الموضوع: هل يلزم الصيانة فى التوكيل طول فترة الضمان

هل يلزم الصيانة فى التوكيل طول فترة الضمانام ان الصيانه خارج التوكيل تلغى الضمان علما بان الصيانة فى التوكيل غالية بمعنى انى ممكن اعمل نفس الصيانه واغير نفس قطع الغيار برة التوكيل بنص التمن

اكيد طبعا حتي لما الضمان ييخلص كمان..
الناس دي شغلها كله ف الغربية اللي معاك.. حافظينها.. عارفين مشاكلها.. من غير رغي كتير وتجارب و قلق هيعرف مشكلتك فين علشان اكيد قابلها قبل كده.. غير كده عندهم مهندسين ومانيوال بتاعت العربية اللي بتنزل من المصنع بتاعها. غير انك انت بتبقي بتستثمر فلوسك ف الموضوع ده علشان لو هتبيع وجبت تاريخ العربية ف التوكيل للي هتبيع ليه هتبيع بسعر اعلي من العادي علشان ده شيء ليه تمنه طبعا..
ف المقابل كل حاجة ف التوكيل اغلي انت ممكن تتغلب علي الموضوع ده انك تشتري قطع غيارك من برة براحتك وتروح تركب هناك.. محدش هيقولك حاجة..علشان هما بيبيعوا الحاجة اغلي من ضعف سعرها برة.. وضرايب و بلاوي مالهاش لازمة..
كمان انت هتشتري دناغك في تركيب القطع دي... مش كل شوية هتروح لحد تصلح حاجة ولا اتركبت غلط.. ف الاخر انت كسبان كسبان..