عيوب منصور :
انا مش معاك فى الرأى ده ..
1-مفيش قطع غيار
2-قطع الغيار غاليه و زى ما قلت مش موجوده لو مش عاجبك يقولك هجبهالك "جوى"و انت تدفع تمن الشحن !!
3-المهندسين اولا معتقدين انهم ورثه ادام اوبل مثلا او ابناء الحاج جنرال موتورز ..
و العميل ده اهبل لانه معاه فلوس و جاب عربيه ..
و مش بيفهم حاجه غير انه يدوس بنزين و فرامل اما مشاكل العربيه فهو مش بيفهم فيها حاجه و هما بس الى فاهمين فيها ...
لان اى مشكله حلها عندهم بسيط جدا ..
و الحل هو كلمه واحده "عادى" تقوله فى عجله مش بتمسك فرامل يقول عااااادى بتحصل يا باشا ...
تقوله التكييف بيطلع هوا سخن بس ...
يقولك اديله فرصته يا باشا ...
تقوله السحب زففففففت
يقولك اصلها تقيله يا باشا و ده عااااااادى
و تقوله مفيش قطع غيار ليه يا عم..
يقولك اصل عليها طلب جامد ...
كلامى ده من تجربه 7 عربيات اوبل ...
و لو حد محتاج شرح مفصل لكل مشكله انا مستعد ...
و الى شايف حاجه غلط فى كلامى يقولى
منا راكب اوبل اهو ..
و طالع عينى معاه ...
يبقى المشكله مش مشكله افيو و بس ...
دى مشكله توكيل ...
انا جربت فرع سموحه و العامريه و دفره و اوتو ماستر مركز معتمد ....
و عمى جرب الفرع الرئيسى فى اول الصحراوى ..
و بصراحه مفيش ولا فرع منهم بيفهم حاجه ...
المفضلات