الموضوع: عمار يا مصر . . . . تويوتا كورولا الجديده تاكسى أبيض فى اسود !!!!

للاسف مصدقك لأني شقتها في التجمع الخامس

كنت مصدوم .. انا عرفت انها وصلت للبومة و frv و استهبلوا و وصلت للميجان .. انما الكورولا كمان !!!

انا عشان مضايقش نفسي .. رحت قايل ماهو في اوروبا و الدول المتحضرة المرسيديس الجديد تاكسي .. فخلاص بقا ..

و الحقوا يا ملاك السيفيك اتمتعوا الكام يوم الباقيين .. و يا ملاك الجيتا و الفانتازيا .. ربنا ميرضاش بالظلم :)

المشاركة الأصلية كتبت بواسطة sharky

مؤيدك تماما فى الكلام دا

يا احمد باشا الموضوع تعود اكتر منه مبدأ ..

يعني لغاية سنتين فاتوا كانت اجدد عربية موديل حاجة و تمنين ..

و فجأة نلاقي العربيات دي بقت تاكسي !! .. دي حاجة غريبة


عامة انا محبش العربية الابقا راكبها تبقى تاكسي ..

قولي انت حسيت ايه لما عرفت ان في ميجان تاكسي و ياريس تاكسي ؟ :)

المشاركة الأصلية كتبت بواسطة wawoo

انا مش فاهم هو اية المشكلة ان التويوتا تبقى تاكسى ...دة حيقلل اية من قيمة الشركة او الموديل او ملكها .. ....

هو التاكسى دة سبة مثلا ولا لازم التاكسى يكون موديل قديم و اى كلام ..
بصراحة مفهوم غريب ...و مش مفهوم ..اية المشكلة ان التويوتا تبقى تاكسى .

ماهو المرسيدس تاكسى فى مصر من سنين ..محدش يعنى من ملاك المرسيدس اشتكى ولا اضايق مثلا .

هو اكيد المشكله فى الكورولا تحديدا لانها مش سوبر كار يعنى , بس كل ما فى الموضوع ان اى عربيه بالسعر دا لما تشتغل تاكسى يبقى اسمه بزخ على الفاضى

ايا كان برا التاكسيات شغاله ايه فأحنا هنا ظروف الشوارع والحاله الاقتصاديه وارتفاع سعر العربيه بالنسبه لمستوى الدخل وسوء خدمه بعد البيع اجمالا وارتفاع اسعار قطع الغيار يخلى اى تاكسى فوق رنج ال 90 ألف جنيه حاجه غريبه وملهاش تفسير

يعنى الكورولا ولا هى عربيه اقتصاديه قوى علشان نقول هتوفر , ولا هى سهله وسريعه وغير مكلفه الصيانه , ولا هى بتقدم مستوى راحه مش موجود فى العربيات الاقل منها بالنسبه للراكب ولا حتى اللى راكب هيفرق معاه الكماليات والثبات والاداء

لانسر 1.3 تفى بالغرض قوى وياريس ممتازه , فيرنا معقوله ولانوس معقوله وماتريكس تحفه وكلهم يتوفر فيهم كل المتطلبات اللى تخليهم تاكسى ناجح من كل النواحى سواء اتساع او اقتصاديه او صيانه سهله وقطع غيار رخيصه

بس هى دى كل المشكله , مش معنى ان الناس برا مشغله مرسيدس تاكسيات يبقى لازم نعمل زيهم

المشاركة الأصلية كتبت بواسطة Ahmed0Nouh

يعنى الكورولا ولا هى عربيه اقتصاديه قوى علشان نقول هتوفر , ولا هى سهله وسريعه وغير مكلفه الصيانه , ولا هى بتقدم مستوى راحه مش موجود فى العربيات الاقل منها بالنسبه للراكب ولا حتى اللى راكب هيفرق معاه الكماليات والثبات والاداء

لانسر 1.3 تفى بالغرض قوى وياريس ممتازه , فيرنا معقوله ولانوس معقوله وماتريكس تحفه وكلهم يتوفر فيهم كل المتطلبات اللى تخليهم تاكسى ناجح من كل النواحى سواء اتساع او اقتصاديه او صيانه سهله وقطع غيار رخيصه

سورى انا مش مع حضرتك خالص
الكورولا اكثر عربيه اقتصاديه فى الاستهلاك للبنزين فى فئتها على الاطلاق
سريعه جدا مقارنة بالعربيات اللى فئتها خصوصا mmt
بالنسبه لمستوى الراحه اكيد حضرتك بتهزر انا عمرى ما ركبت عربيه اكثر راحه من الكورولا فى فئتها (دى اساسا اشهر ميزه فى الكورولا)
انا اسف على نقض حضرتك بس حبيت اقول رايى بنائا عن تجربه شخصيه
تقبل تحياتى

المشاركة الأصلية كتبت بواسطة abo samra

سورى انا مش مع حضرتك خالص
الكورولا اكثر عربيه اقتصاديه فى الاستهلاك للبنزين فى فئتها على الاطلاق
سريعه جدا مقارنة بالعربيات اللى فئتها خصوصا mmt
بالنسبه لمستوى الراحه اكيد حضرتك بتهزر انا عمرى ما ركبت عربيه اكثر راحه من الكورولا فى فئتها (دى اساسا اشهر ميزه فى الكورولا)
انا اسف على نقض حضرتك بس حبيت اقول رايى بنائا عن تجربه شخصيه
تقبل تحياتى

يا فندم حضرتك بتقيم العربيه من جانب انك هتستمتع بالحاجات دى لما تكون زياده , لو تلاحظ انا بتكلم كونها تاكسى

الكورولا مش اقتصاديه بشكل كبير ورسميا معدل الاستهلاك 7.8 لتر لكل 100 كم وهو رقم مش صغير قوى نقدر نقول عليها اقتصاديه بشكل يدعو بتضحيه بكل فرق السعر بينها وبين باقى الاختيارات كتاكسى لمجرد انها هتوفر بنزين بالشكل الخرافى , انا مش بقيم العربيه انا بس بقول ان الموجود فى الكورولا و يؤهلها لتاكسى ناجح موجود هو هو فى عربيات اقل منها بقرابه ال 50 ألف جنيه والزياده فيها لا يفيد عملها كتاكسى فى حاجه يعنى انا بتكلم عن شراء عربيه من الفئه دى ايا كانت وتشغيلها تاكسى فى حين فى عربيات تحت ال 100 ألف جنيه هتقدم كل المطلوب بشكل مثالى

مستوى الراحه المرتفع فيها انا عارف انه اكيد اعلى من العربيات اللى اقل منها ده شئ طبيعى بس مش هيفيد فى حاجه الركاب ولا هيدفع عليه حد حاجه زياده , كذلك الكماليات كذلك الشكل او سنه الموديل