تيدا...شارك...ولا نيو رينو فلوانس؟!

**wawoo** · 16-02-2010 08:47 PM

-النسيان تيدا ..خمتها مش قد كدة ..

و فيها مشاكل فى التبلوة ..بيهتز و يزيق مع عيون القطة "عيب شائع فى التيدا "
دة غيران جسم السيارة ضعيف شوية "شوف معظم التيدا "
و 4 نجوم فى التصادم ..
الموديل الجديد نازل خلال اشهر

توكيل نيسان مش قد كدة و حيتعبك لو فى عيوب صناعة و قطع الغيار مش كلها متوفرة

-اللانسر شارك عربية جيدة ..بس خمات داخيلة برضو مش قد كدة و قطع غيار غلية حبة و اوبشين قليلة..

- الرينو شوف الاختبرات دى و قولى شوفت زيها فى اى عربية :

YouTube - New Renault Megane test

**ghazy12** · 17-02-2010 01:57 AM

المشاركة الأصلية كتبت بواسطة kikooooo

ربنا يبارك فيكم جميعا..

هى فعلا الميزانية كانت فى الحدود دى...انا كنت حاطط ميزانية فى الاول 115..بس لما شفت الفلوونس عجبتنى جداا وقلت هجيبها..بس رجعت دورت قلت 125 دول ممكن يجيبولى ايه حلو تانى؟..وبصراحة التيدا كانت الاختيار التانى لكل الاسباب اللى حضرتك قلتها اللى انا كنت ملخصها فى -راحة البال-..وخصوصا انا من طنطا وفى توكيل نيسان هنا .. يعنى كانت هتريحنى من كل حاجة
بس مش عارف لاقيت نفسى كدا مرة واحدة فكرت بهدوء ولاقيت الشارك عملتلى المعادلة اللى كنت محتار فيها عشان هى برضه:

نيجى بقى للنقطة اللى كانت قافلانى من التيدا وهى الشكل..لاقيت انسب عربية هتناسبنى وتناسب سنى هى الشارك

وخصوصا انا الشكل الخارجى عندى اهم من الكماليات اللى جوه

انا عاوز بس شكل التابلوه يبقى مريح..ودا يتحل فى الانسر انى اجيب الكاسيت الاصلى بتاعها ..او اجيب بتمنه دى فى دى واتنين شاشة ال سى دى..

وشكرا لحضرتك على اهتمامك ونصيحتك الامينة :)

أنا عايز اقولك اني مش ضد الشارك أبداا.... بالعكس, انا بحب العربيه دي جداا

كل ملاحظاتي عليها بتتلخص في حاجه واحده بس... (الموتور سحبه ضعيف للأسف)
لكن الخامات الداخليه جودتها كويسه جدا, و العربيه كلها جميله و بتعجبني جدا من جوه و بره

و انا شايف انك لو عايز تشتري عربيه و تستمتع بيها بجد, هات الهاي لاين, او الفئه الأقل مباشرة
و لما قلت انك هتجيب او فئه في الأوتو... انا اقترحت انك ممكن تجيب بنفس المبلغ تيدا بكل الكماليات

دي وجهة نظري يا باشا, و عموما مبروك عليك و ربنا يديك خيرها و يكفيك شرها...

**Ralliart** · 17-02-2010 03:05 AM

احسن اختيار لحضرتك هو الشارك لانها بتجمع بين التيدا في الاعتماديه والفلوانس في الشكل والامان
وبعدين موتور الشارك سحبها مش ضعيف خالص يا بشمهندس غازي ومش عارف ليه الناس واخده عنه فكره وحشه
Engine type — DOHC 16v, MIVEC, ECI multiple
Displacement — 1499 cc
Bore pitch — 83.0 mm
Bore — 75.0 mm
Stroke — 84.8 mm
Compression ratio — 10.0:1
Power — 80 kW (109 PS) at 6000 rpm
Torque — 145 N·m (107 ft·lbf) at 4000 rpm

وانا النهارده وانا رايح التوكيل على طريق مصر اسكندريه الزراعي بيبقى العربيات الميتسوبيشي عامله سباق عشان يوصلو التوكيل الاول وشديت مع شارك وكان ماشي جامد معايا وكان هيعدي مني لولا ان الفتحه بتاعت التوكيل قربت فهدينا واضف لده ان ثباتها عالي جداً و5 نجوم امان
وبالنسبه للخامات حتى الفلوانس معجبتنيش في الخامات لان التابلوه بتاعها فيه مساحات كبيره من البلاستيك القاسي المصبوب !

