انا نفسى فى الاوتوماتيك
بس علشان الفلوس يبقى مانيوال و مش مهم رجلى الشمال !!!
عرض للطباعة
انا نفسى فى الاوتوماتيك
بس علشان الفلوس يبقى مانيوال و مش مهم رجلى الشمال !!!
أوتوماتيك
شوارع مصر مابقتش ناقصة مانيوال
في زحمة البلد دي في رمسيبس في العباسية والجيزة الذيذة لازم اتوماتيك
مانيوال غير لو كانت مرسيدس
لان اوتوماتيك المرسيدس موتعة
و على فكرة اسرع عربية اوتوماتك مرسيدس
انا لى تجربه
كنت فى مرسى مطروح فى بلاج بعيد نسيت اسمه
المهم اخر النهار وانا ماشى جالى واحد يقول لى عندك وصله بطاريه قلت له ايوة
رحت معاه وكانت العربيه بالمشمع بتاعها كانت سوزوكى
وصلت الوصله معاه ومعايا ويدور العربيه الكابل كان تعبان والعربيه مش عاوزه تنطق
قلت له أحسن نزق العربيه
قاللى اوتوماتيك
فى النهايه اشتغلت بعد ساعه عذاب
ومن يومها بكره الأوتوماتيك
المانوال سريع و مفيد يعنى مثلا انا معايا 504
لما الاشارة بتفتح على الناس اللى جنبى ما تبداء تتحرك اكون انا فى اخر الشارع ( اوع ياض منك له)
و فى السفر مش وحش. بس الواحد بيتحرك فىالبلد دى معظم الوقت على الغيار التانى و شوارع ضيقة و زحمة و زنقة و طلوع روح ... و هاتك يسا حرق بنزين بزيادة و سلملى على المانوال و على رجليك ( و دراعك اليمين احيانا) اللى بتسرخ بعد ما تتخطى حاجز الساعتين سواقة
و التشتيت ايدك الشمال اصبحت وحيدة تتحكم فى اتجاه السيارة واليمين تركت الدركسيون وبتبحث عن عصا الفتيس و تبداء فى تحريكه و فى نفس اللحظة تتحرك قدمك اليمنى الى الفرامل اما اليسرى فتكون سبقت الجميع ببضع اجزاء من الثانية الى الدبرياج ( مرستان و كل ده بيحصل و عنيك على العربية اللى انتا كنت هاتلبس فيها)
اما عن تكلفة اصلاح الاوتوماتك فلو انك بتسوق كويس و بتاخد بالك مش هايكون الموضوع ازمة
لكن تعلالى بقى فى المانوال اللى سواء كنت كويس او وحش ( و دى تبقى مصيبة اكبر) هايستهلك بسرعة فى ظروف الزحام الفظيعة دى و تعالى و شوف هاتغير طقم الدبرياج كل اد ايه و الاسطوانة و الدسك و البلية ( مع ان دى حجات المفروض بتعيش جزء كبير من عمر العربية. بس ده كان زمان) دا غير تصليح و ظبط العصاية اللى انتا عمال تلخلخ فيها طول النهار و مش عاتقها دى
على راى حمادة بتاع قطع الغيار: الاسطوانة و الدسك و البلية شغالين بيع زى الفل اليومين دول يا دكتور
انا : و عرفت السبب؟
هو : لما نزلت الجمعة اللى فاتت و سقت جوه البلد شوية و طول مانا سايق ماباعملش حاجة غير انى بدوس دبرياج قلت لنفسى " دا فعلا ليهم حق ينباعوا بالطريقة دى"
كلامك زي الفل يا دكتور ، أنا بحب المتنيوال و أداؤه الرياضي ( بس أركبه من وقت لآخر ) أما عربيتي أوتوماتيك ، قمة الراحة في القيادة ، خصوصا في الزحمة الرهيبة دي ، و بعدين أنا العربية معايا بقالها 5 سنين و ماشاء الله محتاجتش أي صيانة في الفيتيس( ياباني ) ، أما عن الشد و الكلام ده شغالة مش بطالة ، هوا فعلا السحب أقل بالنسبة لنفس الفئة ، بس الواحد لما بيشتري عربية مش هيشتريها علشان لما ييجي يشد تبقى كويسة ، لكن علشان تحقق الهدف الحقيقي منها و هوا الراحة ، و على فكرة الأوتوماتك مش ميت زي الناس ماهي فاكرة ، قيادته ممتعة جدا بس طبعا مش هتاخد منه نفس الأداء الرياضي بتاع المانيوال .
