عن طريق الصدفة واخى اكتشفنا ان لو ان شلت المفتاح يفضل فية كهرباء لغلق الزجاج لمدة عشر ثوانى بس لو فتحت الباب قبل كدة الهرباء تفصل على طول
يمكن يكون فية ناس عارفة الموضوع دة س انا قلت افيد كل الناس
عرض للطباعة
عن طريق الصدفة واخى اكتشفنا ان لو ان شلت المفتاح يفضل فية كهرباء لغلق الزجاج لمدة عشر ثوانى بس لو فتحت الباب قبل كدة الهرباء تفصل على طول
يمكن يكون فية ناس عارفة الموضوع دة س انا قلت افيد كل الناس
دى حاجة جميلة جداً، أنا لاحظتها بس قبل ما أشيل المفتاح، حا جرب الحكاية دى تبقى هايلة علشان انا دايما انسى اقفل الزجاج بعد ما اشيل المفتاح واضطر احطه تانى علشان اقفل الزجاج !!!!!!!!!!!
بالمناسبة أستاذ mmmero انا اكتشفت برضه ان السماعات اللى فى الباب الخلفى مافيش فيها صوت ... هى فيها سماعات فى الباب الخلفى وللا لأ ؟؟؟؟؟؟
ملاحظة جميلة
على فكرة السيراتو كده برده وانا على طول باعمل كده ابطل العربية ورفع الازاز بس ساعات بيكون حد راكب معايا يفتح الباب بتغاز قوي :)
حاجه جميله فعلا
ياريت يا استاذى تقولى ايه رايك فى العربيه من حيث الثبات والاعتماديه
بصراحة العربيه عجبانى جدا وشايف انها عائليه و مناسبه للعيله بس انا خايف من الثبات لاني عايش فى الغردقة وبسافر القاهره والمنيا كتير وانت عارف طريق البحر الاحمر عامل ازاي وخصوصا الهوا فيه الواحد لو نزل من العربيه ممكن يطير وهو واقف وكمان هل العربيه كبيره على الموتور قصدي الموتور ال 1600 فارق مع العربيه
شكرا مقدما
مصطفى
ملاحظات مفيده جدا شكرا ليكو
ملاحظة جميلة بالفعل
السلام عليكم
انا برده كنت حاطط العربية دى فى دماغى من ضمن العربيات اللى حشتريها و كانت عجبانى جدا جدا,بس عاوز اسأل بعد اذنكم على عيوبها و مميزتها و كنت عاوز اسال كمان على استهلاك البنزين و الثبات بتاعها عامل ايه؟و التوكيل كويس ولا لا؟و العربية عاملة ايه مع حضرتكم ؟
hالخاصية دى فى كل كيا
انا عندى فى الريو الجديدة برضة
لوحة تحكم ذكية فى الشبابيك ,, قد لاتكون هناك سماعات خلفية للتوفير بالرغم من ان فتحاتها موجودة
الحركة دى برضه فى السيراتو .... بس بتغيظ أوى لما حد يفتح الإزاز .... علشان كدة انا علطول قافل اللوك
الحركة دى قديمة جدا فى العربيات الاوربى زى البيجو والمرسيدس والفولكس ودا عن تجربة
يعنى كانت فى مرسيدس موديل 1998 e200
كانت فى بورا موديل 2000 مع فارق انها بتفضل وقت اطول ولحد ما الباب يتفتح
وكانت فى بيجو 206 2002 وبتفضل حوالى 10 ثوانى بردو وبتفصل
فا الحركه دى قديمة جدا
اولا اشكركم على الردود
ثانيا من ناحية موضوع السماعات الخلفية فهى تعمل بكفائة وزى ما اخ قال هنا شوف Balance الموجود فى الكاسيت ودة عن طريق الضغط على زرار الصوت لو عندك كاسيت المكتوب علية كيا و لو مشتغليتش يبقى قولهم عليها فى الصيانة
وكان فية اخوة بيسألو على العربية بصوا انا لسة ما كملتش الالف كيلو بس اللى انا اقدر اقول علية انها عربية عملية جدا ماتور ما شاء الله ممتاز بس طبعا علشان نبقى واقعيين دى عربية عائلية يعنى اللى يجبها يبقى شايل من دماغة الشد والغرز انما كعربية عائلية وواسعة وثبات على الطريق (جربت حتى 130 على الدائرى ماشاء الله) وسفر اعتقد انها نمرة واحد فى السوق الان مقارنا بسعرها
