اصل يا مومو اانا بسمع كتير من ناس معاها الصنى وبيحكولى على الموضوع ده وبتحك معاهم فى المطبات , ولو موديلات 2010 عليت شوية يبقا هايل
عرض للطباعة
انا عاجز عن شكر كل الاعضاء الي تعبت نفسها وردت علي الموضوع واشكر زوقكم في الاهتمام ولكن لو الاختيار كان عن تجربة وبعض التوضيح اكون شاكر جدا ليكم
العلو اللى فى النيسان ده حقيقى ولالا , لان انا بشوفها واطية على الارض وبتحك فى المطبات فمش عارف ايه الوضوع دولوقتى ,
والله ده كلام استاذ سبعاوى فى تقريره
http://www.nilemotors.net/Nile/2023-a.html
وهى فعلا عاليه جدا يمكن اقل 1سم فعلا عن التيجو
انا عندى البرسونا 16 سم والصنى 18 والفرق واضح جدا معايا
والجديده بمساعدين وسوست رياضيه (كونى) مابتهبطش.
وبتحس بالعلو ده على السرعات العاليه صوت الهوا بيبئا عالى جدا
اما الثبات كويس عشان المساعدين ناشفه جدا والعربيه وزنها حوالى 1200 كجم والدريكسيون ثقيل
صنى طبعا عشان معايا :)
انا طبعا مقدرش اعلق على كلام الاستاذ سبعاوى دا استاذنا كلنا
بس على كدا بقى الاوبترا ارتفاعها 20 سم :)
لان الفرق بين الاوبترا والصنى واضح فى العلو
عموما المهم انها بتأدى الغرض ومابتحكش مع التحميل
بس اؤكدلك ان رقم 18 سم دا مستحيل
خاصة ان التقييم بتاع الاستاذ سبعاوى كان عى الصنى القديمه مش الحاليه
وهو كاتب ان أقل ارتفاع 18 صنى
وحاليا فى الجديده غيروا العفشه والمساعدين فعليت
بقت Suv يعنى :)
الصنى نفس علو الاوبترا او اعلى على فكره
استاذ سبعاوى كان بيتكلم على القديمه وهى نفسها الجديده فى العلو لكن الفرق ان الجديده عفشه رياضيه مابتهبطش
زى القديمه السوبر صالون
وابئا بوص على الصنى وهى فى الشارع هاتلاقيها عاليه جدا فعلا بس شكلها والبودى بتاعها مش عالى
فيحسسك انها عاديه وده طبعا سبب من اسباب ضيقها من جوه