انا فيه واحد صاحبي معملش لا فرح ولا خطوبة و طلع شهر العسل تايلاند و سنغافورة رحلة بيحلف بيها لغاية دلوقت بعد ما بقي مخلف تلاتة :d
عرض للطباعة
طبعا بصراحة هي فكرة حلوة بس في حاجة
هل معاك لغة تركية خصوصا و انا اسمع ان لغتهم الإنجليزية ضعيفة
و انت لغتك الإنجليزية إية اخبارها ؟
و الا هتخبطوا مع بعض
انا رأى الشخصى زى ما قال الاخ MoToRiZeR ماتعملش فرح ولا خطوبه وسافر سفريه العمر او اعمل فرح بسيط ومش مكلف اوى وانت الادرى طبعا بظروفك الماديه
اولا شكرا ليكو جدا على الردود الهايله دى
بس انا لسه فى مرحله التفكير انى ماعملش الفرح ويبقى بداله السفر
ثانيا انا لغتى التركيه زى لغه رجل الشارع للصينى بالظبط
بس الانجليزى مش وحش يعنى يمشينى على اد الخمس ايام
بس برضو انا لسه عايز مقترحات اعمل ايه ولو روحت هنا شرم طيران مثلا وحجز فندق والكلام ده
هيتكلف كام ولو سافرت اسافر تركيا ولا مكان تانى وبرضو عايز اعرف التكلفه من اول مااركب الطياره فى مصر لحد اما ارجع ان شاء الله
وعلى فكره لسه شويه على الفرح بس اكيد الكل معزوم بس مش على تركيا
لا على كتب الكتاب بس
لو ينفع انصحك ماتتجوزش
انا شايف انه الجزائر هو المكان المناسب بلد جميلة وشعب لذيذ وبالذات بعد انتهاء بطولة افريقية بانجولا هتكون فى اتموسفير خرافى
بس ياريت تخلى بالك وتشيل طمنجة وكام مطوة علشان التعامل هناك بيحتاج حاجات من النوع ده
انا هأقولك على ملحوظة وهي ليست شرط
معظم أصدقائي اللى عملوا أفراح في فنادق وأنا واحد منهم ، يعني رقص وما شابه، ثم سهر عسل في أماكن فيها ما يغضب الله بما يكفي، أقسم لك اننا جمعيا نعيش عيشة سودة ونكد ما بعده نكد، هذه مجرد ملحوظة فقط، في حين أن بعض الأصدقاء اللي عملوا فرحهم بما يرضي الله وشهر العسل كان في مكه ، ما شاء الله على السعادة التي يعيشون فيها،
يا سلام لو توفر جزء من المصاريف وزي ما ربنا ساعدك في الزواج تساعد يتيمة ولا يتيم في الزواج ... عليك الانتظار لكرم ربنا ليك.
أنا حاسس انك اتخنقت من الكلام .. معلش سامحني أنا بأقوله وخلاص
زواج سعيد مبارك لكم فيه
زواج مبارك وربنا يتمم على خير ...
لا حول ولا قوه الا بالله ليه كده مش فاهم كل ردودك ياباشا غايه الشاؤم حتى من حلال ربنا وحاجه كلنا نفسنا نقدر نعملها
الراجل بيسأل في حاجه وانت بتقوله حاجه مش مكانها خالص هو مش بيسأل نصيحه يتجوز ولا لاء
الاراجل ربنا كرمه وبيسأل على شهر العسل وربنا يوفقه وكلنا بنقول ربنا يباركلك ويوفقك لو معندناش اجابه لسؤاله حضرتك بقه داخل تقوله ما تتجوزش :policeman:
شوف هو اختيار مكان شهر العسل لو بره مصر بيعتمد على الشهر اللي هتسافر فيه (السيزون)....
لكن بشكل عام تركيا ممتازه و جميله و رخيصه كمان, و هتستمتع جدااا بالمناظر الطبيعيه الرائعه (سبحان الله)
و المساجد و المباني الأثريه الوهميه بجد.... ده غير الرحلات بالمراكب و في الجبال...
أعرف ناس كمان سافروا تايلاند بس ماعجبتهومش و كانوا بيقولوا ان تركيا أحسن...
انت لو عايز انا ممكن اجيبلك كل التفاصيل عن الرحله, لأن اختي عملت شهر العسل هناك بردو
و طبعا ألف ألف مبروووك على الجواز و ربنا يباركلك ان شاء الله في حياتك, و ربنا يكرمنا و نحصلك يا باشا