الموضوع: إستفتاء_حوار عقلاني عن الصيني

انا شايف ان لما اشوفها بعد 10 سنين انا عن نفسى عمرى ما حشترى عربية صينى خالص اقولك لية خلينا نتكلم عن الماليزى كمقارنة بالصينى لأنها كمان جديدة و تم تأسيس الشركات فى وقت تقريبا قريب جدا

نشوف مثلا برودوا و بروتون شوفو الناس بتقول اية عن الكانشيل هنا فى مصر بتقول انها ممتازة و هية لحاد دلوقتى شغالة زى الفل و مفيهاش مشاكل
بروتون شركة محترمة برضة نشوف الواجا و الويرا و الجين 2 نلاقيهم مش ورق خالص و محركات محترمة ( ميتسوبيشى او بالأشتراك مع لوتس ) و بيعجبنى اوى انهم بيستعينو بلوتس فى المحركات و الثبات بيستعينو بشركة عريقة لأنهم عاوزيين يطلعو حاجة كويسة و نشوف اى حد اشترى البروتون بيشكر فى المحركات و الثبات و مثلا الواجا الخامات الى مستخدمة فيها كويسة جدا و عربية محترمة بجد و تعتبر امنة 3 نجوم فى اختبار ال Ncap و نشوف بقى التطور لقو ان الناس بتشتكى مثلا فى الجين2 من ان الخامات نص نص مش زى الواجا مثلا نلاقيهم قامو محسنين الخامات فى الجين 2 الجديدة و تفادو كل العيوب السابقة الى كانت فى العربية و نلاقيهم كل شوية بيجو مصر يشوفو الناس مبسوطة ولا لأ و يعملو Check على العربيات بصراحة انا مش عارف اقول اية مع انها شركة ماليزى و جديدة شوف فية كام واجا و جين 2 و ويرا فى الشارع ( دة كمان بروتون مش واخدة حقها خالص فى الدعاية و الأعلانات يعنى بيبيعو بالبركة :) ) و مثلا شوف فية كام عربية جيلى او شيرى فى الشارع و تشوف اختبارات تصادم فضايح خالص للصينى و تلاقى كل الناس بتشتكى من العربية و والله بشوف كل العربيات الجيلى متبهدلة مش عارف لية كأنها بقالها 5 سنين ماشية و تلاقيهم داخلين فى كل حاجة ( هاتشباك - سيدان - فان - 4x4 - نقل - نقل ثقيل - ميكروباصات ) كلة كلة و بيقلدو تقليد اعمى يخلى الواحد يقرف لما يكون فية شركة صينى محترمة و بتقدم منتجات محترمة انا مش ممانع خالص مفيش اى مشكلة لكن الى بيعملوة دة مش صح خالص

لو العربيات الصينى اثبتت نجاح فى اوروبا و امريكا او ايا منهما تبقى تستحق فعلا ان الواحد يفكر فيها لأن السوق فى مصر سداح مداح و لا فيه اى مراقبة جودة او مواصفات قياسية تحدد مدى صلاحية اى سيارة - سواء كانت صينى او غيره.

انا مع الاختيار الثانى - فعلاً لان التوكيل اهم من كل شىء فلو لديك مرسيدس( مع الاحتفاظ بالفارق ) ووكيلها سىء وصيانتة سيئة فلا فائدة من اقتنائها
لذا السيارات التويوتا سعرها زى الجنية الذهب هنا فى السعودية لقوة الوكيل وقيمتة وصيانتة الدائمة والمحترمة ورخص قطع الغيار بالنسبة لللانواع الاخرى الاوربية او الامريكية ، وتفوق بكل هذا على كافة الانواع الاخرى

يا جماعة الصناعة الصينية مع احترامي الشديد ليست صناعة ابتكارية و لكنها صناعة كربونية

يعني انا ممكن اشتري لمبة صيني او طبق صيني انما حاجة خدمة شاقة او فيها تكنولوجيا ميكانيكية ما ينفعش ابدا لان الصينين ما اتعودوش علي الابتكار طيب ما اريح نفسي و اشتري الاصلي و خلاص

زي موضة الموبيلات الصيني انتشرت بين زملائي في العمل و كانوا منبهرين ان موبايل و تليفزيون و راديو و خطين محمول في تليفون واحد و صوتي اتنبح ان الموبيلات دي لا تخضع لاي مقياس من مقاييس الجودة العالمية و مصنوعة تحت بير السلم و مضرة بالصحة لانها داخلة علي المخ عدل دلوقتي كلهم باعوا الموبيلات دي لما اكتشفوا ان التقليد بيبقي وحش و بيبقي مسخ و مالهوش اي معني

بالاضافة ان الصين ليس لها تاريخ صناعي ..اكيد حد حيقولي طيب ما كوريا مالهاش برضه تاريخ انما الفرق ان كوريا بدأت صح و بنت جسور من الثقة في منتجاتها

اقرب مثال ان الصناعة الصينية غير موثوق بها و لا يمكن مقارنتها بأي صناعة اخري ان الحكومة المصرية كانت قد ارسلت وفدا رفيع المستوي الي دولة الصين علي رأسهم محمد منصور وزير النقل لشراء قطارات صينية و بعد كده اكتشفوا انهم حياخدوا مقلب كبير و لغوا الصفقة كلها بالرغم من انها اوفر من اي قطارات اخري الا انها لا تخضع لمقاييس السلامة و الجودة

اتمني من الله ان يخيب ظني في مجال العربيات الصيني

محمد فهمي