مانيوال طبعا لأسباب كتير....
وفر في البنزين... و وفر في تيل الفرامل و الكبالن كمان...عشان في المانيوال ينفع تمور في الملفات لكن الأوتوماتيك لأ
غير موضوع الدحرجة و الزحلقة اللي كان فتحه أحد الأعضاء http://www.nilemotors.net/Nile/showthread.php?t=28928
و ده طبعا مينفعش يتطبق غير في المانيوال..
يا جماعة بقى بعد كل اللى قلته ده لسه شايفين ان المانوال موفر اكتر؟
انا شايف ان مع القيادة المتزنة، الاوتوماتيك هاتكون اعطاله اقل و اريح و يوفر اكتر.
كفايه ان فى الاوتوماتك العربية هى اللى بتنقل لوحدها لما تحس انها محتاجه الغيار
اما موضوع تيل الفرامل ف كده كده التيل بيستهلك فى البلد ديه
و لو حسبت قيمة طقم الدبرياج و الاسطوانة و الدسك اللى هاتغيرهم كل كام سنة فى المانوال
و فى المقابل ها تنسى الكلام ده فى الاوتوماتك ( لانه لغى تحكمك فى الغيار، و لغى استهلاكك الزيادة للفتيس بدون داعى)هاتجد اان الاوتوماتك اوفر على المدى الطويل
من الاخر المانوال عايز جرى و طريق و مساحات, و ده لم يعد موجود فى مصر( حتى و انتا مسافر ما بتعرفش تجرى، و اى حد يقول انه بيعرف ياخد الطريق كله على سرعة اكتر من 110 يبقى كداب)
اما الاوتوماتك فهو ده اللى ينفع فى الظروف بتاعة المطبات و فرمل كل شوية و انزل نقلتين كل حبه. و اطلع و فرمل تانى و اطلع تانى و فرمل تانى بسرعة
اتوماتيك حتى الموت
المانيوال دة موضة وبطلت خلاص دة بقى للناس اللي بتشتري عربيات السباق مش وسيلة المواصلة المريحة
(الاتوماتيك بيقلل من نسبة الحادثة عافانا الله واياكم )
والسبب : ان كل مكان بيسوق في جسمك واخد راحتة تمام ومفيش انفعال زي المانيوال
كفاية انك سايق وايدك الاتنين على الدريكسيون كدا انتا في امان بنسبة اكبر شوية كمان رجلك علطول على الدبرياش وانا من النوع دة ياجماعة بصراحة رجلي علطول على الدبرياش لما اشتكى والجير تعب كتر الغيارات للسيارة وفي الوزنة في المطالع ياجماعة مانيوال اية بس دة ملهوش اي لزمة والله دة بيعطل اكتر من الاتوماتيك وبسرعة اكبر وبستهلك قطع الغيار في السيارة بسرعة لانك علطول مخلي الموتور في حالة حركة وممكن اوي تنقل نقلات مش مظبوطة اوي يعني لكن لو اتوماتيك سيبها هيا تنقل النقلة المظبوطة وتريح الماتور والسيارة اللي انتا ماشي بيها عمرها يبقى اطول ......ارجو اللي عندة تعليق يقول على الرحب والسعة
مهندس\عبدالرحمن
بصراحه لو
صاحب العربيه راجل كبير يبقي يجيب اتوماتك
بس لو صاحب العربيه شاب يبقي مانول
لو في بلد فضيه يبقي مانول ولو بلد زحمه زي القاهره يبقي اتوماتك
وكمان لو الشخص الي بيسوق بيعرف يحافظ علي العربيه علشان متجبش جير بوكس لانه غالي في الاوتوماتك
المانول متعة السواقه والاوتوماتك راحت السوقه
مهندس عبد الرحمن ...والله انت جبت من الاخر وقولت الكلام اللى كان على لسانى
فى الزحمه الفظيعه دى وشوارعنا اللى بقت زى الجبال وكان الواحد طالع سفارى مش ماشى فى مدينه... المانيوال ماعدش ينفع الا للى مزاجه عالى وهيفضل يدى غيارات ودبرياج او اللى عايز يخمس بالعربيه ويشد ويحرق وكده ....ياااه ده الدبرياج ده خنقه اوى ..
