الكورة كسبنا واحسن ترتيب واحسن هجوم واحسن دفاع واحسن بدي واحسن حارس
وكسبنا اية تانى هل يعوض الى خسرناة من الانسانية احترام البنى ادم لكونة انسان
هل يعوض روح انسان
وقفوهم انهم لمسئولون
صدقت يا شيخ
عرض للطباعة
الكورة كسبنا واحسن ترتيب واحسن هجوم واحسن دفاع واحسن بدي واحسن حارس
وكسبنا اية تانى هل يعوض الى خسرناة من الانسانية احترام البنى ادم لكونة انسان
هل يعوض روح انسان
وقفوهم انهم لمسئولون
صدقت يا شيخ
حسبي الله و نعم الوكيل
معلش انا مش فاهم ليه المستشفيات مارضوش يولودوها؟
و ايه علاقه قناه المحور ان ولادها ماتوا؟
و على فكره الموضوع من وجهه نظر واحدجه انا اتعلمت اسمع الدكاتره ليه عملوا كده
بجد مش دايما عشان فقيره
ساعات بتبقى الدكاتره عارفه حاجه و موش بيقولوا
يعنى ممكن كان فيه تشوه مثلا او مشاكل و مش هيعيشوا و هيه مش فاهمه مثلا
على العموم كده كده الفقير بيتهان فى البلد
بس الموضوع اللى فوق محتاج يتفهم اكتر
اللي شاف حلقة العاشرة مساءا امبارح
مديونات وزارة الصحة للقصر العيني 55 مليون جنيه ويقال ان الرقم الحقيقي 100 مليون
عبارة عن مخصصات الوزارة لحالات العلاج على حساب الدولة
المستشفى لما لقت دائنيتها زادت سرحت معظم المرضى ماعدا الحالات الخطيرة
في الوقت نفسه تلاقي الفساد المالي في وزرات عدة واخرها فضيحة محمد على سليمان اللي وظفوه في شركة البترول بمرتب مليون و200 الف بقرار من نظيف شخصيا مع العلم انه عضو مجلس شعب ولا يحق له الالتحاق بوظيفة حكومية !!!!!!!!!!!
وما خفي كان اعظم
ياباشا مرضوش يولودوها عشان مش فاضيين وراهم ماتش مهم
اما فضيحة 90 دقيقة ان واحدة غلبانة زي دي تتصل تستغيث بيهم ويرفض يساعدها عشان النهاردة يوم مفترج ومش عايزين وجع قلب ومشاكل ما يموتوا ولادها وتموت كل عيلتها وايه يعني بناقص !!!
وانا تعرضت لموقف مشابه الى حد ما
من 4 سنين كان عندي آالام الوضع في فجر العيد الاضحى
المستشفى الخاص اللي كنت متفقة معاها حجزتني على اساس الدكتورة جاية وبعد شوية اعتذروا وقالوا طبيب غيرها جاي وبعد شوية اعتذروا عنه هو كمان
ومفيش مستشفى رضي يستقبلني لان مفيش اطباء هاينزلوا في العيد
حتى الطبيبة اللي بتابع معاها وعيادتها بجوار شقة سكنها في نفس العمارة ونفس الدور عايزة تضاعف الكشف عشان خرجتها من الباب ده للباب ده عشان تكشف عليا
طلعنا على مستشفى عام لقينا يجي 20 واحدة بدون مبالغة في حالة وضع وطبيب واحد مستلم النبطاشية وزملاءه الثلاثة اخروا عليه لحد ما انا وضعت لوحدي في المستشفى بدون مساعدة الطبيب وخلصت وهو لوحده لان كان معاه اكتر من حالة في غرفة الولادة
وتخيل حالة الاضطراب اللي كان فيها المستشفى والممرضات والطبيب وعصبيته على الستات من الضغط العصبي اللي كان فيه
بصراحة ستات معندهمش زوق مش كانوا يأجلوا الولادة لما الدكاترة يصحوا براحتهم ويفطروا بالكبدة
يا أستاذة نور دي مديونية الوزارة لمستشفى واحد في محافظة واحدة فمابالك بعشرات المستشفيات على مستوى الجمهورية
والمؤلم أن قرارات العلاج على نفقة الدولة بتطلع بالقطارة للمحتاجين فعلا وبتكون مبالغ زهيدة جدا جدا جدا جدا
تلاقي المريض جايب قرار ب٣٠٠ جنيه والمفروض إنه يكمل بقية التكاليف من جيبه
البعض متخيل إن القرارات دي بتخلي الدولة تتحمل كل التكاليف...لأ أبدا....ده ممكن لما يكون ممثل أو لاعب كرة...إنما إنسان غلبان لأ طبعا....القرار بياخد شهور لغاية لما يطلع...وبعد كده المريض ممكن يموت بالحسرة لما يشوف قيمة الدعم اللي حكومته العزيزة بتقدمهوله
من المناظر الشائعة جدا إنك تلاقي ناس واقفة في المستشفيات بتتسول بقية تكاليف العلاج وفي يدها قرار العلاج على نفقة الدولة لأنه لايغطي التكاليف
لله الأمر
سوء معاملة المريض و تجاهله نظام متبع فى مصر من سنين , المستشفيات ماشية بالقضاء و القدر .
انا حكيت الموقف ده قبل كده , كنت فى ثانوى و صباعى خبط فى لوح زجاج حاد جدا جدا و صباعى اتفتح و غرق الدنيا كلها دم و جالى هبوط و كنت بفقد الوعى .
صحابي خدونى على المستشفى فى ثوانى , دخلنا قعدنا ندور على موظف الاستهبال ( الاستقبال ) البيه بيفطر و مش فاضي , قعدنا ندور على دكتور , الدكاترة كلها عاملة مشغولة و محدش فاضي لحد .
استمرت المهزلة دى ربع ساعة كنت انا خلاص مش شايف قدامى و واقع فى الارض , راح واحد صاحبي كاسر زجاج غرفة الاستقبال و دخل يضرب الموظف , كان دكتور صغير فى كلية الطب واقف قالى تعالى و خدنى على عيادة جمب المستشفى و خيط لى صباعى 4 غرز و قالى لو مكنتش لحقتك كانت ممكن تحصل مضاعفات الحمد لله ربنا ستر .
الكلام ده كان الصبح و للاسف دى كانت اقرب مسستشفى لينا , ساعتها صدقت كل واحد كان بيقول ان قريب له مات بسبب الاهمال او ما شبه ..
حسبي الله ونعمه الوكيل
الله ينتقم من كل واحد عليه مسؤليه ولا يؤديها بما يرضي الله
لاحول ولا قوة الا بالله فعلا الفقير فى البلد الزبالة دة ملوش مكان حسبى الله ونعم الوكيل فيهم وفى كل اللى كان فى ايدة مساعدة ليها ورفض علشان الكورة اية الارف دة كل يوم بيزيد كرهى للبلد دة