-
رحلة شهر عسل
عقبال عندكو جميعا
باذن الله عايز اعمل شهر العسل ومش عارف اعمل ايه
بفكر اعمل حاجه مختلفه شويه يعنى بفكر اسافر تركيا او اى مكان تانى
عايز اعرف التجارب بتاعت اخواننا فى المنتدى اللى سافر قبل كده كان نظام الحجز فى الفنادق ايه واسعارها واسعار الطيران
ياريت ماحدش يقرا المشاركه دى الا ويكتبلى رده او اى تخيل فى دماغه ومش شرط تركيا بس نفسى اسمع ردودكم والتكلفه تكون قريبه فى الحنيين لحسن دانا مش هعمل فرح بسبب الموضوع ده
-
يا راجل حد يسيب مرسى مطروح ويروح تركيا
انا شهر العسل بتاعى قضيته فى مطروح بس الكلام ده كان سنة 1997
ومن يومها مفيش صيف يعدى من غير ما نروح مطروح انا واولادى الثلاثة
والف مليون مبروك وربنا يتمم لك بخير وسعادة
يس مش كنت تسألنا الاول قبل الفاس ما تقع فى الراس/ايوه يا مراتى يا حبيبتى جاى اهو بسرعة
:khd::khd::khd::khd::khd::khd::khd::khd:
ههههههههههههههههههههههههه ههههههههه
................................................*
محمود عينو
-
مبارك عليك انشاء الله ربنا يجمع بينكم في الخير
بص فيه حاجات مش ختعرف تعملها انت وزوجتك الا في اول الجواز وبعدين 90% حتنسي انك تفكر تعملها ومنها السفر الي خارج مصر عموما لاعتبارات كتير اهما الماديات لان تكلفه السفر حتزيد لما انشاء الله ترزق بالاولاد او بحيتعبوك وموش حتعرف تستمتع انت وزوجتك بالفسحه غير تضارب المواعيد وخصوص ظروف الدراسه فعشان كده اغتنم الفرصه علي طول واستمتع انت وزوجت علي قد ما تقدروا لان بعد كده التركيز بيضيع في حاجات تانيه وموش بتلاقوا وقت لحاجات كتير , الكلام ده موش بخوفك من الزواج لان المتعه اللي بعد ده بتلاقيها وانت في مع اسرتك بتبقه حاجه تانيه .
بص يا سيدي انا رحت شهر العسل بتاعي في تركيا وبرضه مدينه ساحليه ذي مطروح كده بس بصراحه موش احلي منها اسمها انطاليا بلد جميله جدا جدا وفيها كميه مناظر طبيعيه وشلالات وجبال متعدش حتنبسط علي الاخر انصحك بيها جدا .
المكان موش مهم انك تشوف اللي انت عايزه من الفسحه وانت حتلاقيه .
شكرا
-
شهر العسل فى الجزائر بقى :Oc_sun1[1]: ....
هههههههههه لأ أنصحك تروح تركيا .. لسبب بسيط إنها أرخص فى التكاليف من أى دولة تانية .. أو ممكن الأردن حلوة بردوا ...
-
الف مبروك ياريس وعقبال مانباركلك علي العيال
جرب تتصل ببعض شركات السياحة وتسالهم اكيد هيبقي عندهم معلومات احسن
-
شوف عروض شركات السياحة الكبيرة زى ترافكو و الناس دى
-
و ممكن تروحو السعودية تعملو عمره
-
تركيا و مش هتندم ........
لو هتروح 5 ايام فندق 4 نجوم هتكلف للفرد من 2900 - 3600 و ممكن تلاقي ارخص
ده شامل الطيران و الاقامة فطار بس + رحلة اول يوم
الرحلات ممكن تظبطها من مصر او من هناك ...من هناك عندك رحلة بورصة +رحلة توب كابي + جزيرة الاميرات تقريبا 250 يورو
البلد حلوة جدا و الاكل ممتاز المشويات و المحاشي احسن ميون مرة من مصر و عيش بقي مع الحلوبات
و الف مبروك مقدما
-
هساعدك و اقسمهالك بالميزانية:
- من 1000-3000 جنيه: مرسى مطروح- شرم -الغردقة
- من 7000-10000: تركيا
- من 15000-20000: دولة اوروبية (ممكن فرنسا او اسبانيا)
- فوق ال 20000: توصلك جنوب شرق اسيا زى تايلاند مثلا
هنا اللى يحكم الموضوع ميزانيتك لشهر العسل..... و مبروك مقدما
-
لو حتتجوز في الشتا
روح أسوان
مفيش بعد كده رومانسية
Content Relevant URLs by
vBSEO 3.6.0 PL2