مفيش احسن من الاتوماتيك
..mokhtar..
انااعتقد ان المانيوال افضل لأنة الواد بلية ممكن يتعامل معاة كويس:arghh:
رغم ان الاوتوماتيك كلنا متفقين ان مصاريف التشغيل فى الاوتو اعلى من المانيوال سواء فى تغيير تيل الفرامل اسرع ولابد من تغيير زيت الفيتيس كل 40 الف وطبعا استهلاك اعلى فى البنزين غير اداء اقل من المانيوال بنسبه معينه. ده كله غير تمن العربيه اغلى من المانيوال فى نفس نوع العربيه ،بس كل ده يهون فى سبيل الراحه
طيب ما الفتيس التيبترونك مريح و مش موضه قديمة
هو انت بتبقى ايدك اليمين مش على الدركسيون بنسبة قد ايه من المشوار؟؟؟ يعنى لو انت سوقت مشوار لمدة ساعة بتبقى ايدك اليمين مش على الدركسيون مدة قد ايه لتنفيذ عملية النقل؟؟... الفق مش جوهرى اوى للدرجة و لو الوقت دة يفرق معاك يبقى انت اصلا طبيعة سواقتك سريعة و بالتالى مينفعكش الاوتوماتكاقتباس:
(الاتوماتيك بيقلل من نسبة الحادثة عافانا الله واياكم )
والسبب : ان كل مكان بيسوق في جسمك واخد راحتة تمام ومفيش انفعال زي المانيوال
كفاية انك سايق وايدك الاتنين على الدريكسيون كدا انتا في امان بنسبة اكبر شوية
يعنى انت بتحمل رجلك على الدبرياج طول ما انت سايق؟؟ دة يبقى عيب سواق مش عيب فتيساقتباس:
كمان رجلك علطول على الدبرياش وانا من النوع دة ياجماعة بصراحة رجلي علطول على الدبرياش لما اشتكى
اكتر حاجة بتبوظ فى الفتيس الاوتوماتك هى كلاتشات الاول و التانى من كتر النقل فى الزحام... الحمل على الفتيس واحد سواء مانيوال او اوتوماتك... كل الفكرة انك انت ريحت رجلك الشمال و ايدك اليمين لكن الفتيس بيعانى نفس المعاناه... الفكرة بقى لما تيجى تصلح و حنفرض اسواء فرض ان الفتيس مات.... الفتيس المانيوال للنوبيرا مثلا ب 1000 جنية و الاوتوماتك ب 4000 جنيةاقتباس:
والجير تعب كتر الغيارات للسيارة
تفتكر بنقابل كام مطلع كل يوم عشان يبقى المطالع هى السبب فى اننا نجيب اوتوماتك؟؟ كمان انت لو رجليك حساسة حتبقى الطلعة من ثبات على مطلع مفيهاش مشكلةاقتباس:
وفي الوزنة في المطالع
ليا واحد صاحبى معاه جوليت عاملة 500 الف كيلو و بفتيسها المانيوال الاصلى... الصراحة مش عارف "بسرعة" جت منيناقتباس:
ياجماعة مانيوال اية بس دة ملهوش اي لزمة والله دة بيعطل اكتر من الاتوماتيك وبسرعة اكبر
ما انت ممكن تمور فى المانيوال لكن الاوتوماتك حتعملها ازاى؟؟؟ يبقى الاوتوماتك بشغل الموتور اكتر نتيجة الوصل المستمر بين الموتور و الفتيس و اكبر دليل هو الاستهلاك الاكبر للفرامل فى العربية الاوتوماتك عن المانيوالاقتباس:
وبستهلك قطع الغيار في السيارة بسرعة لانك علطول مخلي الموتور في حالة حركة
