شكراا

**khashab** · 05-02-2010 12:16 PM

السلام عليكم
اود ان اتوجه بالشكر لكل افراد هذا القسم لكل ما يقدموه من مجهود رائع من اجل نصيحة الغير و المساعدة فقد كنت اتابع هذا المنتدى الرائع منذ فترة من اجل اتخاز قرار شراء سيارة جديدة حتى اكرمنى الله بأختيار جميل و هى اللوجان سيدان
لا انكر حقيقة رفضى الكلى لهذة السيارة من البداية لكن بمجهودكم العظيم و معلوماتكم القيمة اكرمنى الله فى النهاية بشراء هذه السيارة
اعضاء هذا القسم..شكرا لكم
جزاكم الله خيرا فهى بالفعل سيارة جميلة جدا ورأى الشخصى انها تتخطى مبدأ القيمة مقابل المال فهى ققيمة اعلى بالفعل
لست بصدد الدعاية للسيارة لا و اللهى انها من مبدأ النصيحة فقط

اريد ان استفسر من سيادتكم عن السيارة فلم اقم بقيادة سيارة جديدة مانيوال من قبل
1-هل النقل بين الغيار و الأخر يكون حسب الار بى ام ام حسب السرعة؟
فمثلا انا انقل عند ار بى ام 2.5 كما نصحنى البعد ولكن تكون وقتها السرعة على 50 مثلا عندما انقل من ال3 لل 4
2- هل الكاميرا الخلفية حل مثالى للروئية الخلفية خاصة من الأجناب؟و احسن مكان عنده فين؟
3- هل هناك صيانة 1000 ام انها من 5000؟

و جزاكم الله خيرا

**attosaroka** · 05-02-2010 01:53 PM

بالنسبة لموضوع الغيارات دة فيفضل طول ما العربية لسة فى التليين يعنى معدتش 3000 كيلو يبقى بلاش تقرص على الموتور علشان كدة من المفضل انك تنقل تبع الار بى ام يعنى على 2.5 كدة واخرك 3
بالنسبة لموضوع الصيانة فى الاسكدندرية فى صيانة 1000 فى توكيل العامرية دة غير صيانة 5000 لكن فى القاهرة فى صيانة 5000 فقط ولا يوجد صيانة للالف
بالنسبة لوموضع الكاميرة والحساسات افضل ان حد تانى من الوحوش يفيدك فية لانى معنديش خبرة فية

**chato_eg** · 05-02-2010 02:04 PM

أهلا بك أولا
و إن شاء الله اختيار موفق
تغيير النقلة بيكون حسب ال RPM و ليس السرعة
و التوقيت المثالى لتغيير النقلة بيختلف من سيارة لأخرى و من أسلوب قيادة لآخر
البعض يفضلون النمط الرياضى
البعض يفضل التغيير سريعا و مبكرا ظنا منه أنه " بيريح الموتور " مثل والدى رحمه الله
البعض....و أنا أعتقد أن جمهور المنتدى المتبحر فى السيارات ينتمى لهذه لفئة يعرف كيف أن يشارك السيارة فى معرفة التوقيت المناسب للتغيير و يعلم عندما يغير متأخرا للحصول على قوة اندفاع أعلى أنه يضغط و عندما يغير مبكرا أنه يمعن فى راحة الموتور و طلب الهدوء من صوت المحرك
طبعا أنا مش هأقدر أفتى فى نسب غيارات اللوجان لإنى معايا ميجان أوتوماتيك و فرق الفتيس المانوال من الأوتوماتيك كبير الحقيقة...
لكن أنا متأكد إنك لو انتظرت قليلا فوحوش اللوجان هيجيبوا باستفاضة عن استفسارك

وردت بعض الأقاويل عن ارتفاع شنطة اللوجان مما يعيق الرؤية الخلفية و يصعب موضوع الركن
أولا و أخيرا هى مسألة تعود....
ممكن Parking Sensor
لكن من الأجناب يوجد مرآتين...أعتقد أنهما كافيتين جدا
بالنسبة للصيانات
فهى كل 10 آلاف كيلو ( 10، 20، 30 ألفكيلو )..و يوجد صيانات ( مجانية ) لا يتم تغيير أى شىء فيها ( مجرد اطمئنان على السيارة كخدمة من التوكيل ) بين كل صيانة كبيرة و أخرى ( 5،15،25،35 ألف كيلو )...
لكن لا أعلم على وجه اليقين هل الصيانات المجانية مفروضة على السيارات اللوجان كما هو الحال مع الميجان و الكليو أم لا

