عرض للطباعة
أنا جالى من ثلاثة أيام كوبون Google Adwords للإعلانات بقيمة 550 جنيه وعاوز أبيعه ، وأنا بصراحة ماليش فى حكاية الإعلانات دى ، وأنا محتفظ بالكوبون عندى (( وفيه الرقم المسلسل بتاعه )) وأنا كمان لسة مشغلتوش ، يعنى الحساب كامل إن شاء الله .
أنا شايف إنه فرصة لأى حد عاوز يعمل إعلانات للشركة بتاعته على النت بطريقة يقدر عن طريقها يتحكم فى ميزانية الإعلانات اليومية زى ما الناس شرحوا لى .
وشكراً
أنا النهاردة اكتشفت حاجة جميلة قوى
أنا عملت إميل على جوجل علشان اعرف اعمل حساب على جوجل أدووردس علشان بيشترط إن اسم المستخدم لازم يكون إميل Gmail وبعد ماتعمل الحساب على جوجل أدووردس تقدر تحدد الميزانية اليومية بتاعة الإعلانات واكتشفت كمان إن الحد الأدنى للكليك على الإعلان حوالى 0.06 من الجنيه يعنى حوالى 6 قرش وكمان (الألف ظهور ) بحوالى جنيه ونصف بس ده بيتحدد حسب الموقع اللى الإعلان ظهر فيه ، وكمان علشان تنشط الحساب التكلفة بتبقى حوالى 40 جنيه وأنا مستعد إنى أحملهم على الكوبون وأخليه بــــ 510 جنيه فقط
وأنا شايف إنه كده بقى فرصة
ولو حد عاوز يشتريه أنا موجود
وبارك الله لكم
يعنى ما فيش حد عاوز يشترى ؟؟؟
بالتوفيق فى البيع انشاء الله
متتعبش نفسك
الكوبون ده اتبعت لملايين الناس وفي كتير جداُ في مصر
وفكرة البيع مبقتش مجدية لانه اصلاً مجاني - انا عن نفسي اديته لواحد صحبي عنده شركة صغيرة علشان يستفيد بيه في التسويق
تقبل تحياتي
الكوبون ده قصته كالآتي :
انا اصلا عندي موقع وعندي حساب على جوجل ادوردز للاعلان عن الموقع انما سايبه من زمان
لما جالي الكوبون ده قلت استفيد منه لقيت ان الحسابات القديمة على جوجل ادوردز لايمكن ان تستفيد من الكوبونات دي انما لازم يبقى حساب جديد لم يمر على فتحه 14 يوم
قلت بسيطة عملت حساب جديد بايميل جديد على جوجل ادوردز
طيب عايز ادخل كود الكوبون ، الواد جوجل مش اهبل ده حدق قوي مش كل واحد جاه له كوبون هيعمل به حساب مجاني في مجاني كده
قال لك لازم تدفع من كارت الفيزا بتاعك 80 جنيه (منهم 40 ضايعين مقابل الحساب الجديد في جوجل ادوردز) وبعد ما يخصم ال 80 جنيه من حسابك ممكن تضيف الـ 550 جنيه بتوع الكوبون وتبدأ تشتغل
انا عملت كده فعلا
الكوميدي ان شريكي في الموقع جاه لك كوبون
اخدت الرقم علشان ادخله على الحساب الجديد (يعني مش قديم ولم يمر عليه 14 يوم حسب شروط جوجل) قال لك لأ يا باشا جوجل برضه احدق منك ، لك كوبون دعائي واحد فقط
يعني من الآخر اللي عايز يستفيد من الكوبون ده لازم يحط عليه 80 جنيه من كارت فيزا ويصبح المبلغ المستفاد منه 550 + 80 - 40 = 590 جنيه ، علما بأن غالبا محدش هيضغط على اعلانات تكون تكلفة الحملة اليومية فيها اقل من 15 جنيه في اليوم ، يعني الفلوس هتطير بسرعة جدا
اخيرا اقول ان فيه فعلا ناس كتير جدا جاه لها الكوبونات دي وكتير منهم اعلن عن بيعها بمبالغ غريبة جدا تبدأ من 500 جنيه ونازل حتى 25 جنيه للكوبون الواحد وبالبحث على النت هتلاقي الاعلانات دي
ملاحظة هامة : الكوبون مكتوب عليه ان بعد 28 فبراير هتقل قيمته من 550 جنيه الى 400 جنيه
ودي كانت قصة كوبونات جوجل الدعائية
اقتباس:
المشاركة الأصلية كتبت بواسطة MAZMAZ
جزاك الله خيراً
اقتباس:
المشاركة الأصلية كتبت بواسطة eng. Rafy samy
فكرة البيع مبقتش مجدية فعلاً
اقتباس:
المشاركة الأصلية كتبت بواسطة مصراوي جدا
نورت الموضوع يا بمشهندس طارق ، أنا سعيد للغاية بمشاركة حضرتك
أنا بصراحة مكنتش عارف أعمل إيه بالكوبون ، علشان كده أنا كنت عارضه للبيع ، وكلام حضرتك سليم 100% لإن جوجل مش هيوزع الكوبونات دى كده وخلاص ، وبالنسبة لميعاد الكوبون أنا أخدت بالى فعلاً من التاريخ بتاعه وإنه من أول مارس قيمته هتبقى 400 جنيه
وشكراً جزيلاً لحضرتك