انا محتاره بين كذا عربيه
و العربيه اللي كنت هشوفها كات ستروين سي ثري
شوف هنا
http://www.nilemotors.net/Nile/116615-a.html
عرض للطباعة
انا محتاره بين كذا عربيه
و العربيه اللي كنت هشوفها كات ستروين سي ثري
شوف هنا
http://www.nilemotors.net/Nile/116615-a.html
في الحقيقة مش عارف ليه أختارتى الأنواع دى مبدئياً كدة تبعدى عن الفيات بونتو و السيتروين مشاكلهم كثير وقطع الغيار تعتبر غالية ودى عن تجارب لأصدقاء معهم العربيات دى البيجو ممكن بس شرط الحالة ولكن برضة مش بفضلها عموماً في أنواع ثانية هقولك عليها وانتى ممكن تشوفى اية المناسب ليكى وتستبعدى الغير مناسب ومش عارف أسعار قطع الغيار بتاعتها اية ماعدا الانسر لكن لو في نوع لقى استحسن عندك ممكن تسئلى على أسعار قطع الغيار و اماكن الصيانة في القسم بتاعه في المنتدى
لو ممكن عربيات صغيرة شوية وموديل حديث يبقى
1- كيا بيكانتو موديل 2006 1100cc
2- شيفورلية سبارك 2008 1100cc
وأيضاً فيه لانسر كريستالة موديل 98 و 99 1300cc أعتقد ده أختيار مناسب لو الحالة كويسة
VW بولوا موديل 2000 و 2001 بس عيبها ماتور 1000cc
أوبل استرا موديل 00 و 01 1200cc وممكن كورسا برضه بس مش بحبها
واحنا ها نتابع معكى وبالتوفيق ان شاء الله
انا اخترت السيتروين سي ثري و البونتو لان اسعارهم مناسبه و ماركات متحرمه و كمان 1300 cc و شكلهم عجبني
لكن الكل حذرني من قطع غيار السيتروين و انها غير متوفره بس البونتو الاغلبيه شكرولي فيها بس عيبها اني بلاقي بس موديلات 2000 و 2001 و 2002
لكن 2004 او 2005 او 2006 مش بلاقيهم ابدا
الكيا بيكانتو مع صاحبتي و دمها تقيل جدا علي قلبي سبحان الله مش قادره ابلعها ابدا
و غير كده هي و الشيفروليه و البولو 1000 و 1100 cc و انا متعودة علي اني اسوق 1600 و 2000 cc
فقلت افضل اختيار علي قد فلوسي اني اجيب 1300cc
الاويل استرا فعلا فكرت فيها و روحت شفت عربيه كرهتني في الاوبل كله :)
الكرستاله موديلها قديم اوي و مش بحب شكلها و المتسوبيشي الموديلات اللي في اوائل سنة 2000 غاليه عليا
عارف المشكله ان هنا المستعمل في مصر اغلبه حالته وحشه جدا جدا نادر ما تلاقي حاجه نظيفه
و شكرا ليك
بس أعتقد السيتروين C3 والبونتو الماتور بيكون 1200cc وشوية سيسيهات فاكة ومين اللى شاكر لك في البونتو حد من ملاك العربية ولا ناس مش راكبها؟ بس للأمانة ماتور الانشيا اللى في البونتو كويس وبيجرى بيكون 8 صبابات وفي منه 16 بس نادر شوية أصل أنا بقيت خبرة في البونتو عشان ابن عمتى معه واحدة وكمان واحد صاحبى موديل 2003 وبعيد عنك وعن السامعين كان عمل حادثة من فترة وطلع فوق الرصيف والعربية اتبهدلت وصرف جامد وأنا كنت بنزل معه نجيب قطع الغيار عشان كدة بقول لك قطع غيارها غاليه شوية ومافيش غير ناس قليلة اللى شغالين فيها كاقطع غيار سواء في الحرفيين أو وسط البلد والتوكيل بتاعهم مش قد كدة وكان في حد في قسم الفيات في المنتدى كان عامل موضوع عن انه باع العربية بتاعته مخصوص عشان سوء حالة التوكيل بس الكلام ده من فترة مش عارف الدنيا دلوقتى عاملة ازى هناك عموماً انتى لو مش مستعجلة يكون أفضل عشان تدورى برحتك في أنواع مختلفة و تلقى الحالة النظيفة
السيتروين فيه منها 1200 و 1300
لكن البونتو انا كل اللي شفتهم كاناو 1300
انا سالت ناس معها عربيات بونتو و شكرولي فيها و ان قطع غيارها اسعارها معقوله
مس عارفه استقر علي ماركة معينه
كل ما استقر علي ماركه و اقول خلاص هي دي ان شاء الله الاقي حد يقولي دي فيها عيوب كذا