الموضوع: تيدا...شارك...ولا نيو رينو فلوانس؟!

المشاركة الأصلية كتبت بواسطة kikooooo

نيسان تيدا ,,,, اعتمادية اقتصادية يابانية بالكامل ...توكيل معقول ومش هصرف عليها كتير فى الكام سنة اللى جايين..بس الشكل مش جذبنى زى باقى العربيات التانية ومش لاقى الوان حلوة فيها وخصوصا انا هجيب السيدان !!

نصيحة يا باشا ما تجيبش عربية فرنساوى او اوروبى و انت فى اول حياتك و عايز تصرف عليها بنفسك عشان اسعار قطع الغيار اعلى بكتير من الكورى او اليابانى، الرينو عربية محترمة جدا زى اى عربية اوروبى سيبك من بتفتح بقها و الكلام دا بس تكاليف تشغيلها اكتر بكتير من الكورى او حتى اليابانى و ربنا يوفقك للى فيه الخير.. على فكرة التيدا شكلها مش وحش بس طبعا لا تقارن بالفليونس كشكل، انا زمان كنت بهتم بالشكل اكبر اهتمام بس لما اتقرصت اتعلمت ان الشكل مش كل حاجة..

الف شكر لحضراتكو كلكو على النصايح الغالية :)

وانا بعد الحيرة واللف والفرجة على العربيات التلاتة...اتكلت على الله وحجزت الشارك اوتوماتيك اول فئة...وهجيبها ان شاء الله على الاسبوع الجاى
مع ان شكلها من جوه وخاماتها مش عاجبنى خاااالص..وخصوصا الكاسيت الشرايط دا... ..و برضه عدم وجود غطا للموتور مخلى الشكل مش تمام
وبرضه سعرها رغم التخفيض لسه شايفة عالى على الاوبشنز اللى فيها..او اللى مش فيها -مافيهاش ولا اوبشن رفاهية واحد-

بس يلا اهوو خير الامور الوسط زى ما بيقولو...وليس كل ما يتمناه المرء يدركه ..وابقى اظبطها انا براحتى واحدة واحدة
انا بصراحة متضايق اووى انى ضحيت بالرينو بكل شياكتها واوبشناتها وروعتها...بس خفت اخاطر..وكمان ما اقدرتش استنى...

يلا الخيرة فيما اختاره الله..والف شكر ليكم مرة تانية..وادعولى ربنا يباركلى فيها

الف مبروك يا باشا، و ان شاء الله يبقى احسن اختيار :)

ربنا يبارك فيكم جميعا..

اعتقد على حسب كلامك ان الميزانيه في حدود 125,000 جنيه تقريبا

هى فعلا الميزانية كانت فى الحدود دى...انا كنت حاطط ميزانية فى الاول 115..بس لما شفت الفلوونس عجبتنى جداا وقلت هجيبها..بس رجعت دورت قلت 125 دول ممكن يجيبولى ايه حلو تانى؟..وبصراحة التيدا كانت الاختيار التانى لكل الاسباب اللى حضرتك قلتها اللى انا كنت ملخصها فى -راحة البال-..وخصوصا انا من طنطا وفى توكيل نيسان هنا .. يعنى كانت هتريحنى من كل حاجة
بس مش عارف لاقيت نفسى كدا مرة واحدة فكرت بهدوء ولاقيت الشارك عملتلى المعادلة اللى كنت محتار فيها عشان هى برضه:

- اعتماديه جداا
2- توكيل كويس
3- واسعه
4- استهلاك معقول للبنزين (الاتنين استهلاكهم معقول جدا)
5- مشاكلها قليله
6- قطع غيارها مش غاليه و متوفره (انا قلت اكيد اليابانى عامة هيبقى قريب من بعده مادورتش اووى فى النقطة دى)
7- موتور محترم جداا و قوي

نيجى بقى للنقطة اللى كانت قافلانى من التيدا وهى الشكل..لاقيت انسب عربية هتناسبنى وتناسب سنى هى الشارك

وخصوصا انا الشكل الخارجى عندى اهم من الكماليات اللى جوه

انا عاوز بس شكل التابلوه يبقى مريح..ودا يتحل فى الانسر انى اجيب الكاسيت الاصلى بتاعها ..او اجيب بتمنه دى فى دى واتنين شاشة ال سى دى..

وشكرا لحضرتك على اهتمامك ونصيحتك الامينة :)

الف مبروك مقدما تستلم على خير وربنا يباركلك فيها ويبعد عنك الشر

امييين يا رب..وشكرا على رد حضرتك

ربنا يباركلك فيها ويعطيك خيرها ويكفي عنك شرها ان شاء الله

اللهم امييين..والف شكر على الدعوة الجميلة :)

الف مبروك يا باشا، و ان شاء الله يبقى احسن اختيار :)

الله يبارك فيك...وبجد نصيحة حضرتك الاخيرة دى ..هى كانت بالنسبة لى التكة اللى قبل القرار ..والحمد لله كان جاية فى وقتها :)