برضة يبقى عيب سواق... الموضوع مش ذنب الفتيساقتباس:
وممكن اوي تنقل نقلات مش مظبوطة اوي يعني
مهى هى دى المشكلة... العربية بتنقل بمزاجها مش بمزاجى انا بالتالى مبتتصرفش زى ما انا عايز... و ملاحظ جدا عن عزم العربية فى الطلعة قليل... يعنى لما تهدى عشان تاخد مطب و تبدا تسرع بتحس ان الموتور بيعافر عشان يمشى العربيةاقتباس:
لكن لو اتوماتيك سيبها هيا تنقل النقلة المظبوطة وتريح الماتور والسيارة اللي انتا ماشي بيها عمرها يبقى اطول
احب اضيف حاجة كمان... مشكلة معظم الناس هى الدبرياج... طيب لو اضفنا على الاختيارات دى الفتيس التيبترونك... تختاروا ايه؟؟؟؟؟؟اقتباس:
......ارجو اللي عندة تعليق يقول على الرحب والسعة
MMamdouh
تحط السيليكتور عال N طبعاً !!!
يعني اية الوصل مستمر بين الموتور و الفتيس؟؟؟ لا طبعا مافيش وصل مستمر!!! الفتيس الاوتوماتيك بيمور و بيفصل , مافيش موتور في الدنيا الوصل فية مستمر مع الجير بوكس و بالتالي مش بيشغل الموتور اكتر ولا حاجة
ايوة بس ملاحظتين
اولا العربية مش حاتدي نقلة غلط لوحدها , الا لو كان الفتيس بايظ
يعني العربية بتدي كل نقلة حقها زي ما المفروض بدون زيادة و لا نقصان
و التانية ان برضة انت بدوسة رجلك عالبنزين بتتحكم في مشوار النقلة
و دة اي حد سايق اوتوماتيك بيعرف يحكمة بسهولة
مش بس الكيك داون لكن ان بدوسة رجلك تقدر تتخللي العربية عالنقلة لغاية مانت تحب تخليهها تنقل عاللي بعدها تخف رجلك سنة
و حكاية العربيات اللي بتعافر دي مش يعني دقيقة قوي
لأن بلا شك ان الجير الاوتوماتيك حمل عالموتور
و بنسبة معينة
و النسبة دي تبقى كبيرة قوي لو الموتور اصلا ضعيف
لكن لو الموتور قوي اساسا يبقى الفرق اللي بيضيع في حمل الجير الاوتوماتيك مش نسبة تذكر تأثر عالعربية و سحبها و المطالع
يعني احنا عندنا لانسر 1300 اوتوماتيك 2006 عربية اصلا موتورها ضعيف
و مع التكييف بيتنيل و تبقى بطة
و بالتالي في المطالع بتبقى بتموت و ياسلام مع التكييف بقى ماقولكش
لكن لغاية من سنة فاتت انا كنت سايق هوندا اكورد 1800 16 صباب
العربية دي ولا كان بيفرق فيها
و كانت تجمع اسرع من ابيزا او جولف منيوال مثلا لو حارقين سوا
و طبعا في الفرونتيرا مع موتور 3200 4 كامة 24 صباب لا شك ان اللود بتاع الجير الاوتوماتيك لا يشكل نسبة تذكر على قوة الموتور
طبعا لا شك فب الاخر ان الجير الهيدروماتيك اريح
و اسهل
و مافيهوش سلك دبرياج يتقطع منك فجأة و بدون سسابق انذار و انت في نص مشوار او زحمه او سفر و يقرفك
حتى لو معاك سلك سبير برضة مش سهل تركيبة و حاتوسخ نفسك و تتعطل و انت نازل ميعاد او راتيح الشغل مثلا
و كمان نافيش اسطوانة و دسك بيتغيروا كتير و وجع دماغ و عطلة
