مانيول وللا اوتوماتيك.....السؤال الأزلي
عرض للطباعة
مانيول وللا اوتوماتيك.....السؤال الأزلي
فى الوقت الحالى مانيول لسهوله الصيانه وقله المشاكل ولان مش اى عربيه اوتوماتيك تتركب
المانيوال لأن الأتوماتيك مشاكله كتير ومحش بيعرف يتعامل معاه ..
عن نفسى بفضل المانيوال للأسباب التالية:
انا بحب سواقة المانيوال لأنها بتحسسنى بمتعة السواقة
صيانة المانيوال أسهل بكتير من صيانة الأوتوماتيك
مش أى حد يعرف يصلح فتيش أوتوماتيك ولو أضطريت أنك تشترى فتيس جديد هايوصل تمنه حوالى 40000 جنيه
:shock: :shock: :shock: :shock: :shock: :shock:اقتباس:
ولو أضطريت أنك تشترى فتيس جديد هايوصل تمنه حوالى 40000 جنيه
انا فى مثل خيرتك لانى حليا معايا عربيتن لانوس اتوماتيك ورينو كليو عاده وبفكر ابيع الانوس واجيب عربيه يبانى منيوال
بصراحه الاتوماتيك مش عايز اقولك اد ايه مريح وخصوصا فى الزحمه نعمه بجد لاكن عيوبه كالتالى :
-اسهلاك عالى للبنزين.
-سحب مش زى العاده بالمقارنه بنفس الفئه .
-استهلاك لتيل الفرامل.
-المشكله الكبرى مش فى المشاكل الى بيعملها. لا المشكله الاكبر فى انك تلاقى حد يعرف يصلحه حتى التوكيل.
-للامانه اعتقد ان المشاكل الكثير ممكن تحدث مع الكورى بس مش مع اليبانى .
-كمان فى اعاده بيع العربيه اول حاجه بكشف عليه الفتيس الاتوماتيك ,لو فيه حاجه بينزل من ثمن العربيه جامد بخلاف اصلا انه بنزل من ثمن العربيه وهوه سليم.
نيجى للمنيوال او العاده :cry:
بصراحه انا وانا سايق الرينو بحس بمتعه فى الطريق لو مفتوح :D اما لو الطريق وقف او زحمه :cry: بتمنى ان العربيه تتحول الى اوتوماتيك .
غير ان المنيوال صيانه سهله ومشاكله تكاد تكون معدومه .
غير طبعا لو لقدر الله البطاريه نامت او المرش فيه ,فى العاده هزق وتمشى اما مع الاتوماتيك فالحل انك تكون ماشى بوصله وحد يوقفلك ويديك وصله لعربيتك يا سلام لو فى صحراء او فى مكان فاضى
يعنى من الاخر لو تقدر تتحمل نفقات تصليح الفتيس الاتوماتيك وتتحمل المواقف بتاعته يبقى هات اتوماتيك فى مقابل انك هتاخذ امامه راحه فى القياده
لو حسيت ان الموضوع تقيل عليك خليك فى العاده واتعب شويه فى القياده
اما لو انت هتروح من اتوماتيك الى عاده زى حالاتى ففكر شويه لان الموضوع مش سهل خصوصا ان فى ناس من كتر ما اتعودت على الاتوماتيك فيبقى صعب عليها المنوال .
