ممكن تقولولى رايكم انهى افضل ؟
عرض للطباعة
ممكن تقولولى رايكم انهى افضل ؟
نيو اكسنت افضل اكيددددددد
من نحيه المحرك الاكسنت تكسب
من نحيه الخامات و التقفيل اللوجان تكسب
من نحيه العفشه اللوجان تكسب
من نحيه الشكل اللوجان تكسب
من نحيه التوكيل اللوجان تكسب
و موضوع الشكل ده موضوع نسبي طبعا
و ربنا يوفقك للاختيار المناسب
أفضل النيو أكسنب بسبب كثرة الإقبال عليها وسعر إعادة البيع
بس الاسكنت ثابتها افضل من اللوجان بعد 140
حتى لو فرضنا إن اكسنت سبتة أكتر من اللوجان مع إن منيعرفش حد معه العربيتين عشان نتأكد
١٤٠ ده سرعة كبيرة مش كل الناس هيجبوهة و بعدين ناس كتير معها العربية و بيشكره في الثبات بتاعها
فأعتقد موضوع الثبات مفروغ منه
لكن الفرق فالماتور بس و الإنتشار دلوقتي شايفه متساوي باختصار أن شايف اللوجان صفقة رابحة مع وضع فالحسبان إن الاكسنت عربية محترمة
بكل بساطه سوق العربيتين وانت هتعرف الفرق
رايى الشخصى
لوجان طبعا عشان الأكسينت سعرها تهريج وعلى الأقل اللوجان فيها إيرباج وواسعة جدا من جوة وشنطة بحر ما شاء الله زائد إنها فعلا أحسن قيمة مقابل النقود فى الفئة أقل من 70 ألف
ولو فى تمن الأكسينت يبقى نيسان صنى أو بروتون (جين2 ,بيرسونا أو واجا) يبقو برقبة الأكسينت
وربنا يوفقك للخير إن شاء الله
اللوجان ثباتها ممتاز بعد ال 140 واكتر من كده
ده كلامى كاحد ملاكها وكلام كل ملاكها فى المنتدى
حضرتك راجع الموضوع ده وأتاكد من موضوع الثبات وهتلاقى صور لعداد السرعه
http://www.nilemotors.net/Nile/116793-10000.html
التوكيل :- رينو يكسب
الشكل :- أذواق ( رائى النيو اكسنت )
الإعتمادية :- اعتقد اللوجان تتفوق فى النقطة ديه
العافشة :- لوجان
استهلاك بنزين :- لوجان
مساحة داخلية :- لوجان
قوة موتور :- نيو اكسنت
الإنتشار :- اللوجان والأيام الجاية هتبين الموضوع ده قوى
سعر إعادة بيع :- نيو اكسنت حاليا لوجان مستقبلا انشاء الله
الثبات :- مجربتش النيو اكسنت بس على كلام ملاكها مفيش اختلاف بينهم
اسعار قطع الغيار :- نيو اكسنت تكسب ( لو هتشتريها من برة مش من التوكيل ) واعتقد اللوجان هتعدى النقطة ديه قريب لأنها فعلا ابتدى يكون ليها قطع غيار برة
طبعا السعر لوجان تكسب 100 مرة لأنها بكل بساطة معليهاش جمارك
طبعا الموضوع محسوم للوجان
:C_laugh[1]:
لو نسيت اى نقطة ممكن حد يزودها
نيو اكسنت طبعا.
على فكرة الناس اللي محتارة زيي كده .... زادت حيرتهم .....
و انا هستنى تاني لحد ما الاقي حد يرسينا تماما .... هههههههه
و ربنا يكرمكم ...
