الموضوع: استفسار عن رقم شاسيه العربيه

المشاركة الأصلية كتبت بواسطة amatoallah

شكرا استاذ سعد
بس انا واحده مش واحد :)

يعني انا لو روحت المرور و قلت لهم رقم نمرها هيقولوا ليا صاحبها مين و رقم الشاسيه كمان؟

لاني خايفه من الراجل اللي هيبعلي العربيه مش مستريحه له خالص

بس العربيه حالتها حلوه جدا و سعرها مناسب لي فخايفه يكون عليها مشكله او مسروقه

و هي موديل 2007 هل ممكن يكون عليها حظر بنكي لو كان عليها تقسيط 5 سنين او اكتر صح؟

و شكرا ليك جدا علي مساعدتك

طبعا انا بعتذر الاول بس الكلام مش مبين ان سيادتك بنوتة



تانى حاجة ممكن تفاصيل عن العربية
عرفتيها ازاى
فيها توكيلات ولا لا طدة هنعرف تاجر ولا مالك

وايوة لو رحتى المرور هتعرفى مين صاحبها
بس لو معاكى رقم الشاسيه كمان يكون افضل هوة موجود على ضهر الرخصة او بالنمر بس تجيبى البيانات اللى قلنا عليها وتتاكدى من الشاسيه بتاعها
وممكن يكون عليها حظر لو 2007
كمان حاجة مهمة لو مسروقة
التوكيل
لو مسروقة يبقى غالبا بتتباع بعقد او توكيل مزور
تاخدى رقم التوكيل ومنين لفين وفى اى شهر عقارى
ونزلة على الشهر العقارى برده
او لو معرفتيش
تعمللى عقدك او توكيلك فى الشهر العقارى اللى طالع منه نفس التوكيل وتخللى الموظف يكشف عليه هناك
يعنى هيشوفه فى الدفتر بتاعهم
وده مش ممكن يحصل لو رحتى شهر عقارى تانى وبيكتفوا انهم يكتبوا اقرار بصحته وانه لازال سارى
واى استفسار تانى فى الخدمة

المشاركة الأصلية كتبت بواسطة seaman

بسيطه خالص.. شوفى يا امه الله

عموما قبل ما تشترى لازم تتطلعى على شهاده بيانات السياره وتأخدى شهاده مخالفات ده وضع طبيعى وبكده هتعرفى البيلانات صحيحه ولا لا...بسيطه مش كده وان شاء الله ربنا يباركلك فى العربيه...
نصيحه أخيره...لو مش مستريحه لصاحب السياره يبقى أطمنى لان ممكن يكون العكس فى ناس كلامهم حلو لكن افعالهم وحشه ..:m_yes[1]:
المهم تستريحى من العربيه:s_thum1[1]:

الى اخى فى الله وامة الله السائلة
لو فيه لعب فى ورق العربية
شهادة البيانات بتطلع على الوضع الجديد بعد اخفاء التلاعب فمش هتبين حاجة