المشاركة الأصلية كتبت بواسطة ba7ary
أسباب الإزعاج
- الجرعة بتتاخد محلول وريدي على مرتين كل 12 ساعة لمدة ساعة كل مرة على مدار أسبوعين تقريبا وبعد كده بتقعد فترة متابعة للأمان وبتقلل الجرعة
آثاره الجانبية:
- أنيميا ولخبطة جامدة في بروفايل الدم والكبد والكلى، دوخة، زغللة، سخونية، قيئ، إسهال، تشنجات، هلوسة، ألم في موضع الحقن، وحاجات كتير من البلاوي دي
- الأخطر من ده بيخلي المناعة في الحضيض يعني أي حاجة تانية غير فيروسية ممكن تعمل لخبطة جامدة فلازم تبتعد عن احتمالات حدوث العدوى
- بتحتاج تحاليل دم مستمرة عشان تتابع الأنيميا وحالة الكلى وإنزيمات الكبد
- الانتظام الشديد على الجرعات ومينفعش تفوت واحدة ولازم تكمل الكورس للآخر
- وبرضه عشان لخبطة الصفائح الدموية لازم تبتعد عن أسباب الجروح لأنها ممكن تبقى مشكلة
- بالنسبة للعلاقة الزوجية فبيكون ضروري اتخاذ وقاية من الإنجاب وللعلم برضه هو بيأثر على تكوين الحيوانات المنوية
- الحذر من السواقة إلا بعد ما توصل لحالة تقدر فيها تتحكم كويس وتركز في السواقة والحاجات اللي بتحتاج توافق عضلي عصبي
ده اللي فاكره دلوقتي وهو مش قليل
معلش أنا مش باخوفك أنا عارف إنك حديد،،، بس هو الدواء ده فعلا مزعج وعشان كده الدكتور بيقولك نصبر شوية وده حل آمن وفعال إن شاء الله
ضاقت فلما استحكمت حلقاتها فرجت وكنت أظنها لا تفرج
وكم نازلة يضيق الفتى بها ذرعا وعند الله منها المخرج