بالنسبة للبنزين انا عربيتى اتوماتيك وبدون تكييف طبعا بتعمل معايا جوة البلد وعلى الدائرى حوالى من 9 الى 10 كيلو للتر الكلام دة انا حسبتة مرتين فقط ولسة لما اعمل الصيانة اشوف اية الموضوع
حاجة بس مش لطيفة ان مافيش نور مع الشنطة مش عارف لية
تقبلوا تحياتى
استاذ MMMERO مكتوب فى المواصغات WELCOME to KIA MOTORS official website
انه يوجد
- لضاءه للشنطه الخلفيه
ليه حضرتك بتقول مفيش؟؟
يا باشا دى موجودة فى السبرانزا a113
السيراتو كمان نفس الموضوع بس بلاحظ ان دا بيحصل ساعات وساعات
انتى كده قلقتني
انا بشتعل فى الغردقه وبسافر مره كل شهر تقريبا انا معايه نيسان صني 2008 ماشاء الله فى الثبات والسحب والجري جميله بس المشكله فى انها مش عربيه عائليه لانها فئه غير الفان الواحد نفسه فى عربيه فان ينفع يشيل فيها كل حاجه ويكون هو وعيلته مرتاحين
الكارينز عجباني جدا وحاسس انها مناسبه بس موضوع ال 1600 هو الى مقلقني
انا معنديش اضائة شغالة مع باب شنطة العربية وهدور على الطبة اللى بتقولو عليها وياريت اللى عندة كارينز يقولى عندة نور ولا لا
المهم فى العربية هو الهورس باور لأن مثلا الانسر الشارك 1500سى سى والهورس باور بتاعها اكبر من البومه ال1600 سى سى
3 حاجات مهمة في موتور اى عربية
السعة (cc) و ال HP و العزم
السعة بتفرق في استهلاك البنزين و راحة الموتور في المسافات الطويلة
ال HP هياثر فى الشد و تجميع السرعة
عزم الموتور مهم فى العربيات العالية (SUV, MPV, 4x4)
انا ممكن اكون مش بفهم كويس فى المواضيع دي بس عندي وجهه نظر ممكن تكون صح وممكن تكون غلط ياريت حد يصححلي هي
اعتقد ان عزم الموتور بيبان لما بيكون فى مقاومه شديده زبي لما تكون العربيه واقفه وتبدا تتحرك او العربيه ماشيه وبتتعرض لمقاومه شديده زي سرعه الرياح او الحموله مثلا
بس ال انا مش فاهمه هو موضوع hp يعنى مثلا عربية الصني 1600 و108 هورس بور ( بيقولو 118 احيانا ) لكن الكارينز 1600 وتقريبا 120 هورس بور مين الاقوي ( مع عدم اخذ الحجم فى الاعتبار ) كا موتور فقط وبعد كده نحسب موضوع فرق الحجم والوزن
ياريت حد يفهمنا علشان الواحد يعرف ياخد قرار
مصطفي
انا كمان عندى الاوبل فطترا كدا واعتقد كل الاوبل كدا من زمان عارف الموضوع ده فى الاوبل
إلى جميع الأخوة اللى بيسألوا على العربية
أنا معايا أوتوماتيك عاملة حتى الآن حوالى 2500 ك
السيارة رائعة فى السفر. أنا جبت بيها لحد 170 وبسم الله ما شاء الله كأنى ماشى على 90 ( أنا كنت بحس إن الهواء بيحركنى وأنا سايق عربيتى القديمة -فيات سيينا- لكن مع الكارينز محستش بالنقطة دى خالص)
طبعا الوسع حدث ولا حرج والجميع يعرفون هذه النقطة
أنا أول مرة أسوق أوتوماتيك بس مش حاسس بأى مشكلة مع الموتور ال 1600
المشكلة الوحيدة من وجة نظرى هى استهلاك البنزين ( حوالى 9.5 - 10 كلم/لتر) ومش عارف إزاى العربية عملت نفس المعدل ده وأنا مسافر ( متوسط السرعة كان بين 140 - 160 كلم/ساعة) مش عارف السرعة العالية تزود الاستهلاك قد إيه...
