حاجة مؤلمة فعلا

**Eng.Osama.Afifi** · 04-02-2010 12:15 AM

[youtube]http://www.youtube.com/watch?v=Hz_YDGooreg[/youtube]

**نور القمر** · 04-02-2010 12:57 AM

كله بيقول يلا نفسي
مش مهم عنده ست في آلام الوضع واطفالها يموتوا
المهم عنده يتابع الماتش
فساد اخلاقي في كل جوانب حياتنا
اللهم اخرجنا منها سالمين

**Terrible_DaRsH** · 04-02-2010 01:17 AM

انا قلت من الاول انه برنامج قذر من ساعة اشرف السعدنى و قبلها كمان ..

عموما محدش بقي فاكر انه هيتحاسب , ربنا يتولى الجميع برحمته .

**Mostafa.Mahran** · 04-02-2010 01:20 AM

لا حول ولا قوة الا بالله ربنا يرحمنا برحمته

**بحري** · 04-02-2010 01:50 AM

مش مشكلة ولادها يموتوا ولا كانت مشكلة لما ١٤٠٠ ماتوا في العبارة من سنتين طالما أخدنا الكاس يومها وأخدناها من سنتين
وطالما عندنا جدو وزيدان وحسن شحاتة
لما واحدة زي دي مش لاقية فلوس تحط أولادها في حضانة والملايين تصرف على السفهاء من لاعبي الكرة والفنانين ممكن نقول إيه لربنا لما نسأل عن ذلك يوم القيامة
هذه واحدة استطاعت أن تتكلم في الفضائيات ولا أبالغ إن قلت أن هناك مئات يوميا في مثل حالتها وأصعب يموتون على عتبات المستشفيات وفي أروقتها لأنهم لا يجدون ثمن العلاج أو لا يجدون سريرا يتلقون عليه العلاج إن وجدوه
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

**badblood** · 04-02-2010 02:02 AM

مصر
عليه العوض خلاص من زمان مش دلوقتي
ولسه هنشوف كتير ليهم حق يضروبضنا بره بالجزم اذا كنا احنا بنعمل كده في بعض الغريب متوقع يعملك ايه؟
حسبي الله ونعم الوكيل
افرح بس انت وعيالك وضيع البلد اكتر

**بحري** · 04-02-2010 02:41 AM

أنا مش متخيل مشاعر واحدة زي دي لما تسمع إن السيد الرئيس الأب الحنون أمر بمكافأة مليون جنيه لكل لاعب في المنتخب ده طبعا غير الهدايا والحفلات والأمور المعروفة

مليون جنيه....في بلد كبلادنا يأكل الفقر أكباد أبنائها تدفع الملايين لمجموعة من اللاعبين بينما الملايين لا تجد الغذاء والكساء والدواء إلا بصدقات المحسنين وفاعلي الخير المتطوعين....اللهم إنا نبرأ إليك من حال أهل الظلم والظلمة وإنا لله وإنا إليه راجعون
ألا يظن أولئك أنهم موقوفون بين يدي الله غدا فسائلهم عما استرعاهم الله فيه، ألن تقف ملايين المرضى والفقراء تخاصمهم بين يدي الله غدا على هذه الملايين التي أتت من دماء وعرق المصريين الذين يكدحون الليل والنهار فتؤخذ أموالهم بالضرائب والجمارك وشتى وسائل الجباية وإذا بالأموال ترمى تحت أقدام من لا يستحق
الله المستعان

**tmz9111** · 04-02-2010 09:03 AM

حسبنا الله ونعم الوكيل

**M.Mosaad** · 04-02-2010 09:19 AM

مش مهم اي حاجة المهم كسبنا كأس افريقيا
ايه يعني طفلين هيموتوا و عايزين حضانه المهم كأس افريقيا و سمعه مصر و ردها لاعتبارها قدام العدو الجزائري و رفع العلم المصري بين ايدي كل المصريين

انا مش عارف في كام كارثة ومصيبه حلت علي الناس من ورا ماتشات المنتخب يعني دي واحدة ملهاش اي ذنب و ست فقيرة و لا بتعمل متابعه حمل و لا سمعت عنها حتي بتحمل و لما تجيلها الام الولادة تروح تولد

كل برامج الفضائيات من 90 دقيقه للحياه اليوم للبيت بيتك للقاهرة اليوم كلها ناس لابسين بدل و محسسينا ان همهم علي البلد و الشعب و انهم مضادين للحكومه و هما بينفذوا سياسات قنواتهم اللي بتقول اللي الحكومه عايزاه و صاحب القناه المليونير عايزة و اللي المعلن عاوزة

انا ليا واحدة قريبتي حالها علي قدها بنتها دلوقتي 5 سنين عندها ضمور في المخ لانها لما اتولدت كانت عاوزة حضانه و لفوا بيها علي مستشفيات كتير ( اللي اسعارها رخيصة لان مكنش معاهم فلوس ) ملقوش و لما لقوا مستشفي كان النور مقطوع يعني مستشفي مفيهاش مولد لتشغيل الحضانات او حتي ups يشغلها شوية

ربنا يصبرها علي عيالها