور واحد يوحد ربنا و ملفاته قاسيه جدا ....)..
المهم قالى لالا
انا هسافر ..
قلتله اوك ...
الساعه 1 كلمنى قالى انا طالع اهو مسافر ....
المهم على 2 ونص لقيت رقم غريب بيتصل بيا !!!!!!!!!!!!!!!
الو ...
مين معايا ؟؟؟
انا احمد يا خالد !!(صوته متغير خااااااالص)..
خير يا احمد فى ايه ؟؟
انا اتقلبت يا خالد فى ترعه !!!!!!
تعالى بسرعه ....
نزلت طاير خدت العربيه و روحت لواحد صاحبى و مشيت ....
اقسم بالله انا مكنتش عارف انا سايق ازاى ...
كل الى هقوله ...
انا من المحله لحد المنصوره 10 دقايق ...!!!
و من المنصوره لدمياط 10 دقايق زيهم .....
تلت ساعه كنت هناك ..
العداد منزلش عن 160 و كلت 3 مطبات على طريق المنصوره ...على 160 :khd:
طبعا انا عارف انى متهور بس بجد انا مكنتش عارف امسك نفسى .............
المهم وصلت لقيت صاحبى قاعد فى عربيه جامبو (راجل وقفله ..)..
و طبعا هدومه كلها ميه ..
و كنت جايبله معايا هدوم ...
و درجه الحراره كانت 6 !!!!!!!!!!!!!!!!!!!!!!!!!!!!!!!!!!!!
سبب الحادثه و ده الجزء المهم .............
المساعد اتكسر و العربيه لفت بيه ..
و الكاوتش الى قدام فرقع ...
و اتقلبت 6 قلبات ...
و السابعه كانت فى الترعه على سقفها .!!!!!!!!!!!!!
صاحبى الحمد لله ..
كل الى حصله عشر غرز فى ايده و كدمات فى جمبه الشمال ....
بجد العربيه انا شفتها النهارده لما جبناها ....
منظرها يخوووووف...
البابين الشمال جوا العربيه ...
لدرجه ان كرسى السواق خد الكرسى الى جمبه و لزقو فى الباب اليمين !!!!!!!!
بجد يا جماعه نصيييييييييحه من اخوكو الصغير ...
محدش يهمل اى حاجه فى العفشه ....