مشكلة فى كهربة هوندا 250 عادة

**hondaaaa** · 29-05-2010 05:28 AM

المشاركة الأصلية كتبت بواسطة bedotota31

وفى مشكلة تانى معلش لما باجى ادى غيار بسمع صوت رزعة فى الغيارات او تكة صوتها عالى

حل المشكلة انك تعلى على الدبرياج من العيار لحد لم الصون يبقى طبيعى .. ملاحظة متعليش زيادة عن اللزوم عشان عزم الماكنة ميروحش

**hondaaaa** · 29-05-2010 05:46 AM

المشاركة الأصلية كتبت بواسطة spinser

يا جماعه هى الهوندا ال250 ليها ريموت؟ معلش اعزرونى انا لسه داخل جديد ف الحوار دة وكنت عاوز كمان أسأل فى قدامى مكنه 250 cbr موديل 89 الفيبر مرشوش وصاحبها بيقولى حاله الموتور كويسه بس بأمانه انا لسه ماشوفتش المكنه كل ده كلام وبس وهى كمان مرخصه مش افراج تفتكروا تخلص على كام لو مش متهانه ولا الموتور محلول؟ ياريت الناس الحلوة الى هنا كلها تقولى رأيها

لا مفيش ريموت الناس بتهزر ...طبعا محدش يقدر يقررر بالكلام كدا ويقولك على السعر بضبط بس مبدائيا على المواصفات دى تعملها 10000

**KHALED2010** · 29-05-2010 07:23 AM

ممكن يكون ملف الكهرباء

**spinser** · 29-05-2010 04:39 PM

بجد شكرا ليك يا استاذ hondaaaa على اهتمامك وبجد ليك جزيل الشكر

**hondaaaa** · 30-05-2010 02:36 PM

المشاركة الأصلية كتبت بواسطة spinser

بجد شكرا ليك يا استاذ hondaaaa على اهتمامك وبجد ليك جزيل الشكر

يا باشا على اية ..اى خدمة ..احنا هنا عشان نساعد بعض

بس انا لية رجاء ويا ريت تتقبلوا بصدر رحم ان اى حد عايز يقول معلومة لحد لزم يكون متاكد منها علشان ميضروش وهو مش قصده .

**hondaaaa** · 30-05-2010 02:42 PM

طبعا فى ناس هنا كتير بتفيد الناس صح وانا عن نفسى بشكرهم وعلى رئسهم م/ محمد

**Nour_safwan** · 02-06-2010 03:54 PM

يا جماعه العيب ممكن يكون من كذا حاجه عندك مثلا ممكن يكون من جوز الموبينه وممكن يكون من طقم البيب وممكن يكون من الإليكتروني وممكن يكون من الأوكتفاير وممكن يكون من لقاط المارش وممكن تكون الكاربراتيرات بتشرق بنزين يعني صعب أوي تعرف منين العيب غير لما تتشاف عالطبيعه.

**just_Welah** · 02-06-2010 11:05 PM

المشاركة الأصلية كتبت بواسطة boosha

السلام عليكم
انا عندى ماكنة250 جبتها وركنتها لحد ما أخلص ورقها بس كانت بتدور الأول وبعدين سبتها اسبوع وبعدين جيت ادورها مادرتش مع العلم ان البطارية مشحونا انا شحنتها عند كهربائى سيارات والمرش بيدور وكل حاجة تمام بس المكنة مش بتدور والألكترونى شغال ففى واحد قالى الأسبلاتير ممكن يكون بايظ (أعرف ازاى) وفعلا مفيش كهربا واصلة على البوجيه
أرجو الرد

دي بوجيهات قاطعه من الركنه غالبا
طب المكنه بتدور زق ؟
وبعدين الاسبلاتير بيتنضف ببنزين الا لو اتكسر ده علي حد علمي يعني غير كده يبقي شغال طول ما بيربط وبيظبط كهربا بس otefa شاطر كهربا اكيد يقولك احسن
بس هيه شكلها بوجيهات لو المكنه مدرتش زق او اما دارت برجلت او دخنت يبقي بوجيهات
كهربا المرش يعتل يعني يجي في لفه ويتقل كده
فو فو فو فــــــــــــو وتبقي لفاته مش مظبوطه
ممكن تكون انت حملت علي المرش ؟ دورها الاول عند ميكانيكي وشوف ايه اللي هيحصل

**just_Welah** · 02-06-2010 11:11 PM

المشاركة الأصلية كتبت بواسطة bedotota31

الموتسيكل عندى كل يوم اجى ادورو مش بيدور الا بعد مابدوس على المارش حوالى 6 او 7 مرات روحت للمكانيكي نظف الكربرايتر وغيرلى زيت وغير البوجيهات وبردو مش بيدور على طول لازم يغلبني عشان يدور ممكن حد يقولى من اية المشكلة دة

كده عايزه كهربا تتظبط بس
انما لو بتدخن يبقي في كلام تاني او بتقطع