عايز اركب زينون للفوجات وخايف

**mastr_n** · 08-02-2010 11:54 AM

واللة يا رجالة بجد عايز اركب زينون للفوجات بس مش مهم العالى ولا الواطى بس خايف من الكلام الى سمعتة انة لما تركب الزينون الكاسيت يقلب لوحدة والكلاكس ما يضربش والكلام دة
ممكن اى حد معاة نيو سيراتو بس يكون معاة خليجى زى حالاتى كدة وركب الزينون للفوجات ينصحنى اركب اية ونوع الزينون والمبة والكلام دة؟

**Mshawky** · 08-02-2010 01:13 PM

متابع معاك لانى نفس الكلام

**Beeso** · 08-02-2010 01:33 PM

وانا معاكم :)

**mastr_n** · 08-02-2010 02:48 PM

واللة يا رجالة واضح ان الموضوع مهم بس مش عارف ماحدش عايز يخش يفيدنا
ولة شكلة سر كبير
ربنا يبعت

**Amr A.salam** · 08-02-2010 08:54 PM

المشاركة الأصلية كتبت بواسطة mastr_n

بس خايف من الكلام الى سمعتة انة لما تركب الزينون الكاسيت يقلب لوحدة والكلاكس ما يضربش والكلام دة
ممكن اى حد معاة نيو سيراتو بس يكون معاة خليجى زى حالاتى كدة وركب الزينون للفوجات ينصحنى اركب اية ونوع الزينون والمبة والكلام دة؟

أولاً الكلام اللي أنت سمعته صحيح

أنا معايا سيراتو خليجي زي حالاتك وركبت زينون في الفوجات وفي النور الواطي

النتيجة:

1-شكل جميل .....(يا فرحتي)

2-اضاءة مش قوية أوي زي ما كنت متوقع نظراً لشكل الكشاف اللي بيشتت الاضاءة جداً ...يعني من الاخر اللي هيركب زينون في النور الواطي ما عملش أي حاجة غير أنه خلى الاضاءة لونها أبيض

3-اضاءة الفوجات قوية جداً (أقوي من الفوجات الأصلية بمراحل....ولكنها بتبقى ضاربة في الأرض فمش كفاية انك تمشي بيها بس من غير ما تشغل النور الواطي)

4-كل دة مش مهم....المهم هو أني لما بشغل النور الواطي أو الفوجات وأكون حاطط فلاشة ...الفلاشة بتفصل وترجع من الأول

وتقريباً دة لأن الزينون بيستهلك كهرباء كتير جداً أول ما بتشغله (يعني بيسحب أمبير عالي) فدة بيخلي اليو اس بي يفصل ويبدأ من الأول

ملحوظة: لو مشغل الراديو وشغلت الزينون والفوجات مش هيحصل حاجة خالص (يعني الصوت مش بيقطع مثلاً)

الخلاصة : أنا لو رجع بيا الزمن مش هركب زينون في النيو سيراتو.....وبفكر لما أزهق أروح أركب اللمبات القديمة تاني واستعوض ربنا في ال750 جندي اللي دفعتهم...

**xShadow** · 09-02-2010 02:07 AM

المشاركة الأصلية كتبت بواسطة Amr A.salam

أولاً الكلام اللي أنت سمعته صحيح

أنا معايا سيراتو خليجي زي حالاتك وركبت زينون في الفوجات وفي النور الواطي

النتيجة:

1-شكل جميل .....(يا فرحتي)

2-اضاءة مش قوية أوي زي ما كنت متوقع نظراً لشكل الكشاف اللي بيشتت الاضاءة جداً ...يعني من الاخر اللي هيركب زينون في النور الواطي ما عملش أي حاجة غير أنه خلى الاضاءة لونها أبيض

3-اضاءة الفوجات قوية جداً (أقوي من الفوجات الأصلية بمراحل....ولكنها بتبقى ضاربة في الأرض فمش كفاية انك تمشي بيها بس من غير ما تشغل النور الواطي)

4-كل دة مش مهم....المهم هو أني لما بشغل النور الواطي أو الفوجات وأكون حاطط فلاشة ...الفلاشة بتفصل وترجع من الأول

وتقريباً دة لأن الزينون بيستهلك كهرباء كتير جداً أول ما بتشغله (يعني بيسحب أمبير عالي) فدة بيخلي اليو اس بي يفصل ويبدأ من الأول

ملحوظة: لو مشغل الراديو وشغلت الزينون والفوجات مش هيحصل حاجة خالص (يعني الصوت مش بيقطع مثلاً)

الخلاصة : أنا لو رجع بيا الزمن مش هركب زينون في النيو سيراتو.....وبفكر لما أزهق أروح أركب اللمبات القديمة تاني واستعوض ربنا في ال750 جندي اللي دفعتهم...

يعني مفيش أمل ؟ أي نوع تاني ممكن يفرق أو أي حاجة ؟

ملحوظة: إنت ركبت نور واطي زائد فوجات ب-٧٥٠ بس ؟

**ahmedhussein85** · 09-02-2010 11:47 AM

انا برضو عندي نفس المشكلة يا جماعة الفلاشة بتفصل لما اشغل الزينون
عيب قوي والله دي محصلتش معايا في الاسبيرانزا.
بالمناسبة انا معايا سيراتو وكيل
ياريت الي يعرف حل للموضوع دا يفيدنا

**mastr_n** · 09-02-2010 12:38 PM

يارجالة نفسى واحد يدخل يشارك ويقول انا ركبت زينون وماعنديش مشاكل خالص
واحنا نبوس ايدة ويقولنا مين الكهربائى الى ايدة تتلف فى شكرتون وركبهولة:10d5c8~1107:

وبعدين الغرض من الموضوع دة نعرف ان مشاكل الزينون فى السيراتو فردية ولا بشكل جماعى واعتقد ان احنا هنا فى القسم كعدد ملاك عددنا مش قليل

ياريت الكل ويدخل ويشارك:10d5c8~1107::b4_033:

**medoxmedox** · 09-02-2010 12:47 PM

يا ريت يا جماعه ترفعولنا صور السيراتو و الزينون شغال
عاوزين نشوف شطكلها بالزينون جامد واللاايه
انا كنت بفكر اركب رينجات و زينون في الفوجات بردو

**Atrees** · 09-02-2010 12:54 PM

بلاش احسن - الزينون اصلا ممنوع مروريا ودي كفاية - وبعدين نور العربية اصلا زي الفل - يعني الموضوع شكل بس - متهيالي ان مشاكلة اكتر من فوائدة فبلاش احسن

فعلا كهربا العربية مظبوطة علي الشعرة ودي حاجة كويسة - فروق الاحمال ممكن تعمل مشاكل اكتر من الفلاشة لا قدر الله

معلومة مهمة - الطول الموجي للون الاصفر الكثر من الطول الموجي للون الابيض وبي كدة اللون الاصفر يدي اضاءة احسن ولمسافة اطول من الزينون - كل بلاد العالم بتحط شبورة اصفر عشان الضباب - سيبك من حركات الزينون دا - الزينون لو مش زي المرسيدس والب ام يبقي مالوش لازمة