صوت الموتور عالى جدااا

**mada121977** · 21-12-2007 02:20 PM

كنت باغسل العربيه فى مغسله جنب البيت و طبعا ماغسلتش الموتور بس خليت الراجل اللى فى المغسله ينفخ التراب بالهواء و طلعلى فلتر الهواء و نفخ التراب اللى عليه المشكله بقى ان من ساعتها وحاسس ان صوت الموتور بقى عالى جداااا وكل مابدوس بنزين بحس ان العربيه كأن االشكمان مخروم و فيه صوت مش طبيعى ولما بصيت على الفلتر لقيته راكب كويس و العمه بتاعته مربوطه كويس .... اييه الحل ياجماعه الخير؟؟؟

**mohaismail** · 21-12-2007 10:25 PM

ممكن يكون الشكمان بس يريت توصف الصوت بيبقى عامل ازاى بالظبط

**شاهين - بنز** · 22-12-2007 03:38 PM

فك الفلتر ونضفه وبعدين ركبه تاني ممكن الطريقة دي تنفع

**mada121977** · 22-12-2007 04:13 PM

الصوت ده مابيطلعش على الاولانى والتانى بس مجرد مابشد بالعربيه او بطلع على الطريق بيظهر كأنى مركب صفاره فى الشكمان

**mada121977** · 22-12-2007 04:17 PM

هل ممكن يكون الراجل فى المغسله ركب فلتر الهوا غلط ؟؟

**mohaismail** · 23-12-2007 01:10 AM

هل لما بتدوس بنزين بتسمع صوت زنة ؟ وبتحس ان فى حاجة مكتومة على وشك الانفجار ؟
لو كده يبقى شكمان بس الصوت بيكون موجود حتى فى الاول والتانى بس لو على كلامك يبقى حاجة تانية وبصراحة مش عارفها والافضل تخلى حد يشفهالك وتريح دماغك سواء شكمان او حاجة تانية فى الاخر عتبقى حاجة هايفة ان شاء الله

**ahmedsrs** · 23-12-2007 01:13 AM

خلى الميكانيكى يعليلك كهربة العربية شوية هتلاقى الصوت راح

**Dr Ahmed** · 23-12-2007 01:21 AM

فك الفلتر وبص عليه ممكن يكون الراجل قطعه..
لو سليم حطه تانى بالراحة وتمم عليه وعلى الكلبسات..
ولو حد صاحبك عنده نفس العربية روح له وبدل الفلتر وجرب وشوف هل حصل فرق وللا لأ..

ومش عارف هل ممكن تكون حاجة دخلت الموتور أثناء تنظيف الفلتر؟