اعتقد من ناحية الشكل - الخامات - جودة التقفيل -------- النيو اكسنت تكسب
لكن السع و التوكيل و استهلاك البنزين اللوجان طبعا
انا بافكر زيك في الأكسنت بس فعلا سعرها مبالغ فيه جددددددا
يا جماعه بجد حرام الي بتقولوه ده بجد
مينفعش تقارن بينهم اصلا علشان فرق السعر
انا معايا نيو اكسنت 2010 و امبارح رحت انا وواحد قريبي نتفرج علي الوجان
بالنسبه للشكل الوجان حلوه طبعاً بس ضخمه قوي
النيو اكسنت ملمومه وانسيابيه جدا وشكلها احلي من وجهه نظري انا
بالنسبه للموتور اكيد النيو اكسنت تكسب 112 حصان يا جدعان و تكنولوجي الموتور بتاع النيو اكسنت 2007 و موضوع ال cvvt ده مش هذار طبعاً الموتور بتاع الوجان قديم جداً ده كان موتور الداتشيا زمان من 11 سنه و موتور الميجان 1 لحد 2001 أو 2002
وافتح بقي يامعلم الكابوت توهان السنين يا معلم كل سلك داخل في التاني و خراطيم من هنا و من هنا توهان اخر حاجه
التقفيل النيو اكسنت انضف 100 مره انا عايزكو تشوفو:
1- زراير التابلوه
2- مقابض البيبان ضعيفه جدا مقارنه بالنيو اكسنت و قفله الباب تقيله في الاقفله و الفتحه "مش تقل باب"
3- مفصالات المرايات ضعيفه جداً والمريا مش 180 درجه انا كنت خايف و انا بقفيلها و افتحها
4- التقفيل من جوه فقير جدا بالنسبه للنيو اكسنت
وده اكيد مقابل فرق السعر
استهلاك البنزين النيو اكسنت تكسب لحد 100 كيلو /ساعه
لاكن اسرع من كده النيو اكسنت سفاحه بنزين بس ده علشان النيو اكسنت 2 كامه لاكن الوجان كامه واحده بس ده يساويه سحب اعلا للنيو اكسنت
لمبه المرشيدير واحده بس من ورا مش اتنين وده مش عارف ازاي بصراحه
وكذلك لمبه الشابوره الي ورا واحده بس الي علي الشمال
فتح تانك البنزين و الشنطه من برا يعني لازم انزل من العربيه علشان افتحها
مفيش انذار حته في الفول اوبشن هو موضوع المفتاح الي مش بيفتح غيره
مفتاح واحد بس من التنين الي فيه سنتر لوك
موضوع الفتيس الي فيه زي الفيبريشن ده طول ما العربيه دايره.
قطع الغيار: النيو اكسنت تكسب طبعاً
التوكيل :الوجان تكسب
إعاده البيع: الاكسنت حالياً و الوجان قريباً
المساحات و الوسع: الوجاننننن طبعاً
و فيه حاجه مهمه برضو النيو اكسنت تقفيل بلادها كوريا لاكن الوجان تقفيل مغربي
انا مجربتش اسوق الوجان طبعاً بس ثبات النيو اكسنت حلو جدا لحد 160 أنا جربته بنفسي و جبت بيها 170 بس مطولتش دقيقه ورجعت لعقلي علاطول
من الاخر مفيش مقارنه حرام بجد انا شايف الموضوع موضوع سعر مش اكتر الي معهوش يكمل تمن النيو اكسنت الوجان حلوه طبعآ وانا كنت امبارح بتخانق مع قريبي ده علشان يجيبها اصلاً لاكن لو معاك فلوس الاكسنت الاكسنت تكسب 100000000 مره
.
على فكرة الاكسنت مش غالية ولا حاجة دي ثمنها 75 والاوتو ب 82
الجين 2 قريبة من الاكسنت مع فرق الكماليات اللي في الجين وتمنها بيبتدي من 84 والاوتو ب 91
لو حضرتك عاوزها لاسره يبئى اللوجان بدون تفكير لان الاكسنت ضيقه مووووت
لو ليك لوحدك وبتحب الجرى والشد يبئى نيو اكسنت
روح ربنا يباركلك
:satelite:
ده انا مكنتش متصور ان الناس بتكره غبور لدرجة انهم يحطوا اللوجان في منافسه مع الاكسنت:36_1_31:
مع ان طبعا محدش جاب سيره غبور عشان محدش يزعل مني
بس اللي بيقول ع اللوجان احسن ف التقفيل و العفشه و الموتور !!!!!!!!!!!!!!!!؟؟؟؟؟؟؟؟؟؟؟؟ مش هعلق :majd(4): كل واحد حر فرائيه
ع العموم عشان اكون موضوعي و منطقي :
مع اني مستحيل اقتنع ان اللوجان تكون اصلا فمقارنه مع الاكسنت "ممكن مع الفيرنا"
لكن لو اجتمع الناس على عكس ذلك فده حقهم و اكيد الاجماع يكسب رأيي لكن عمري ما اغير رأيي ----- مفيش مقارنه اصلا :T_thum1[1]:
