ارجوكم دلوني علي تقسيط مباشر حلال ويكون موش فرقه كبير يعني العربيه ام 90 تكونب110 او 105 لو فيه حاجه كده يبقي جزاكم الله كل خير
علي فكره بنك فيصل مستغل جدا
عرض للطباعة
ارجوكم دلوني علي تقسيط مباشر حلال ويكون موش فرقه كبير يعني العربيه ام 90 تكونب110 او 105 لو فيه حاجه كده يبقي جزاكم الله كل خير
علي فكره بنك فيصل مستغل جدا
أخى الحبيب : ياريت تقرأ الموضوع ده
اللي عايز تقسيط غير ربوي يروح المعرض ده( خلاصه الكلام)
http://www.nilemotors.net/Nile/24323-a.html
هو الموضوع طويل شويه بس مفيد
و أسأل الله لك و لنا الهداية
إن شاء الله الطريقة سالفة الذكر حلال وربنا يوفقك ويبارك لك في رزقك طالما تتحرى الحلال
ربنا يكرمك ان شاء الله
فعلا الواحد بدايق جدا من الناس اللى بتاخد فوائد ع الاقساط
متشكر جدا اخواني علي ردودكم المهذبة بسي التامين حرام وانا مقدرشي ادفع ال50%
لو فيه حلول تانيه دلوني
الله اعلم نشوف رد الشباب ايه
أخى الحبيب amrmahamad
ياريت تقرأ الموضوع ده بالكامل :M_yes[1]:; لولاحظت حتلاقى ان الموضوع ده قديم من حوالى سنتين {12-05-2008 } و لما تمشى مع الموضوع حتلاقى ان الشباب {جزاهم الله خيرا} عملوا مجهود كبير جدا و فى كذا اتجاه مع المعرض ده بتاع عبداللطيف جميل و مع بنك ابو ظبى الاسلامى و بنك فيصل و كونتاكت .....
و فى الاخر حتلاقى ان معرض عبداللطيف جميل بقى اقرب للشرع بعد ما نظامه اتغيير و ده مش كلامى ده كلام الشيخ الدكتور حسين شحاتة اللى انا نقلته فى الصفحة دى :
http://www.nilemotors.net/Nile/24323-a-59.html
اما بالنسبه لموضوع التأمين الإجبارى ده كان موجود قبل كده
دلوقت تقدر تتدفع 25% بس و من غير تأمين و مفيش بنك فى النص و مفيش غرامة تأخير و سمعتهم كويسة فى السوق ....
و تقدر تقسط لمدة ثلاث او اربع او خمس سنين زي ماتحب
أى نعم هما شروطهم ممكن تكون مشددة شويه : يعنى مثلا زى ما بيمضوك علي كمبيالات شهريه لك كمشترى و زوجتك كضامن , فكمان بيمضوك على وصولات أمانه {او شيكات ضمان اى بدون تاريخ } بعدد السنين أنت و زوجتك , فده من باب إنه بيضمن حقه عشان محدش ينصب عليهم
و النظام ده موجود مع أى حد تانى عايز تجيب منه عربيه بالقسط المباشر معاه
و بكرر تانى : أنا مش جاى أعملهم إعلانات ولا حاجة ..... لكنى حبيت أوضح الصورة الحالية لتعاملهم معانا .... و ده من باب الامانه و التواصى بالحق فيما بيننا
اسأل الله لنا و لك اجمعين الهدايه و جزاكم الله كل خير
اخوكم هشام
ان شاء الله تتوفق معا الحكايه
بنك فيصل تقسيطة غير اسلامي بالمره وده عن تجربة
انا رايي انك تشوف شركة عبداللطيف الجميل أفضل خصوصا انه في الأساس شركة بيع سيارات والعربيات بتبقى مملوكة له يعني بيقسط بضاعته
مش بيقولك خد فلوس او خد شيك واشتري العربيه
للاسف عبداللطيف الجميل مش شغال فى كل الماركات
بص يا أخي أنا كنت زيك كدة دايخ علي حاجة بتأقسط بالحلال, ودوخت السبع دوخات,
ورحت بنك فيصل اللي المفروض إسلامي, ورحت بنك التمويل المصري السعودي (البركة حاليا) اللي برده المفروض إنه إسلامي,
وفي الأخر ما لقيت أفضل من بنك ناصر الإجتماعي,
بنك تابع لوزارة الأوقاف, وتعامله إسلامي 100%, ومافيش تأمين, و عقده العربية ثنائي (يعني بينك و بينه ) بس مافيش طرف ثالث,
وعشان تفهم بالظبط أرجوك إقرأ الموضوع التالي وشوف تعليقاتي.
http://www.nilemotors.net/Nile/150872-a.html
وربنا يهديك للخير,