المشاركة الأصلية كتبت بواسطة hosam_optrawy
ماهو انا قصدى ان مينفعش احط فلوسى فى عربيه بناء على عامل واحد فقط
يعنى مثلا
نفترض ان اشتريت عربيه بناء على عامل السعر المناسب
بس لما اجى ابيعها الاقى سعرها اتخسف فى الأرض
او اشتريت عربيه بسعر مناسب
ولقيت ان مصاريفها وقطع غيارها نار يبقى كانى موفرتش حاجه
ولو اشتريت عربيه اعادة بيعها حلوه
بس مفيهاش اى ميزه ولا موتور ولا شكل ولا راحه ولا امان ولا اوبشنز
نفس الموضوع لو اشتريت عربيه عوامل امان بس او عشان المانى بس
طب والباقى راح فين ؟
عموما انا ممكن اقوللك ايه اهمية كل عامل بالنسبه لى عشان ابقى قولت اى رد مفيد فى الموضوع دا :)
بلد التصنيع : اى حاجه غير مصر والصين
عوامل الأمان : مش شرط اساسى
الشكل والتصميم : مهم جدا
الكماليات والتكنولوجيا : الكماليات الاساسيه هى المهمه الرفاهيه ماتفرقش معايا
سعر اعادة بيع : اهم حاجه
سعر الشراء : مهم جدا
حجم السياره : مهم
قدرة التحمل وعمر الاستخدام : مهم بس مش اوى لان أخرى مع العربيه 5 سنين
قوة المحرك وقدرات التسارع : مهم مش عشان الجرى والشد لا عشان العربيه تبقى مرتاحه مع التكييف والتحميل
سهولة الصيانه وتافر قطع الغيار واسعارها : مهمه جدا