الموضوع: استفسارعاجل بشأن شالية فى رأس سدر

السلام عليكم و رحمة الله،

انا عامل الموضوع ده احذر الاخوة الاعضاء من قرية وندرلاند براس سدر


القرية دى انا للأسف حجزت معاها وحدتين بعد ما اتفرجت عليها و عجبتنى مساحتها الكبيرة و اسعارها الرخيصة


و بعد ما حجزت الوحدتين ابتديت اكتشف المصائب اللى فى القرية و هى كالأتى:
1- القرية ليست حديثة و انما بدأ البناء فيها منذ عام 1998 (اكثر من 15 عام) و رغم كده لا تزال تحت الانشاء و لا يوجد بها اى مرافق او لاندسكيب او حمامات سباحة او اى مظاهر اعاشة رغم ان بعض الوحدات تم تسليمها منذ 5 سنوات


2- رغم ان العقد ينص على تسليم الوحدات بعد سنتين من الحجز، بعض الوحدات محجوزة منذ اكثر من 3 سنوات بدون ان يتم بناء طوبة واحدة فيها


3- القرية منذ بدايتها تقوم بتغيير المخطط العام كل فترة كيفما يحلو لها و حتى الأن القرية باعت وحدات على اساس 5 مخططات عامة مختلفة. اخر المخططات كانت ردم احد البحيرات الصناعية و اقامة مبانى مكانها ثم الطامة الكبر بانشاء كبائن للايجار اليومى فى وسط القرية تماماً


4- القرية قامت بالاستيلاء على حدائق لوحدات مباعة لتبنى وحدات مكانها


5- القرية ترفض اى سبيل للحوار ولا تستمع لشكاوى الملاك و تمضى طريقها فى جمع الاموال بأى طريقة على حساب كل الشرائع و الاتفاقات


6- القرية عليها مئات القواضى من الحاجزين و الملاك للاعتداء على الاملاك او عدم الالتزام بالمخطط العام او عدم انشاء مرافق القرية.....الخ


فيه جروب على الفيس بوك عامله الحاجزين فى القرية و هتلاقوا فيه كل التاريخ الاسود للقرية
http://www.facebook.com/groups/323241937706864


انا هدفى من الموضوع ده انى احذر الناس انهم مايتنصبش عليهم زى ما اتنصب عليا و تانى حاجة انى انشر ان الوحدتين M10/5 و M10/6 مملوكيين ليا حتى هذه اللحظة و انى فى مرحلة تقاضى مع الشركة بطالبهم بازالة التعديات المقامة على المخطط اللى اشتريت على اساسه الوحدتين او يردوا ليا كامل المبلغ اللى دفعته


شكراً و بالتوفيق للجميع فى البحث عن العقار المناسب