احب ف النهايه اضيف ان واحد جارنا جايب لوجان و معداش عليها شهر و كان كل بويه الكبوت اتقشرت - طبعا عيب غريب جدا انا لا اعرف سببه و لا حتى سألته عشان محدش يسألني انا بس شوفت
النيو اكسنت افضل بس اى حاجة بتتحط فى مقارنة مع اللوجان بتكون المقارنة لصالح اللوجان من غير ما تفكر
السلام عليكم
انا كنت في نفس الحيرة دي من شهر تقريبا بس للأمانة اللوجان تقفيلها معجبنيش و لكن هي كسيارة اسرة ممتازة لما تكون بتجيب سيارة لأول مرة اما بالنسبة للنيو اكسنت فهي سيارة جميلة كتقفيل و كشكل و لكن تعتبر شبابية او لأسرة صغيرة ولذا استبعدتها وبالتالي فكرت في فئة اعلي علي اساس اني مبشتريش عربية كل سنتين و اغير
ولذا فبناء علي اراء السادة الزملاء بالمنتدي فلو معاك فلوس الاكسنت و هي مناسبة كحجم فتوكل علي الله
الاكسنت طبعا افضل من اللوجان, لو معاك ثمنها هاتها لكن لو معكش اللوجان بردة مش وحشة
اشمعنى يعنى الكبوت هو الى قشر دون باقى العربية وبعد شهر ديه ما حصلتش فى العربيه الرمسيس حتى
اللوجان اتحطت فى مقارنات كيتر جدا مع الاكسنت وفيه ناس كتير قالوا اللوجان افضل والموضوع لا له دعوه بكره غيور ولا تيمور الراجل حاططهم فى مقارنه عشان عاوز يشترى مش عشان بيكره غبور يعنى بيقول احط فلوسى فين
عموما لو اعتبرنا الاكسنت فئة سعريه اخرى - اكيد الاكسنت الشكل الجديد مش القديم لانها غالبا مش هاتنزل تانى- يبقى دخل الجين 2 فى المقارنه لانها برضه افضل من الاكسنت وتتفوق عليها
اعتقد الاكسنت تكسب اكيددددد
ياجماعة ارجوكم نكون موضوعيين بالنسبة للأخ صاحب الموضوع وجهة نظرى الشخصية حاول تجنب موضوع السعر فى الأول لأنى انا شايف ان الناس اللى رشحت اللوجان كان موضوع السعر فيصل بالنسبة ليهم فى شراء العربية ولكن الفرق واضح جداً بين العربيتين كاتكنولوجي وتقفيل والفرق دة طبيعي لازم يساوى فلوس وهو دة فرق السعر بين العربيتين شوف اية اولوياتك فى الأختيار الأول وهل السعر فيصل واعتقد ان اغلب الأعضاء قالوا اراء مفيدة ولكن غير خالية من التحيز
:b4_282:واالله انا محتار نفس الحيرة ولكن لى بعض الملاحظات واضح ان قطع الغيار للوجان غالية جدا زجاج ب1500ومراياب1200 والارقام دية لا تبشر بخير ولاتدل على ان العربية وزعت 4500 وياريت الصديق اللى ذكر المعلومة يذكر مصدرها واخيرا ان سعر اللوجان نفسه مبالغ فيه واليكم الدليل
احتلت رينو المركز الرابع بالنسبة للسيارات المستوردة ب786 سيارة دخلت الاراضى المصرية بمختلف منفذها خلال فيراير2010 بقيمة36 مليون جنية فيهم 569 لوجان بقيمة23مليون و447 الف 784 جنيه وطبعا من غير جمارك يعنى بحسبة بسيطة يبقى ثمن السيلرة الواحدة لحدالميناء المصرى41208 جينة ودا طبعا متوسط سعر العربية لانى اكيد ال500 عربية فيهم هاف وكاملة يعنى اخوناصاحب التوكيل بيكسب فى العربية26791 دلو فرضنا ان كل العربيات فول اوبشن تخيلو كم نحن غلابة ومبسوطين واحنا بيضحك علينا
ياجماعة انا اتنصب عليا من غبور فى عربية نيو اسكنت 2010 بالدليل
حكايتي مع النيو اكسنت وغبور-ما حدث وماأتخذته من اجراءآت وما سوف اتخذه
................................
محمود عينو
اللوجان أحسن واوسع واعلى ورينو وعفشتها مرنة هاتها وتوكل على الله
بلا اكسنت بلا فيرنا اشترى اللوجان وهتعرف الفرق
عربية شيك وواسعة جدا من الداخل ومن عيلة اصيلة والاساس فرنساوى ويكفيك شرها قول يا رب
:S_thum1[1]:
ارجو مزيد من الاراء لانى مقبل على شراء واحدة منهم
وميال للنيو اكسنت بس مستغليها على حجمها.....
ومش عارف قطع غيار اللوجان اية؟؟؟