الموضوع: معدل استهلاك نيو النترا للبنزين ..

المشاركة الأصلية كتبت بواسطة alivara

السلام عليكم
ياريت يا جماعة كل واحد عنده النترا الجديدة يقوللي معدل استهلاك بنزينها كام؟
لأن المعدل عندي وحش جدا : اللتر بيعمل 9.5 او 10 كم بالعافية و انا مستغرب جدا من الحكاية ديه و حاولت اقيسه كتير و بيطلع نفس المعدل ده
على فكرة انا بحط بنزين 92 من اول ما جبت العربية لحد دلوقتي
انا عندي النترا 2009 مانوال
مش عارف السبب من ايه لاني سمعت ان معدلها المفروض احسن من كده كتير
ياريت الالنتراوية يتفاعلوا معانا

فعلا المعدل عندك عالي بس اكيد معظم سواقتك في الزحمة الشديدة مع التكييف في الصيف وممكن تكون بتحرق كتير . او بتمشي على سرعات عالية كتير .

بس عموما اعلى استهلاك بيكون اللي حضرتك ذكرته مع ظروف القيادة الغير طبيعية .

لكن في الظروف الطبيعية بيكون 230 كم / صفيحة ... قيادة مختلطة ( وسط البلد - محور - اكتوبر )
وفي السفر استهلاكها فوق الممتاز ممكن تعمل 650 كم / تفويلة

في كام حاجة ممكن تعملها لضمان سلامة استهلاك البنزين :

1- ضبط ضغط الاطارات على 32 لكل الكاوتشات

2-نظف فلتر الهوا او غيره اذا لزم

3-استخدم زيت شبه تخليقي او تخليقي وبلاش المعدني عشان بيستهلك بنزين زيادة والعربية باردة

4-اي حمولة زايدة في العربية مفيش داعي منها

5- متسخنش العربية وقت كبير في كل الظروف . اقصى مدة دقيقة بالكتيييييير

6-ممكن طريقة حسابك للاستهلاك متكنش دقيقة فحاول تحسبها تاني بدقة .

السلام عليكم

هل الزيت التخليقى دة هو الي بيعد 10 الف كيلو

انا العربية معايا التفويلة بحط 43 ليتر مرة تعمل
520 كيلو
560 كيلو
و مرة عملت 600 كيلو

تقريبا الليتر عندي بيعمل 13.7 كيلو و بمشي شوية في الزحمة و شوية على الدائري

بلاحط انى لما اعمل مشوار طويل على الدائري استهلاك العربية بيكون كويس جداا لبنزين

مرة عملت 100 كيلو و البنزين نزل نصف شرطة فقط بس كان دائري

المشاركة الأصلية كتبت بواسطة dr_abooody

السلام عليكم

هل الزيت التخليقى دة هو الي بيعد 10 الف كيلو

ايوة اللي هو شل الترا او موبيل ون

انا العربية معايا التفويلة بحط 43 ليتر مرة تعمل
520 كيلو
560 كيلو
و مرة عملت 600 كيلو

تقريبا الليتر عندي بيعمل 13.7 كيلو و بمشي شوية في الزحمة و شوية على الدائري

بلاحط انى لما اعمل مشوار طويل على الدائري استهلاك العربية بيكون كويس جداا لبنزين

مرة عملت 100 كيلو و البنزين نزل نصف شرطة فقط بس كان دائري

العربية استهلاكها بيبقى فوق الممتاز في الطرق السريعة بس بشرط متزودش السرعة جامد.

بالنسبة لموضوع التسخين مكتوب في الدليل انتظر 20 ثانية فقط قبل التحرك حتى لو الجو بارد .
فأنا من باب الاحتياط خليتها دقيقة . لان كتر وقت التسخين ملوش لازمة وبيهدر البنزين فقط ( مكتوب كده في الدليل بالنص )

المشاركة الأصلية كتبت بواسطة tarekabosdera

فعلا المعدل عندك عالي بس اكيد معظم سواقتك في الزحمة الشديدة مع التكييف في الصيف وممكن تكون بتحرق كتير . او بتمشي على سرعات عالية كتير .

بس عموما اعلى استهلاك بيكون اللي حضرتك ذكرته مع ظروف القيادة الغير طبيعية .

لكن في الظروف الطبيعية بيكون 230 كم / صفيحة ... قيادة مختلطة ( وسط البلد - محور - اكتوبر )
وفي السفر استهلاكها فوق الممتاز ممكن تعمل 650 كم / تفويلة

في كام حاجة ممكن تعملها لضمان سلامة استهلاك البنزين :

1- ضبط ضغط الاطارات على 32 لكل الكاوتشات

2-نظف فلتر الهوا او غيره اذا لزم

3-استخدم زيت شبه تخليقي او تخليقي وبلاش المعدني عشان بيستهلك بنزين زيادة والعربية باردة

4-اي حمولة زايدة في العربية مفيش داعي منها

5- متسخنش العربية وقت كبير في كل الظروف . اقصى مدة دقيقة بالكتيييييير

6-ممكن طريقة حسابك للاستهلاك متكنش دقيقة فحاول تحسبها تاني بدقة .

