-
نقص زيت فتيس التيجو
السلام عليكم و رحمة الله
انا معى تيجوا 4*2 موديل 2009 مانيوال
و روحت التوكيل اعمل صيانة 30 الف كم
قال المهندس لازم تعمل صيانة 25 الف و شوية كده تيجى تعمل صيانة 30 الف
و لو مش التزمت بالصيانة كل 5الاف كم هتخرج من الضمان. المهم
انهم فى الصيانة كشفوا على زيت الفتيس طلع ناقص 2 كيلوا
و ما فيش اى اثر لتسريب زيت
انا بسال الاخوه الاعضاء. احتمال يكون ايه؟؟؟؟؟؟؟؟؟؟
راح فين الزيت
-
متأكد ان مفيش اي اثر لتسريب الزيت في العربيه؟؟
يبقي هي كانت طالعه من المصنع الفتيس ناقص زيت (بتحصل صدقني)...
بس يا ريت عشان متخسرش الفتيس ترفعها في بنزينه بره و تتأكد إن مفيش اي نوع من التسريب...
يا رب اكون افدت
-
ازاي 2 لتر ناقصين ؟
يا اما حضرتك اخدتها كده يا اما الزيت بيتسرب
اتاكد الاول ان مفيش تسريب
-
انا شاكر للاخوه ردودهم
لكن انا اكدت على المهندس فى التوكيل قال ما فيش اى اثر تسريب
فا اعتقدت انها خارجه من المصنع كده
لكن واحد زميل حد اعرفه كان قاله انه عنده نفس المشكله و الزيت بينقص و مش عارف العيب فين
دى اللى قلقنى
-
شوف حضرتك هو صعب يكون في تسريب في الفتيس غير ظاهر (هو الاماكن الشائعه للتسريب في الفتيس عامه هي مكان الطبه او جوان كارتيره الطبه او اخر الفتيس من ناحيه الفلنشه او من ناحيه الحله و دي في وش الفتيس اللي بيكون داخلها مجموعه الدبرياج الدسك و الاسطوانه و البليه و بيكون التسريب من اويل سيل الزور) و الاحسن انك ترفعها في بنزينه و تبص عليها......
و في كل الحالات بيكون في تنقيط للزيت تحت الفتيس (عامه لا تثق كلام اي حد ولو فني الا بالمعاينه)....
جرب تجربه بسيطه جداً حضرتك كملت الزيت الناقص في الفتيس لما تيجي تركن شوف ارض نضيفه (لايوجد بها اثار زيت على الارض و يا ريت لو تفرش ورق تحت الفتيس قبل ما تركن انا عملتها قبل كده) و اركن فيها بعد مشوار طويل و قبل ما تطلع الصبح بص تحت الفتيس لو في اثار زيت يبقي في تسريب....
و وارد جداً انها تكون طالعه من المصنه ناقصه زيت.....
إن شاء الله حاجه بسيطه
-
طيب انا لسة مستلم العربية من شهر وحاسس ان الفتيس تقيل فى الحركة هل ممكن تكون المشكلة فى نقصان زيت الفتيس
انا قريب ان شاء اللة هعمل صيانة الالف...اجبرهم ازاى على الكشف على زيت الفتيس واتاكد انة مش ناقص ازاى "فى مؤشر على كدة؟؟؟"
شكرا لمعاونتكم
-
حضرتك لما تودي العربيه الضمان تذكر انك بتشتكي من ثقل في الفتيس و تطلب مراجعه مستوي زيت الفتيس....
إن شاء الله بسيطه
-
العربية مش فيها اى اثر لتسريب زيت و بالتالى كده المنطق بيقول انها خارجة من المصنع كده
و يبقا السؤال هل ان العربية تمشى 30 الف كم و زيت الفتيس ناقص كل هذه الكمية مش ده يؤثر على الفتيس من حيث عمره الافتراضى و كمان صوته يكون اعلى (و ده انا ملحظه من فتره ان الصوت زاد و مكنتش عارف ايه السبب)
-
هي اثار قله زيت الفتيس الاتي:
صوت العربيه بتلاقيه علي (انا مش عارف اوصفلك الصوت بس هو غير صوت السلانسيه العادي )...
سخونه جسم الفتيس و ده ممكن تحسها من الدواسه من ناحيه الفتيس او لو شلت الفبر اللي على العصايه و مسكت حديد عصايه الفتيس...
و تحس كمان بتقل في الغيار و لو الوضع تأخر شويه هتحس ان الغيار بيقفش يعني مثلاً بعد مشوار طويل و وقاف في اشاره تيجي تدي العربيه الاول تلاقيها مزرجنه شويه و لازم تتغاشم شويه....
و ممكن لا قدر الله مره واحده تقفش ولا تاخد غيار وكده تستعوض ربنا في الجيربوكس....
الحمد لله انك لحقت تزود الزيت و غالباً ان العربيه نازله اصلاً ناقصه زيت لان ما دام لا يوجد تسريب يبقي بالفعل كان تاقص...
بس يا ريت تلاحظ العربيه كل فتره عشان تتجنب حدوث اي امر مفاجيء و إن شاء الله بسيطه و مفيش اي حاجه...
و يا رب اكون افدت
-
اكيد طالعة من المصنع ناقصة زيت"
Content Relevant URLs by
vBSEO 3.6.0 PL2