بس برضة بيستهلك تيل فرامل اكتر
و بيستهلك بنزين شوية اكتر يمكن في المتوسط 3-7% حسب زي ماقلنا قوة موتور العربية اساسا
و لما بيعطل بيتكلف الوف في اصلاحة مابين كلاتشات و غيرة
و تكاليف صيانتة اعلى
تغيير زيتة بيتكلف 150 جنية مستريح
و فلترة ب 150 جنية تانية
بس في الاخر انا كواحد راكب اوتوماتيك من 9 سنين اقولك اريح و اضمن في اللاخر
بالمناسبة الكورادو ال Vr6 اللي هيه اقوى موتور في عربية سبور من فولكس فاجن بتنزل بفتيس اوتوماتيك
يعني لو كان المانيوال هو الاحسن في كل الاحوال كانوا نزلوها مانيوال, بالذات كمان دي عربية سبور و مطلوب فيها جري و تجميع تسارع عالي
بس زي ماقلت ان لما يكون الموتور قوي وعزمة عالي (سي سي عالي) الاتوماتيك مش حايبقى لود (حمل) عالموتور
الاتوماتيك مريحة بشكل يفوق الخيال
لكن المانيوال ممتعة وخصوصا لما تكون عربية بتجرى كويس
اوتوماتيك طبعا
ومفيش متعه فى الماتيوال فى بلدنا الزحمه والطرق المكسره دى
متعة ايه بس
والله يا جماعة انا شايف الموضوع نسبي شوية
بمعنى
لو راكب موستانج مثلا .. توماتيكي عشان الافترا الي تحت الكبوت مش هيخليني احس انها مش مانيوال
لكن اي عربية لحد 2000 سي سي مانيواللللللللللللل
انا بفضل المانيوال عشان احس انى بسوق ، الاوتوماتك بحسها need for speed اوى ، او يمكن need for speed اصعب كمان :biggrin24:
انما لما بسوق مانيوال بحس انى بعرف اسوق و متحكمة فى العربية احسن
و طبعا فرق السحب ، انا عربيتى مانيوال ، لما بركب مع واحدة صاحبتى معاها اوتوماتك ببقى هتشل من السحب ، و هى كمان بتبقى مشلولة منها ، مثلا نبقى واقفين فى اشارة و فجأة الطريق يتفتح و قدامنا فاضى نجرى ، فيييييييييين و فيييييييييين لحد ما تجيب 50 حتى ، مللللللل
مانيوال الى الابد
الأتوماتيك مريح جدا بس مش ممتع في السواقة (ينفع الناس اللي مش بتحب السواقة او كبار السن او السيدات)
المانيوال ممتع تجري وتشد وتحرق علي الغبار وتسقط نقلات وكدة ده غير ان التسارع في المانيوال بيكون اكبر (ينفع للشباب والناس اللي بتعشق القيادة ذي حلاتي)
أنا اخترت المانيوال
الي كل من هاجم الاوتوماتك
و الله في حاجه اسمها كيك داون و حاجه تانيه اسمها اوفر درايف و غير ده كله في حاجه اسمها راحه احنا مش في سباق سابق و لاحق علشان كل اشاره اكون نمره واحد فيها و اطلع الاول و اخد نجمه!!
طبعا الاتوماتيك
وفى مصر كمان يبقى اكيد اتوماتيك
مانيوال بحس انى بعرف اسوق انما الاوتوماتيك بحس انى راكب لعبة بس هو حلو للبنات او كبار السن
اوتوماتيك طبعااااااااااا
انا مش فاهمة ايه المتعة فى السواقة المانيوال و الدبرياج فى عز الزحمة اللى عندنا فى الشوارع دى كدة مبقتش متعة دى خنقة !!
