يظهر ان كلنا فقريين
انا امبارح روحت من حدائق القبه للقطاميه فى ساعتين
ومن كورنيش المعادى لحدائق القبه فى ساعه ونص
عرض للطباعة
علي فكره الزحمه مش في القاهره بس دي في معظم المحافظات
النهاردة متوقع الدنيا تكون زحمة آخر حاجة عشان الأجازات.
ربنا يستر.
والله بقت حاجه تزهق
النهاردة والدي اتصل بيا اروح اجيبة من الشغل لانة مش طايق السواقة
رحت من شبرا لحد سفارة ايطاليا " الكورنيش من عند جاردن سيتي "
رحت في ساعتين و جيت من السفارة لحد الشبرا " القصر العيني - وسط البلد شبرا في 3 ساعات الا ربع
و الله البلد دي لازم يشوفلها حل
بعد كدة مش هنقدر نتحرك
امال انا اعمل ايه انا عندى موتوسيكل بمشى بية معظم الوقت المصيبة باة لما اجى اركب العربيه انا ب الموتوسيكل اكبر موشوار مثلا مرة روحت من المهندسين لحد 6 اكتوبر فى نص ساعة مع زحمة لبنان لغاية تقاطع المحور مع الدائرى ممكن مع العربية مش اقل من ساعه و ربع تخيلوا واحد زى يكون نفسيته تبقى اذاى مع سواقة العربية و للعلم الموتوسيكل صينى اى كلام مش حاجة جامدة يعنى بس بحس انى سريع جدا جدا بالنسبة لباقى العربيات لو ممكن يا جماعه اللى سايق العربية يبقى يسيب حتة كدة صغيرة من اليمين للموتوسيكلات و النبى علشان موخرا الكل عمل ناصح و يمشى جنب الرصيف اليمين ال يعنى هيعدى بسرعه على فكرة الموضوع دة من قريب بس اما الاول فا مكنش حد واخد بالة من حتة اليمن دى خالص و السلام هليكم و رحمة الله و بركاتة
من المصري اليوم
«سى. إن. إن»: شوارع القاهرة تحولت إلى غابة من السيارات
كتب عُلا عبدالله ١/ ٤/ ٢٠١٠http://aadbmedia.gazayerli.net/photo...ImageWidth=240
الزحام يخنق شوارع القاهرة
وصف تقرير مصور لشبكة «سى. إن. إن» الأمريكية شوارع القاهرة بأنها «غابة» من السيارات والأتوبيسات وعربات النقل والتاكسيات، حيث تعيش القاهرة فى «ضوضاء» متواصلة من وسائل النقل المتنوعة.
وذكر التقرير الذى أعده بين ويديمان، مراسل الشبكة الأمريكية بالقاهرة أمس، أن هذا الوضع جعل المصريين يبتكرون تصرفا بسيطا إيجابيا يتمثل فى عبور الطريق أثناء سير السيارات على الرغم من أن ذلك يشمل قدرا كبيرا من المخاطرة.
وقال التقرير، الذى حمل عنوان «عبور الطريق فى مصر»، إن عبور شوارع القاهرة أمر يتطلب «لياقة بدنية، وسرعة حركة، وقلباً قوياً جريئاً» خاصة فى بلد به ٨٠ مليون مواطن وسائقون ليس لديهم صبر، مضيفا أن القاهرة صارت مليئة بالسيارات القاتلة فى الشوارع المزدحمة التى تمثل نموذجا فريدا للزحام.
وأشار التقرير، الذى تم وضعه على موقع الشبكة، إلى أن الكثير من المصريين يعبرون الطرق أثناء سير السيارات سواء فى الشوارع أو على أو تحت الكبارى، فى الوقت الذى تقتل حوادث الطرق فى مصر نحو ٨ آلاف مصرى سنوياً، بما يعادل ٢٠ شخصاً يومياً.
واعتبر التقرير أن الشوارع المصرية تمثل مزيجا من السيارات الكثيرة وإهمال السائقين، فضلا عن البنية التحتية «المتردية»، لافتا إلى أنه على الرغم مما فعلته الحكومة من وضع إشارات مرورية ضوئية الكترونية فى منطقة وسط القاهرة،
إلا أن المصريين لايزالون يعبرون الشارع أثناء حركة السيارات. ووصف التقرير عبور شوارع القاهرة بأنه «نوع من الحلم»، وتابع: «يجب على المواطن أن يبنى علاقة اتصال بالعين مع سائقى وسائل المواصلات حتى لا يتم دهسه، الأمر الذى يخلق علاقة حميمية بينه وبين السائق».
واعتبر أن المصريين اخترعوا طرقاً للتعامل مع «هذا الجنون والفوضى» فى عملية سير السيارات فى الشوارع من خلال «حس الفكاهة» لديهم، ناقلاً عن «سلوى» - مواطنة مصرية - قولها: «إن عبور الشارع فى القاهرة مثل الرياضة، يحتاج إلى تركيز».