**houbaz** · 18-02-2010 04:45 PM

المشاركة الأصلية كتبت بواسطة kikooooo

الله يبارك فيك...وبجد نصيحة حضرتك الاخيرة دى ..هى كانت بالنسبة لى التكة اللى قبل القرار ..والحمد لله كان جاية فى وقتها :)

الحمد لله يا باشا ان نايل موتورز موجود عشان كلنا نفيد بعض و شكرا لذوقك :)

**د.اسماعيل النجار** · 18-02-2010 08:43 PM

المشاركة الأصلية كتبت بواسطة mohamed_momi88

العربيه هتفتح بقها بدري اكيد لو مهتمتشي بيها و العربيات اللي فيها اوبشنز كتير و سنسورز و معتمده علي الكمبيوتر هتفتح بقها اكيد اكتر لو مهتمتشي يعني لو ناوي انشاء الله تهتم بعربيتك و تعمل صياناتك في مواعيدها و عند التوكيل العربيه هتعيش كويسة معاك انشاء الله الا لو فيها عيب صناعه و دة بيبقي نادرا
الفلونس محدش جربها علشان يرشحها بقلب جامد بس اعتمادا علي سمعه الميجان اكيد الفلونس هتبقي حكايه انشاء الله بس خد بالك منها و اكيد مصاريفها هتبقي ازيد شوية بسيطة عن غيرها لان فيها تكنولوجيا كتيرة و دة طبيعي علشان تستمتع بتكنولوجيا اكتر هتدفع ازيد شوية بس ماشاء الله وراك وكيل قوي سمعته كويسة و الشركه نفسها رينو محترمه جداااااااااااااا يعني لما بتبعت اميل ليهم او تحاول تتصل شكوتك بتوصل لبعيد و دي حاجة كويسة

ربنا يوفقك

==================================
انشاء الله
ان شاء الله

**kikooooo** · 19-02-2010 01:20 AM

-اللانسر شارك عربية جيدة ..بس خمات داخيلة برضو مش قد كدة و

قطع غيار غلية حبة و اوبشين قليلة..

- الرينو شوف الاختبرات دى و قولى شوفت زيها فى اى عربية :

...

انا خلاص مش قادر اقاوووم..ولو سمحتو ماحدش يصووت للرينو تانى

انا كنت سايبها اول امبارح واخدة 18 صوت بس !!!
بس ارجع اقول برضه الخيرة فيما اختاره الله..انا صليت استخارة ولقيت نفسى كدا رحت للشارك ودفعت عربونها...ورحت النهاردة تانى حاولت ازود فى الاوبشنز بتاعتها زى ما البرشور بتاعها قايل..بس لاما مافيش لاما اسعار خيالية...

يعنى مثلا السى دى بلاير ب 3500 والفجوات ب 2000....
وكان مكتوب ان الاير باجز اوبشنال العدد اللى انت عاوزه..انا على ما اظن انه اكيد صعب تزودها على عربية...بس المفروض طالما كاتبينه فى البرشور يبقى المفروض عندهم عربيات فيها ايرباجز زيادة !

دا زائد ان المفروض اختار بين تلات الوان فرش واختار بين ابنوس ولا بلاستيك...بس كل دا مافيييش...هو اللى موجود حاجات معينة و بس!

والف شكر يا باشا على الفيديو..شكلى كمان سنتين كدا هروح جاى بايع الشارك واشترى الفلوونس مستعملة...واستفيد بفرق السعر

و انا شايف انك لو عايز تشتري عربيه و تستمتع بيها بجد, هات الهاي لاين, او الفئه الأقل مباشرة

الهاى لاين تحفففففة بجد..والاوبشنز اللى فيها اقل من سعرها من موجهة نظرى ...بعكس الفئة اللى تحتيها..شايف ان سعرها مبالغ فييه جدا (مش عارف دى سياسية تسويق ولا ايه)
وبرضه الكلاسيك اللى انا هجيبها..سعرها شايفه زيادة سنة..خصوصا ان الخليجى بتاعه فارق 10 تلاف واوبشن اكتر..بس اهو ادينا ماشيين جمب الحيط وخلاص....وبالنسبة للموتور..انا ماجربتش العربية قبل كدا...بس هى كانت مع واحد صاحبى وعلى كلامه هتبقى مناسبة لطريقة سواقتى..انا مش بشد اووى ولا بقرص...وشكرا لحضرتك مرة تانية على توضيح وجهة نظرك :)

احسن اختيار لحضرتك هو الشارك لانها بتجمع بين التيدا في الاعتماديه والفلوانس في الشكل والامان
وبعدين موتور الشارك سحبها مش ضعيف خالص يا بشمهندس غازي ومش عارف ليه الناس واخده عنه فكره وحشه

حضرتك كنت فيين من زمااااان يا استاذ مصطفى..اخيرااا لاقيت حد يثبتنى كدا ويهلل من اساريرى

د/اسماعيل النجار

الف شكررر لحضرتك يا دكتور...وبعيدا عن العربيات ..ممكن حضرتك ترشحلى تخصص حلو يجيب فلووس كتيييير..وبعيد عن وجع الدماغ فى نفس الوقت