باركولي جبت جهاز انذار ولف

**kisho55555** · 05-02-2010 11:31 PM

الف مبروك ... وقولنا شكله ايه وموديله وبيفتح الشنطة ولا لا ؟؟؟

ادينا شوية معلومات .. متبقاش بخيل يا جميل

**mohamed9999** · 02-08-2010 01:11 PM

بكام ف التوفيقيه وركبته فين

**ahmedzizo131** · 02-08-2010 01:28 PM

بسم الله الرحمن الرحيم
الف الف مبروك
هل هو ريموت مفتاح ولاا عادى ؟؟؟؟؟؟؟؟؟؟

**tamer_a7** · 05-08-2010 02:36 PM

طيب احكي انا بما ان صاحب الموضوع مش مودجود وانا ركبت نفس الجهاز وبالصدفه برده في التوفيقيه
مبدئيا انا جبته من عند لهيطه دا عنده 3 محلات في اول شارع التوفيقيه وهو فعلا بالسعر دا
ونصيحه بجد ما تفكرش غير فيها خليه هو اللي يركبه ما تفكرش في اي حد تاني الناس دي بجد محترفين بطريقه تغيظ يعني واد صغير كده بتاع 15 او 16 سنه ويخش العربيه هوب لتاقي كل حاجه متركبه في ايه ما فيش نص ساعه
التركيب كان 60 جنيه ومفتاح الشنطه من الريموت لوحده 25 (ودا طبعا علشان الاكسيل مفتاح الشنطه كهرباء)
التركيب تم قدام المحل هو بيوقف ليك العربيه في مكان وبيفضي ليك حته ويظبط ليك الدنيا
الحمد لله الجهاز زي الفل والعيب الوحيد اني خليت البيه الكهربائي بتاعي يبدا التركيب وللاسف الانتظار بتاع الانذار شغال مع باب واحد بتاع السواق مش مع البقيه طبعا البيه ولا كان فاهم ولا عارف وبوظ وحده رفع وضرب الفيوزات علشان كده ما تفكرش هما عارفين بيعملو ايه
يا راجل دول بيقفلو السنتر للعربيات اللي ما فيهاش سنتر في ايه ما فيش
وربنا يوفق الجميع اه قبل ما انسي كان في واحد وارا في الشارع اللي قبل التوفقيه الزحمه قوي كان اسمه الشيخ بس هو ما عندوش تركيب بس دا راجل بتاع جمله انا ما وصلتش معاه لسعر اقل بس ممكن غيري يعرف

**dr_raveheart84** · 06-08-2010 03:19 PM

المشاركة الأصلية كتبت بواسطة tamer_a7

طيب احكي انا بما ان صاحب الموضوع مش مودجود وانا ركبت نفس الجهاز وبالصدفه برده في التوفيقيه
مبدئيا انا جبته من عند لهيطه دا عنده 3 محلات في اول شارع التوفيقيه وهو فعلا بالسعر دا
ونصيحه بجد ما تفكرش غير فيها خليه هو اللي يركبه ما تفكرش في اي حد تاني الناس دي بجد محترفين بطريقه تغيظ يعني واد صغير كده بتاع 15 او 16 سنه ويخش العربيه هوب لتاقي كل حاجه متركبه في ايه ما فيش نص ساعه
التركيب كان 60 جنيه ومفتاح الشنطه من الريموت لوحده 25 (ودا طبعا علشان الاكسيل مفتاح الشنطه كهرباء)
التركيب تم قدام المحل هو بيوقف ليك العربيه في مكان وبيفضي ليك حته ويظبط ليك الدنيا
الحمد لله الجهاز زي الفل والعيب الوحيد اني خليت البيه الكهربائي بتاعي يبدا التركيب وللاسف الانتظار بتاع الانذار شغال مع باب واحد بتاع السواق مش مع البقيه طبعا البيه ولا كان فاهم ولا عارف وبوظ وحده رفع وضرب الفيوزات علشان كده ما تفكرش هما عارفين بيعملو ايه
يا راجل دول بيقفلو السنتر للعربيات اللي ما فيهاش سنتر في ايه ما فيش
وربنا يوفق الجميع اه قبل ما انسي كان في واحد وارا في الشارع اللي قبل التوفقيه الزحمه قوي كان اسمه الشيخ بس هو ما عندوش تركيب بس دا راجل بتاع جمله انا ما وصلتش معاه لسعر اقل بس ممكن غيري يعرف

الف شكر يا باشا بس مقلتلناش الانذار نفسه عامل كام؟
وهل فيه منه موديلات ؟

**sherifghanem** · 13-08-2010 09:12 AM

مستني رد على نفس السؤال لأني عاوز اركب الانزار الاسبوع ده ان شاء الله و نفسي كمان اركب باركينج سينسور و كاميرا
لو حد يئدر يفدني مين ممكن يركبلي ال3 و يكلفوني كام و ايه النوعيات

**karimfahmy99** · 13-08-2010 10:38 AM

المشاركة الأصلية كتبت بواسطة sherifghanem

مستني رد على نفس السؤال لأني عاوز اركب الانزار الاسبوع ده ان شاء الله و نفسي كمان اركب باركينج سينسور و كاميرا
لو حد يئدر يفدني مين ممكن يركبلي ال3 و يكلفوني كام و ايه النوعيات

انا اللى اعرفة و بتعامل معاة هو حسنى الحكيم فى التوفيقية معروف جدا و يركب كل حاجة الانذار و مكن رفع و يعمل الشنطة كهربا و عندة المراية البلوتوث و الكاميرا بس ملوش لزمةالسينسور طالما هتركب كاميرا و كل حاجة موجودة عندة و الناس بتوعة شاطرين هو اللى خدت كل حاجة من عندة و ركبهالى