limo
ممتنع عن التصويت
لأنى كلما اردت ان احكم لاحدهم ادلى الآخر بحجته
الاتوماتيك مريحة بشكل يفوق الخيال
لكن المانيوال ممتعة وخصوصا لما تكون عربية بتجرى كويس
انا اخر ما غلبت جبت واحدة اوتوماتيك والتاية مانيوال
(بس الصراحة الصراحة يعنى اعتقد انى بحكم السن وحالة التعقل اللى حلت عليا على كبر وان اهتمامى بالراحة بقى اكثر من اهتمامى بالجرى وهو ما يحدث لكل من يخطو بخطى حثيثة نحو سن الأربعين ، اعتقد انى لو هادى صوتى لواحدة فيهم هاديه للأتوماتيك)
أوتوماتيك طبعاً , علشان أنا زهقت من إشارات القاهرة و زحمة القاهرة . حاول إنك تمشي الساعة 2-3 العصر في صلاح سالم إتجاه المطار , و إنت تتمني الأوتوماتيك و تكره المانيوال . :evil:
هوه مش الرولس رويس كله اوتوماتيك يا سوني؟؟! 8)
انا الموضوع ابسط عندي من كده بكتييييييييير
2400 سي سي فأقل مانيوال
اكثر من كده اوتوماتيك باستثناء المرسيدس (كله اوتوماتيك)
متعة القيادة فى المانيوال-لكن لو اوتو ماتيك --طيب ما انا اجيب سواق احسن-
الستبترونيك ... تجمع بين مزايا المانيوال و الأتوماتيك فى القيادة و لكن طبعاً تشترك مع الأتوماتيك فى عيوب الصيانة
كمان كمان
اقتباس:
غير طبعا لو لقدر الله البطاريه نامت او المرش فيه ,فى العاده هزق وتمشى اما مع الاتوماتيك فالحل انك تكون ماشى بوصله وحد يوقفلك ويديك وصله لعربيتك يا سلام لو فى صحراء او فى مكان فاضى
اقتباس:
بس الصراحة الصراحة يعنى اعتقد انى بحكم السن وحالة التعقل اللى حلت عليا على كبر وان اهتمامى بالراحة بقى اكثر من اهتمامى بالجرى وهو ما يحدث لكل من يخطو بخطى حثيثة نحو سن الأربعين ، اعتقد انى لو هادى صوتى لواحدة فيهم هاديه للأتوماتيك
اقتباس:
الستبترونيك ... تجمع بين مزايا المانيوال و الأتوماتيك فى القيادة و لكن طبعاً تشترك مع الأتوماتيك فى عيوب الصيانة
الناس دي مشكوره جابت الخلاصه هو فعلا مشكلته في المواقف البايخه اللي ممكن تحل من البطاريه او المارش و ما يتركبش اقل من 1600 سي سي علشان عزم العربيه ما يضعش و تحس انك متكتف انا فكرت و كنت حقول انا افكر اركب اوتوماتيك كمان 10 سنين (عمري حاليا 27 سنه) يعني اكون كبرت و مش عاوز عزم جامد ولا قرص علي النقلات و لا حاجه من دي الستيبترونيك هو ععباره عن فتيس اتوماتيك بتحكم يدوي يعني برضه لو قرصت علي نقله زياده في معظم العربيات حينقل لواحده علي النقله اللي بعدها و بعدين مشاكل الاتوماتيك ممكن تتجنب جزء كبير منها لو انت بتتعامل مع النقلات بحكمه و مش بتتعافي علي عصايه الفتيس و تخلي باللك دايما من الزيت اهم حاجه في الاتوماتيك ان الزيت ما ينقصش و طبعا لو العربيه جديده يبقي معظم المشاكل دي حتقل .اقتباس:
2400 سي سي فأقل مانيوال
سيارتى الحالية افضلها مانوال نظرا لظروف الفئة العمرية وسرعة التحرك ولكن على مشارف الاربعين اذا كتب الله لنا العمر سوف تكون اوتوماتيك ولن ابدى اسباب لعدم الاحراج واعتقد انها سوف تكون المانى ان شاء الله.
مانيوال يا باشا
طبعا علشان السن و انت نفسك تجرى و تحرق و تأمرك و كدة
و كمان انا بحب انو انا الى اسوق العربية مش العربية هية الى تسوقنى انا بحس كدة فى الاوتوماتيك انو العربية هية الى بتسوقنى و انا ماليش دخل فيها
بس طبعا الاوتوماتيك مريح و مفيد فى الزحمة
فى الحقيقة رأى ان الاتوماتيك دلوقتى مفهومه فى الاصلاح و الصيانة اتغير عن زمان و كمان فى القيادة .. انا عندى اتوماتيك و مش بتحرمنى من حاجة و ساعات احس انى بامشى بيها مانيوال لو عاوز و باقؤص و احرق ذى الفل ..الاتوماتيك شامل بس عيبه الوحيد فعلا تكاليف الصيانة .. لكن لو العربية جديدة .. يدينا و يديكم طولة العمر .. انسى يا عمرو.
