مصراوى ينشر قائمة الأدوية التي قررت الصحة تخفيض أسعار اعتباراً من أول مايو
طبعا انا متأكد ان حبايبنا في شركات الأدوية هيقللوا المادة الفعالة اكتر و اكتر ما هي قليلة اصلا عشان يحافظوا عالمكاسب !
عرض للطباعة
مصراوى ينشر قائمة الأدوية التي قررت الصحة تخفيض أسعار اعتباراً من أول مايو
طبعا انا متأكد ان حبايبنا في شركات الأدوية هيقللوا المادة الفعالة اكتر و اكتر ما هي قليلة اصلا عشان يحافظوا عالمكاسب !
المشكلة هنا
إن تقريبا صنف أو صنفين ..بالكتير 3 أصناف
هما إلي ماشيين فيهم
وباقي الأدويــــــة ..مش من الأدويه الأكثر تداولاً
يعني - تقريبا - المستفيدين من التخفيضات دي قليلين جدا جدا
يعني
ملهاش لزمة
.
انا قريت الليستة كلها ادوية كانت فعلا غالية اكتر من تكلفة انتاجها
لكن عشان معظم الادوية اللى فى الليستة تعتبر الشركو اللى بتنتجها هى اول شركة تتوصل لبراءة اختراعها او اكتشافها لكن بعد عدد معين من السنين بيتفك الحظر على انتاج المادة ديه من الشركات التانبية وبتبدا تعمل نفس الدوا باسم تجارى مختلف
انا مع القرار ده عشان السبب اللى كان تمن الادوية ديه مرتفع عشان خلاص خلص اكيد فى فترة احتكارهم للدوا لموا تمن الابحاث اللى صرفهوا عليه و زيادة عشرميت خمسميت مرة كمان
و الموضوع تحول بلعب بجهل المريض اللى اصبح بين دكتور ( طبيب) لازم يحقق تارجت معين من الدوا ده فى الروشتات اللى بيكتبها عشان الهدايا و التربيطات مع شركات الدوا و شركة الدوا اللى بتخلى سعر الدوا فى السما بحيث انك تقلق تجيب نفس الدوا ( المادة الفعالة ) باسم تجارى مختلف رخيص
انا مع القرار ده شكلا و موضوعا
و لو انه جاى بخسارة عليا كنت جايب شوية استوك من الترايتاس بس مش مشكلة
ان شاء اللله يخلص عقبال اول خمسة
على سيرة تحقيق التارجت
كان دكتور كتب لي ليفانوكس ..... فضلت تعيان رحت لدكتور تاني كتب لي تافانيك ...... و قال لي وقف الليفانوكس عشان التافانيك احسن طلع الاتنين نفس المادة الفعالة نياااااااااهاهاهاهاهاهاها هاها
عموما برضه متقلقش من موضوع تقليل المادة الفاعلة معظم الشركات اللى فى الليست عندها اقوى اقسام الكوالتى كونتروال و الكوالتى اشورنس و عندها معايير معينة مش حتقدرحتى تلعب فيها
الدور و الباقى على الشراكات الحكومية اللى اللعب فيها بيبقى للركب
كان عندى بحث فى الجامعة مقارنة بين كذا شركة دوا لنفس المادة الفعالة
و النسب المسموح بيها اقاصاك 95% : 105%
معظم الشركات الاجنبية و الخاصة كانت بتبقى نسب قريبة من النسب ديه
تييجى بقى على شركة زى النصر و لا العامرية الاقى النسبة تبقى 70% و الله لاقيت فى شركة قبل كده النسبة 40% و كان فى دوا لشركة مصر
يعنى سارقين ييجى 60 % من المادة الفعالة الى المفروض يبعهالك
طبعا دول نسبة كبيرة من الدكاترة
بس ده لا يمنع ان فى نسبة لا يستهان بيها برضه عندها ضمير بس اكيد حتلاقى يه مصدر دخل تانى غير العيادة استاذ فى كلية الطب مثلا و بيدى كورسات العيادة شعبية و بيجيلى ناس كتير و هو بيستحرم
