-
صوت الموتور عالى جدااا
كنت باغسل العربيه فى مغسله جنب البيت و طبعا ماغسلتش الموتور بس خليت الراجل اللى فى المغسله ينفخ التراب بالهواء و طلعلى فلتر الهواء و نفخ التراب اللى عليه المشكله بقى ان من ساعتها وحاسس ان صوت الموتور بقى عالى جداااا وكل مابدوس بنزين بحس ان العربيه كأن االشكمان مخروم و فيه صوت مش طبيعى ولما بصيت على الفلتر لقيته راكب كويس و العمه بتاعته مربوطه كويس .... اييه الحل ياجماعه الخير؟؟؟
-
ممكن يكون الشكمان بس يريت توصف الصوت بيبقى عامل ازاى بالظبط
-
فك الفلتر ونضفه وبعدين ركبه تاني ممكن الطريقة دي تنفع
-
الصوت ده مابيطلعش على الاولانى والتانى بس مجرد مابشد بالعربيه او بطلع على الطريق بيظهر كأنى مركب صفاره فى الشكمان
-
هل ممكن يكون الراجل فى المغسله ركب فلتر الهوا غلط ؟؟
-
هل لما بتدوس بنزين بتسمع صوت زنة ؟ وبتحس ان فى حاجة مكتومة على وشك الانفجار ؟
لو كده يبقى شكمان بس الصوت بيكون موجود حتى فى الاول والتانى بس لو على كلامك يبقى حاجة تانية وبصراحة مش عارفها والافضل تخلى حد يشفهالك وتريح دماغك سواء شكمان او حاجة تانية فى الاخر عتبقى حاجة هايفة ان شاء الله
-
خلى الميكانيكى يعليلك كهربة العربية شوية هتلاقى الصوت راح
-
فك الفلتر وبص عليه ممكن يكون الراجل قطعه..
لو سليم حطه تانى بالراحة وتمم عليه وعلى الكلبسات..
ولو حد صاحبك عنده نفس العربية روح له وبدل الفلتر وجرب وشوف هل حصل فرق وللا لأ..
ومش عارف هل ممكن تكون حاجة دخلت الموتور أثناء تنظيف الفلتر؟
-
أخبار الصوت أيه يا مادا؟
ان شاء الله تكون المشكلة أتحلت :)
-
الحمدلله يا اسلام باشا انا جربت اطلع الفلتر واركبه تانى والحمدلله الصوت راح
الف شكر على اهتمامك يا اخى الحبيب اسلام
Content Relevant URLs by
vBSEO 3.6.0 PL2