**frhateg** · 05-02-2010 02:39 PM

اولا : الف مبروك عليك اللوجان ويديك خيرها ويكفيك شرها .
ثانيا : بالنسبة للغيار فيستحسن في الأف كيلو الأولي متعديش 3000 rbm .
ثالثا : بالنسبة للصيانة فان كنت من اسكندرية فيها صيانة 1000 اما في غيرها فاول صيانة 5000 .
رابعا : بالنسبة للكاميرا الخلفية فيه حساسات بتركب في الخلف ادخل علي اللنك ده http://www.nilemotors.net/Nile/96545-a.html

**zkralla** · 05-02-2010 10:08 PM

المشاركة الأصلية كتبت بواسطة frhateg

اولا : الف مبروك عليك اللوجان ويديك خيرها ويكفيك شرها .
ثانيا : بالنسبة للغيار فيستحسن في الأف كيلو الأولي متعديش 3000 rbm .
ثالثا : بالنسبة للصيانة فان كنت من اسكندرية فيها صيانة 1000 اما في غيرها فاول صيانة 5000 .
رابعا : بالنسبة للكاميرا الخلفية فيه حساسات بتركب في الخلف ادخل علي اللنك ده http://www.nilemotors.net/nile/96545-a.html

+11111
كلام تمام أنا بغير لحد دلوقتى على 2.5 او 3 بالكتير رغم أنى لينت خلاص بس محبش اقرص على الماتور

**bishoy02010** · 05-02-2010 11:15 PM

المشاركة الأصلية كتبت بواسطة khashab

السلام عليكم
اود ان اتوجه بالشكر لكل افراد هذا القسم لكل ما يقدموه من مجهود رائع من اجل نصيحة الغير و المساعدة فقد كنت اتابع هذا المنتدى الرائع منذ فترة من اجل اتخاز قرار شراء سيارة جديدة حتى اكرمنى الله بأختيار جميل و هى اللوجان سيدان
لا انكر حقيقة رفضى الكلى لهذة السيارة من البداية لكن بمجهودكم العظيم و معلوماتكم القيمة اكرمنى الله فى النهاية بشراء هذه السيارة
اعضاء هذا القسم..شكرا لكم
جزاكم الله خيرا فهى بالفعل سيارة جميلة جدا ورأى الشخصى انها تتخطى مبدأ القيمة مقابل المال فهى ققيمة اعلى بالفعل
لست بصدد الدعاية للسيارة لا و اللهى انها من مبدأ النصيحة فقط

اريد ان استفسر من سيادتكم عن السيارة فلم اقم بقيادة سيارة جديدة مانيوال من قبل
1-هل النقل بين الغيار و الأخر يكون حسب الار بى ام ام حسب السرعة؟
فمثلا انا انقل عند ار بى ام 2.5 كما نصحنى البعد ولكن تكون وقتها السرعة على 50 مثلا عندما انقل من ال3 لل 4
2- هل الكاميرا الخلفية حل مثالى للروئية الخلفية خاصة من الأجناب؟و احسن مكان عنده فين؟
3- هل هناك صيانة 1000 ام انها من 5000؟

و جزاكم الله خيرا

اولا الف الف مبروك
1. النقل انقل براحتك لغاية 3.5 ار بى ام واخرك على الخامس 135 :)
2. اه الكاميرا الخلفية حل مثالى للرؤية الخلفية هيا او حساسات الركن على حسب انتة هترتاح فى إيه
3. لو انتة من القاهرة اول صيانة على 5000 كيلو

**أحمد كمال** · 05-02-2010 11:23 PM

ربنا يبارك لك في العربية هي فعلا عربية كويسة جدا

بالنسبة للنقلات ...... بدري جدا انت بتتعب الموتور مش بتريحه عكس الاعتقاد السائد .... و متأخر جدا برضه بتتعبه ....ده بيبقى حسب الموتور عزمه قريب و لا بعيد ..... و عموما بعد فترة بيبقى احساسك بالعربية هو الحاكم للموضوع ده

بالنسبة للصيانات هي كل 5000 كيلومتر باذن الله

**llottfy** · 06-02-2010 12:32 AM

الف مبروك وربنا يديك خيرها ويكفيك شرها

**khashab** · 06-02-2010 02:33 PM

جزاكم الله خيرا
بالفعل اعضاء قسم رينو اثبتوا لى شخصيا من خلال متابعتى لأقسام المنتدى انهم الأفضل-وهذا لا يقلل من الأخريين بالطبع-

للأسف العربية اتخبطت و انا مسافر اسكندرية امبارح بس الحمد لله جسم العربية طلع قوى و لم يخذلنى بلعكس ده فاجئنى ان النتيجة بعد الخبطة هى شوية خدوش نتيجة الخبطة لكن الحمد لله الخبطة ردت فى ساعتها و مسبتش اى اثر
سؤال اخير اذا سمحتم انا لما بجيب المارشدير بحس برجرجة و انا برجع و بضطر احرق على دواسة البنزين سنة عشان الصوت ده يختفى هل ده طبيعى ولا ايه؟