مانوال علشان احس بمتعه القياده
مانوال أفضل
الاوتوماتيك ممتع برضه بس الصراحة ماشتريهوش ممكن لو هأجر عربية هأجرها اوتوماتيك انما لو عربيتى هفضل المانوال
لان الاوتوماتيك بحسه معقد شوية بحس انه حاجه متلزقه فى بعضها اى قرص عليها ممكن تبوظ
حلوة أوي منك :D:D:D:Dاقتباس:
المشاركة الأصلية كتبت بواسطة Ahmed Hassan
في عربيات 1600 و أدائها في الأوتوماتيك ممتاز و كافي جداً لجوه البلد . علي سبيل المثال و ليس الحصر : , هوندا سيفيك , تويوتا كورولا . اللي أقصده إن لو حضرتك محتاج عربية أوتوماتيك , ال 1600 ح تقوم بالمطلوب , مش ح تقول لأ .
هوة الناس فين؟؟
لو عربيه زيرو اتوماتيك المشاكل بتكون قليله بس القديم مشاكله كتير اقرب مشكله لو البطاريه نامت مش هتعرف تديها زقه المنيوال ممكن تزق
الاوتوماتيك للبيحب الراحه
العاده للبيحب القياده
انا افضل الاتوماتيك لانه مريييييييييييييييييييح جدا
هو الواحد لازم يهلك يعنى وهو بيسوق مايوفر صحته فى حاجات تانى؟؟؟؟؟؟؟؟؟؟؟؟؟؟؟؟؟؟؟؟؟
على فكرة انا عندى 21 سنة !!!!!!!!!!!!!!!!!!!!!
يا سلام يا سلام علي هوندا و احلي كلام
الاوتوماتيك طبعا في مصر بيسهل شويه الحياه
هوندا حلت الموضوع
ستيبترونيك كده ماشي و كده ماشي
انا عن نفسي مش بعرف اسوق مانيوال و محدش يضحك عليا
هات اوتوماتيك لو عربيه زيرو و مانيوال لو مستعمل
هوة كدة كلوا خللص؟؟
بعد العمر الطويل ده الواحد محتاج يكرم رجله الشمال ويريحها من الدبرياج.....
مانيوال الي الابد
حاليا وسابقاً مانيوال لئني بحب قيادة المانيوال لكن أوقات كتير في الزحمه وشد الأعصاب باقول ياريتني اوتوماتيك عموماً بفكر في الاوتوماتيك في الخطه العشريه الجايه ان شاء الله لو لينا عمر.
اتوماتيك لو مشاوريك داخل القاهرة المحروسة
انا بحب المانيوال بس عربيتى الحاليه اتوماتيك بس بإذن الله العربيه الجايه هتكون مانيوال
مانيووووووال ..
بحب احساس و انا متحكم في العربية و بديها النقلة و بقولها "يالا بينا"
بكره الاوتوماتك تماما .. مش بحس اني سايق و انا فيه دواستين بس تحت رجلي و العربية بتنقل لوحدها !
انما المانيوال بحسه friendly اكتر .. الاوتوماتك بحس العربية بتقولي انا هعمل كل حاجة قوم روح
auto tranny sucks big time
MMamdouh
الاتوماتيك في مصر ( الزحمة ) نعمة
http://www.postimage.org/Pq1BPmJJ.jpg
ماركة مسجلة لمحبى الاوتوماتك... طالما العربية وسيلة انتقال بالنسبة ليك يبقى الاوتوماتك ثم الاوتوماتك ثم الاوتوماتك :auto:
اذا كانت القيادة بالنسبالك متعة يبقى مانوال :3gears:
الموضوع وجهات نظر و اختيارات... اللى عايز يريح نفسة و هو بينتقل من مكان لمكان بيركب اوتوماتك و اللى بيحب السواقة بيركب مانوال
مفيش فتيس فيهم "وحش" و التانى "حلو"... دة فيه مميزات و عيوب و دة فيه مميزات و عيوب و كل واحد حسب اختيارة و حسب اللى يريحة و الدليل على صحة كلامى ان فيه ناس بتركب مانوال و ناس بتركب اوتوماتك...لو كان نوع منهم وحش مكنش حد جابة اصلا
MMamdouh