اقتباس:
المشاركة الأصلية كتبت بواسطة ssakoot
اتوماتيك حتى الموت
المانيوال دة موضة وبطلت خلاص دة بقى للناس اللي بتشتري عربيات السباق مش وسيلة المواصلة المريحة
طيب ما الفتيس التيبترونك مريح و مش موضه قديمة
اقتباس:
(الاتوماتيك بيقلل من نسبة الحادثة عافانا الله واياكم )
والسبب : ان كل مكان بيسوق في جسمك واخد راحتة تمام ومفيش انفعال زي المانيوال
كفاية انك سايق وايدك الاتنين على الدريكسيون كدا انتا في امان بنسبة اكبر شوية
هو انت بتبقى ايدك اليمين مش على الدركسيون بنسبة قد ايه من المشوار؟؟؟ يعنى لو انت سوقت مشوار لمدة ساعة بتبقى ايدك اليمين مش على الدركسيون مدة قد ايه لتنفيذ عملية النقل؟؟... الفق مش جوهرى اوى للدرجة و لو الوقت دة يفرق معاك يبقى انت اصلا طبيعة سواقتك سريعة و بالتالى مينفعكش الاوتوماتك
اقتباس:
كمان رجلك علطول على الدبرياش وانا من النوع دة ياجماعة بصراحة رجلي علطول على الدبرياش لما اشتكى
يعنى انت بتحمل رجلك على الدبرياج طول ما انت سايق؟؟ دة يبقى عيب سواق مش عيب فتيس
اقتباس:
والجير تعب كتر الغيارات للسيارة
اكتر حاجة بتبوظ فى الفتيس الاوتوماتك هى كلاتشات الاول و التانى من كتر النقل فى الزحام... الحمل على الفتيس واحد سواء مانيوال او اوتوماتك... كل الفكرة انك انت ريحت رجلك الشمال و ايدك اليمين لكن الفتيس بيعانى نفس المعاناه... الفكرة بقى لما تيجى تصلح و حنفرض اسواء فرض ان الفتيس مات.... الفتيس المانيوال للنوبيرا مثلا ب 1000 جنية و الاوتوماتك ب 4000 جنية
اقتباس:
وفي الوزنة في المطالع
تفتكر بنقابل كام مطلع كل يوم عشان يبقى المطالع هى السبب فى اننا نجيب اوتوماتك؟؟ كمان انت لو رجليك حساسة حتبقى الطلعة من ثبات على مطلع مفيهاش مشكلة
اقتباس:
ياجماعة مانيوال اية بس دة ملهوش اي لزمة والله دة بيعطل اكتر من الاتوماتيك وبسرعة اكبر
ليا واحد صاحبى معاه جوليت عاملة 500 الف كيلو و بفتيسها المانيوال الاصلى... الصراحة مش عارف "بسرعة" جت منين
اقتباس:
وبستهلك قطع الغيار في السيارة بسرعة لانك علطول مخلي الموتور في حالة حركة
ما انت ممكن تمور فى المانيوال لكن الاوتوماتك حتعملها ازاى؟؟؟ يبقى الاوتوماتك بشغل الموتور اكتر نتيجة الوصل المستمر بين الموتور و الفتيس و اكبر دليل هو الاستهلاك الاكبر للفرامل فى العربية الاوتوماتك عن المانيوال
اقتباس:
وممكن اوي تنقل نقلات مش مظبوطة اوي يعني
برضة يبقى عيب سواق... الموضوع مش ذنب الفتيس
اقتباس:
لكن لو اتوماتيك سيبها هيا تنقل النقلة المظبوطة وتريح الماتور والسيارة اللي انتا ماشي بيها عمرها يبقى اطول
مهى هى دى المشكلة... العربية بتنقل بمزاجها مش بمزاجى انا بالتالى مبتتصرفش زى ما انا عايز... و ملاحظ جدا عن عزم العربية فى الطلعة قليل... يعنى لما تهدى عشان تاخد مطب و تبدا تسرع بتحس ان الموتور بيعافر عشان يمشى العربية
اقتباس:
......ارجو اللي عندة تعليق يقول على الرحب والسعة
احب اضيف حاجة كمان... مشكلة معظم الناس هى الدبرياج... طيب لو اضفنا على الاختيارات دى الفتيس التيبترونك... تختاروا ايه؟؟؟؟؟؟
MMamdouh