اشتريت أوبل كورسا سيدان..ممكن أنضم للعصابة؟
السلام عليكم
أنا كنت متابع المنتدى بتاعكم و أنا معايا سوزوكى سويفت و بصراحة شجعتونى انى اشترى أوبل مع ان كان فى ناس كتير معارضانى عشان قطع الغيار و سعر اعادة البيع و كدة.
المهم هى جت بظروفها بعد ما بعت السوزوكي واحد قال لى فى عربية لانوس للبيع عاملة 20,000 كيلو قلت له ماشى أروح اشوفها المهم كلمني قالى هم مش هيبيعوا اللانوس دلوقتى بس عندهم أوبل كورسا سيدان للبيع قلت له 100 100 .. المهم رحت اتفرجت عليها أول ما فتحت الباب حسيت بفرق شاسع.. تحس بجودة الخامات عن العربيات الكورى فعلا.. كنت رايح بعربية أخويا السيفيا.. برفع كبود الأوبل لقيتة أتقل بكتير من كبود السيفيا مع ان كبود السيفيا أده مرتين تقريبا..العربية فابريكة بالكامل موديل 2004 عاملة 68,000 كيلو..صاحبها راكنها من فترة عشان جاب جيتا..حتى رخصتها لسة خلصانة .. جربتها و عجبتنى و الحمد لله اشتريتها.
عندى بس علامة الأوبل اللى ورا و الأريال اتسرقوا من صاحبها ممكن أجيب الحاجات دى منين؟ و ايه اللى المفروض أعمله دلوقتى؟ أروح التوكيل ولا ايه؟
ممكن أنضم بيها للعصابة ولا صغيرة؟ :thinking: