سوال بخصوص العفشه

**moody2002** · 22-12-2007 12:46 AM

انا مره كنت سايق عربيتى الدايو 2000 الشكل القديم واتبطت من الجنب الشمال عند العجل
والحمد لله جت سليمه بس لما ارفع العربيه على الكريك وادور بحس ان فى رفه فى الجعله واسمحع صوت احتكاك بتيل الفرامل ودوران العجله مش على استقامه واحده علشان اعلاج الموضوع ده اغير الطنابير والا ايه واضح ان فى حاجه اتاثرت بالحادث وده بتبان فى السريع اوى

**ahmed1981** · 22-12-2007 01:33 AM

إحتمال الجنط إتعوج
وإحتمال محتاجة تظبيط عفشة وزوايا
وإحتمال محتاجة زرجينة (آخر إحتمال)

**moody2002** · 22-12-2007 01:53 AM

متشكر على ردك بس انا فكيت الكاوتش والطنابر ايضا نفس الوضع وغيرت الكاوتش
والزوايه تمام انا عايز اعرف ايه الجزء اللى بيخلى العجله ترف كده ومتشكر للاخ احمد على الرد

**ahmedezzat78** · 22-12-2007 02:10 PM

رفه العجله لها ثلاث احتمالات:
1- رفه بسيطة ممكن تكون مش ملحوضه اوى بالعين اثناء دوران العجله وده ترصيص
2- رفه ملحوظة اثناء الدوران بسبب انعواج الجنط وانصحك فى الحاله دى تغير الجنط بلاش تصلحه
3- رفه ملحوظه اثناء الدوران بسبب تلف الكاوتش (بلغه الصنايعيه الكاوتش ملووح) وهنا لازم تغير الكاوتش حتى لو لسه جديد وده بيبقى بسبب المطبات الجامده او الكوتش يكون تاريخ انتاجه قديم

اما مشكله الطنابير دى ممكن تعرفها باحساسك برجلك وانت بدوس فرامل دوسه خفيفه لمده طويله فلو الطنابير بايظه حتحس برعشه بسيطة فى دواسه الفرامل تحت رجلك وفى الحاله دى ركب طنابير جديده و بلاش تسمع كلام ميكانيكى وتخرط الطنابير لان النتيجه مش مضمونه وتعتمد على مدى مهارة الخراط