بصراحه نفسي في عربيه فيها جميع المزايا دية بس لو وجدت هاتبقي غاليه جدا
بصراحه نفسي في عربيه فيها جميع المزايا دية بس لو وجدت هاتبقي غاليه جدا
أنا شايف إن سعر إعادة البيع بيعبر عن حاجات كتير ومنها
الإعتمادية : العربية اللى الاعتمادية فيها كبيرة سعر إعادة بيعها السوق بيعبر عنه .
الصيانة : العربية اللى قطع الغيار بتاعتها متوفرة وصيانتها سهلة سعر إعادة بيعها السوق بيعبر عنه .
الثبات : ودى بقه بتختلف من شخص للتانى فيه ناس بتفضل سيارات يابانية معينة مثل السوبارو وهوندا ، وفيه ناس تانية بتفضل السيارات الألمانية واحنا كلنا عارفينها من مرسيدس وانت نازل .
بلد التصنيع :العربيات الصينى طبعاً دى تعتبر صناديق لنقل الموتى مقارنة بالسيارات اليابانية والألمانية
وباقى العناصر طبعاً زى قدرة التحمل وحجم السيارة
أنا شايف إن سعر إعادة البيع بيقدر يعبر عن الحاجات دى كلها ، وبعدين إحنا شوفنا عربيات خسرت بالثلاثين ألف جنيه فى ظرف سنة أو أقل ، والفلوس دى إحنا مش لاقينها .
علشان كده أنا اخترت سعر إعادة البيع
انا اختلف معاك شويه ..
لان اعاده البيع ملهاش علاقه بأعتماديه العربيه ...
و هقولك مثال ...
العربيات الالمانى و الفرنساوى عموما بتخسر خساره كبيره جدا ..و سعر اعاده بيعها وحش جدا ...
مع انها من اكثر العربيات تحملا و جوده و اعتماديه ..
و مثال بسيط ...
اوبل فيكترا 2008 ...
المانى 100% و اداء و قوه و تحميل و ثبات و اعتماديه ..
كل ده موجود فيها بشكل ممتاز ..
و لكن سعر اعاده بيع فى الارض !!!!
اعتقد ان النسبه اللى بتخسرها فى اعاده البيع لاى عربيه واحده من 30 -35 % بمعنى اخر
ميسوبيشى لانسر 1600 ب 110 الف هتتباع ب 80 الف
صانى ب 100 الف تتباع ب 70 الف
باسات p1 ب 220 الف تتباع ب 150 الف
فيكترا ب 180 الف تتباع ب 130 الف
طبعا انا مش خبير فى بيع و شراء العربيات و الاسعار دى انا بسمعها من اصدقائى
وده مثل لل بيقول ان سعر اعاده البيع عالى او منخفض لبعض الموديلات
كل العوامل مهمة ومطلوبة ومكملة لبعضها طبعا بس اهمها بالنسبة لى سهولة الصيانة وتوفر قطع الغيار واسعارها
الامان...لان ظفر الانسان لا يقدر بمال
بس العربيات الفرنساوى قطع غيارها غالية ، زى الميجان مثلاً ، علشان كده سعر إعادة البيع لها مش قوى