الخلاصة العربية تاخد 8.5 من عشرة كتقويم عام
(النقص ناتج عن عدم توفر وسائل الأمان ABS و Air bags)
أى أسئلة أنا تحت أمركم
و فيه حاجه كمان ممكن تطلع السى دى ألى فى الكاسيت بعد متشيل المفتاح بس لمده 10 ثوانى زى الزجاج بالظبط...بالنسبه لموضوع السماعات الى مش شغاله ظبط حاجه فى الأوبشن بتاع الكاسيت أسمها
feader
ماشاء الله ولا قوة الا بالله ربنا يارب يباركلك فيها ويكفيك شرها ويعطيك خيرها يارب
طمنتني لاني بصراحه العربيه عجباني جدا مع ان النيسان مريحاني بس الكارينز مناسبه لاحتياحاتي وده الاهم
موضوع استهلاك البنزين انا عندي النيسان ( صني 2008 ) لما السرعه بتزيد عن 120 استهلاك البزين بيزيد نقريبا بيكون 230 فى الصفيحه لكن تحت ال 120 بتعمل 280 وجوه البلد بس فى الغردقه بتعمل 260 فا اعتقد كل العربيات فى السرعات العاليه استهلاك البنزين بيزيد لكن انه يكون ثابت دي اول مره اسمعها
عموما انا شايف ان الاستهلاك مش عالي بالنسبه لحجم العربيه وسعه الموتور
طيب ما هى الماتركس برضوا 1600 اية الجديد وكمان صحيح ان الكارينز اكبر واثقل بس فية برضوا فرق فى الهوري باور لصالح الكارينز وياراجل كفاية الشنطة والتابلوة الى فى النص دة
انا عن نفسى كنت شايف الماتريكس عربية معقولة قبل نزول الكارينز بس بعد الكارينز معتقدش ان هيبقى فية اقبال على الماتريكس خالص ودة رأى الشخصى انا ما بهاجمش ولا حاجة
لا يا عم رد كل واحد بيقول وجه نظره انا معاك ان الكارينز احسن من الماتريكس بس حضرتك بص لفرق السعر 15 الف دى تفرق مع ناس كتير فلو امكانياتك تجيب الكارنز خير وبركة لو مش مكملة يبقى اللى بعديها اللى هى الماتريكس بس حضرتك مش مقتنع بالماتريكس ليه انا قبل مجيبها كنت زيك بالظبط مكنتش باقبلها نهائى ولا كنت متوقع انى اجيبها فكنت محتار بينها وبين الاوبترا فلقيت ان كل صحابى اللى معاهم الماتريكس بيشكروا فيها جامد جدا وكان واحد صحبى بيسافر كتير جدا كان يجيب العربية يمشى بيها سنة ونص سنتين تكون عملت 150 / 200 الف ويبعها فكان كل مرة بيجيب اللانسر ال1600 فجه مرة قال يغير جاب الماتريكس عجبته جدا لدرجة ومندمش انو جابها فاقنعنى بيها فلما جبتها غيرت رائى فيها 360 درجة
يا جماعه احنا ان شاء الله هنحجز الكارينز الهاى لاين خلااااص ,,, الرجاء ابداء الرأي فى السيارة من حيث عيوبها كلها .....