فى حالة انقطاع سير الكاتينة اى النوعين بيتكسر فيهم الصبابات sohc ام dohc
وياترى اية السبب
عرض للطباعة
فى حالة انقطاع سير الكاتينة اى النوعين بيتكسر فيهم الصبابات sohc ام dohc
وياترى اية السبب
الاتنين.
الفرق بينهم ان ال dohc اتنين كامه و غالباً 16 صباب و الsohc كامه واحده و غالباً 8 صباب .
هى الصبابات مبتتكسرش
بتتعوج ( وحسب الظروف برضه بتتوقف شدة العوجه )
والأثنين بيحصل فيهم الكلام ده
طالما أنقطع السير
والسبب
اللخبطه اللى بتحصل فى توقيت فتح وغلق الصبابات (نظرا لأختلاف وضع الكامات على عمود الكامه أو الكامات )
فيه عربيات ممكن سير الكاتينه بتاعها ينقطع و ميحصلش حاجه في الصبابات و لا البساتم.. العربيات دي موتورها اسمه non-interference engine يعني مفيش تداخل بين الصمام و البستم و بالتالي حتى لو السير اتقطع و الصمام فضل مفتوح البستم مش بيطوله فمفيش حاجه بتبوظ.
النواع التاني هيه ال interference engines و دي الصمام و البستم بيتحركو في نقطه مشتركه و اللي بيمنع الاصطدام بينهم هوه ضبط التوقيت. لما سير الكاتينه يتقطع البستم بيخبط الصمام اللي بيفضل مفتوح و بالتالي يسبب ضرر للصمام او/و البستم. و ده حال معظم العربيات.
الطريقه الوحيده لتفادي الموضوع ده الحرص على تغيير سير الكاتينه + البلي و البكر (و في بعض العربيات طرمبة المياه) بانتظام حسب جدول الصيانه و بقطع اصليه.
فعلا واهم حاجة تكون اصلية
غيرت سير الكتينة بكونتنينتال مقروض انه اصلى كان ب 120 جنية وقطع بعد شهرين يعنى اقل من 4 الاف كيلو وفعلا العربية خلفت تقسيمة وعمل كارثة ف الموتور ... دة نتيجة الغش ف قطع الغيار الالمانى بالذات
بس هو ف اغلب العربيات مفروض سير الكتينة يتغير كل كم كيلو ؟؟ وهل لازم تتغير البلية معاه ؟؟؟
فيه عربيات بتغير على ٤٠٠٠٠ و عربيات ٦٠٠٠٠ و عربيات ١٠٠٠٠٠ حسب النوع و الموديل. و المفروض البلي و الشدادات تتغير لانها ممكن تبوظ قبل السير نفسه و تتسبب في قطعه.