بعدين موضوع التحكم دة ليه حلول بجد الاوتوماتيك برده بحس فيه بالتحكم خصوصا مع الستيبترونيك
طبعا اوتوماتيك
ياخوننا مع احترامى لكل الناس طبعا
تعالوا نحسبها بطريقه تانيه
من ناحية المشاكل فالعربيات قرف
بمعنى
ان فى ناس مستريحه اوى فى المانيوال وبتحبه ودول ناس ليهم دماغهم واستخدامهم خوصا لو من عشاق السحب وصوت الموتور
وناس بتحب تريح دماغها
بس اللى مايختلفش عليه اتنين ان سواق المانيوال مخه شغال اكتر من سواق الهيدروماتيك او بمعنى اخر وبلغة السواقين
سواق المانيوال ده سواق تاره
لكن تعالوا نحسبها من ناحية المكان اللى بتمشى فيه العربيه
وتوضيحا لذلك
ان القاهره ماينفعش فيها الا اوتوماتيك خصوا فوق الكبارى واوقات الزحام
بعكس بقية المحافظات زى السويس مثلا مافيهاش زحام بالمره او فى اماكن قليله جدا بتبقى القياده بالمانيوال ممتعه
بصراحة الاتوماتيك في داخل القاهرة مريح نظرا لطبيعة المرور و حركة السير شبه المتوقفة , لكن الاتوماتيك علي الطرق السريعة لازم تكون العربية علي الاقل 1600 CC علشان يبقي في سحب كويس و سرعة استجابة تتطلبها بعض المواقف خاصة مع و جود التكييف
لكن تجربتي الشخصية بتقول ان في السفر أفضل عربية مانيوال و داخل القاهرة أفضل عربية أتوماتيك بغض النظر عن السعة اللترية
(القيادة أدب و ذوق و أخلاق قبل أن تكون فن)
أوتومااااااتك !!! أوتوماااااتك .. من إنهاردة إنسوا كل اللي قلته عن المانيوال !!! أحسن فتيس في العالم هو الأوتوماتك !!!!!! انا جالي شلل في رجلي الشمال من الزحمة
Wmeeen sem3ak ya Motorizer
sa7i7 enta meshwara el 70 KM dah mn feen lfeen 3ashan ana ba3mel bardoo 75 KM fi elyoum wt3ebt 5alaaaaaaas
اوتوماتيك عشان الزحمة طبعا
اوتوماتيك اوتوماتيك اوتوماتيك اوتوماتيك اوتوماتيك اوتوماتيك
شبعت من المانيوال و وجع الرجلين فى الزحمة
و بعدين انا حصل معايا موقف لا انساه
بطن رجلى اتعور و عمل قرحة لأنها منطقة ضغط (عليها وزن الجسم كله) فالألتئام بيكون بطئ جدا ، و كان معايا ساعتها البطة المانيوال ، و شفت ذل شهر و نصف بين التاكسيات و قرفهم :jimlad:و انتظار تفضل أحد الأقارب أو المعارف بتوصيلك :2:، اما لو كانت اتوماتيك ماكنتش اتحوجت لحد (و الحمد لله على كل شئ)
من بعدها نويت على الأوتوماتيك و الحمد لله ربنا كرمنى بيها
أما بالنسبة للمشاكل لو عطلت فدى معرض ليها اى عربية تكنولوجيتها عالية حتى لو مانيوال لأن لازم تتصلح فى التوكيل ، و طالما الواحد محافظ على الصيانة فان شاء الله مافيش مشاكل
أما المصاريف فشئ طبيعى ان كل الواحد ما اختار حاجة اريح لازم تكون اغلى
اقولك هات عربية ايزى ترونيك
الاتوتوماتيك راحه بال وسحب كويس برده وخصوصا ال ايزي ترونيك
مانيوال طبعا متعة قيادة غير الاوتوماتيك خالص
متعت السواقه المانيول
راحت السواقه فى شوارع من الاوتوماتيك