انا معظم سواقتي في المدينة و الزحمة يعني دايما العربية بتبقى سرعتها اقل من 80 الا في بعض المناطق اللي فيها طرق مفتوحة بجيب من 100 ل 140 بس ده مش كتير
و مرة سافرت بيها الساحل الشمالي و طول الطريق ماشي على 100 : 140 و المعدل برضه ما اتحسنش
و انا عن نفسي بسخن العربية لحد ما المؤشر ييجي عند بداية التدريج و يبقى مؤشر ال rpm على 0.8 تقريبا يعني بعد 3 دقايق كده
و فيه حاجة كمان ان العربية ما بتمشيش خالص لاني دايما في الكلية و بسيبها مركونة في الشارع يعني تخيل انها عاملة دلوقتي 5300كم بس في 7 شهور تقريبا! و هروح صيانة ال5000 بكرة فمعرفش ده ليه تأثير على استهلاك البنزين و لا لأ
ارجو الافادة و شكرا للاهتمام
معلش ممكن حضرتك تقوللي اقيسه بدقة ازاي؟
و انا بحط في الصيانة زيت توتال 5000كم معرفش بقى يعني ايه معدني و تخليقي فمش عارف حضرتك تقصد ايه و اعرف ازاي؟

المشاركة الأصلية كتبت بواسطة alivara

انا معظم سواقتي في المدينة و الزحمة يعني دايما العربية بتبقى سرعتها اقل من 80 الا في بعض المناطق اللي فيها طرق مفتوحة بجيب من 100 ل 140 بس ده مش كتير
و مرة سافرت بيها الساحل الشمالي و طول الطريق ماشي على 100 : 140 و المعدل برضه ما اتحسنش
و انا عن نفسي بسخن العربية لحد ما المؤشر ييجي عند بداية التدريج و يبقى مؤشر ال rpm على 0.8 تقريبا يعني بعد 3 دقايق كده

قلنا بلاش موضوع التسخين الكتير ده لانه ما هو مذكور في الدليل انه بيهدر البنزين . وبرضه متحرقش جامد يعني فوق ال 4rpm كتير .

و فيه حاجة كمان ان العربية ما بتمشيش خالص لاني دايما في الكلية و بسيبها مركونة في الشارع يعني تخيل انها عاملة دلوقتي 5300كم بس في 7 شهور تقريبا! و هروح صيانة ال5000 بكرة فمعرفش ده ليه تأثير على استهلاك البنزين و لا لأ

اعتقد ملوش دعوة وعموما لما تروح الصيانة ضروري قلهم على الموضوع ده بس بعد ماتحسب الاستهلاك بطريقة دقيقة

ارجو الافادة و شكرا للاهتمام
معلش ممكن حضرتك تقوللي اقيسه بدقة ازاي؟
و انا بحط في الصيانة زيت توتال 5000كم معرفش بقى يعني ايه معدني و تخليقي فمش عارف حضرتك تقصد ايه و اعرف ازاي؟

بالنسبة لقياس استهلاك البنزين في طريقتين :
1- انك تفول العربية على الاخر وتصفر العداد وتمشي مثلا لحد 100 كم وبعدين تروح تفول تاني على الاخر وتشوف العربية اخدت كام لتر يبقى ده استهلاك ال 100 كم .
وتقسم عدد الكيلو مترات على عدد اللترات هيطلعلك المسافة المقطوعة لكل لتر .
والطريقة ده دقيقة .
2- خلص البنزين اللي في العربية لحد ما لمبة البنزين تنور . واول ما تنور روح البنزينة حط اي كمية وليكن 20 لتر وصفر العداد واستهلك البنزين ده برضه لحد ما اللمبة تنور تاني وشوف العداد عمل كام كيلو وبرضه قسم عدد الكيلو مترات / 20 لتر . هيطلعلك المسافة المقطوعة لكل لتر .

بالنسبة للزيت . الزيت اللي انت بتحطه ده معدني ومش مفضل للعربيات الجديدة وتوتال مش مفضل لهيونداي اصلا لان هيونداي بتوصي بزيوت شل
المهم المرة الجاية غير لنوع شبه تخليقي اسمه شل hx7 الازرق وده ال 4 لتر ب 160 جنيه وده ممتاز . وبيقعد 7000 كم
وفي نوع اعلى اللي هو تخليقي : شل الترا الرمادي بيقعد 10000 كم وتمن ال 4 لتر ب 230 جنيه تقريبا . وده مواصافاته اعلى ومبيحتجش غير ثواني معدودة للتسخين في البرودة الشديدة .
ومتنساش ضغط الاطارات .