برضه ساعت بيبقى على حسب ما يشوف الحالة المادية للى داخل له لو على قدحاله يديلة البديل الرخيص و الحجاجت الضرورية لو لقيه مستريح يرزعل الروشتة المحترمة اللى تعدى ورقة المية مستريحة
و خلى بالك برضه احنا شعب بيحب يضحك عليه
يعنى يخش لى ناس فى الصيدلية بيبقوا و الله خريجين جامعات و كليات محترمة المفروض بيبقى فاهم و اقوله ده هو ده بس ده سعره حنين و التانى مش موجود و متدورش عليه ناقص فى السوق كله و ده راسه و الف جزمة ان لازم يلاقى التانى اسيبه يدوخ السبع دوخات
و برضه احنا شعب بيحس ان الدكتور الكويس بيكتب دوا غالى
و الدكتور التعبان بيكتب دوا رخيص
مفيش احلى من فتاكة المصريين
على رأي مندوبين الأدويه
" سبوبة ودايرة يا دكتور "
وعلى فكرة
إنتى أكيد تقصد لي فلوكس ..مش ليفانوكس
لي فلوكس : إنتاج شركة الفرعونية
تافانيك : إنتاج شركة أفينتس
.............الدكتور هنا ممكن يكون عنده حق.................
أقولك ليه
علشان الشركتين المنتجتين
واحدة مصرية ــــــــــ الفرعونيه
والتانيه أجنبيه ــــــــــــــ أفينتس (بترخيص من الشركة الأم الفرنسية)
ودايما المنتج الأجنبي بيكون أكثر كفاءة ...على حد تفكير البعض
وهوا فعلا ساعات بيكون كده
وممكن أديك أمثله كتير لو تحب
أقربها البانادول ..إلي هوا أخو الكونجستال
كلام زي الفل
وبتحصل معايا كتير...والناس أساسا بتحب تتعب نفسها والله العظيم
وساعات بتحس إن الناس بتتغابى
يعني مثلا
جت ليا روشتة فيها
أسيتيل سيستايين .فوار
سوليد . قرص
ميكوسين . شراب
ابيدروكسيل 500 .كبسول
كلها كانت موجوده ..ماعدا الـ ابيدروكسيل 500
طلعت مكانه الـ بايودروكسيل 500
البنت -والله أعلم - كان عندها حساسيه من السوليد
رجعوا للدكتور
قالهم: "الــ $%$%%^ إلي صرف ليكم الدوا ده ..صرفه غلط ..وكان هيموت بنتكم"
تخيلوا بقا يومها إيه إلي حصل..زعيق وخناقات وقلة أدب
وتحاول تفهم الناااااااااااااااااااااا س
ولا حياة لمن تنادي......يومها كرهت الدكاترة البشريين جدا جدا
.
هو في حاجه سعرها بينزل غير البني ادم
انا بقى لما ببقى رايق و قاعد فاضى
و يجيلى حد كده
اروح ضارب اسفين بين العيان و الدكتور
افاهمه الفوله و اقوله ليه الدكتور بيصمم على نوع معين
و بعد كده
اقوله اتصل بالدكتور بتاعك قوله مش لاقى ده و مفيش غير ده
و متقلوش ان انا فى الصيدلية
و افهم الراجل و اوريله لو كان متعلم على الاندكس ان الاتنين نفس المادة الفعالة بالظبط
و اخليه يسال الدكتور يقوله مش الاتنين نفس المادة , الدكتور يقوله لا طبعا
اقوله مش قلتلك
ده مصمم انك تشترى التانى و بيخوفك وخلاص
بس ساعات برضه بيتغابى و يبقى ماشى زى الاعمى ورا كلام الدكتور من غير ما يحاول يفهم او يفتح عينيةه
خبر كويس تخفيض اسعار الدوا ده
معظم الادوية المخفضة مهمة لشريحة امراضها صعبة
عافاكم الله ومتعكم بصحتكم
بس عايز اعرف من اخوانا الصيادلة الزاناكس متوافر في الصيدليات عموما ولا قليل؟ وايه وضعو في الجدول ؟
اصل في دول الخليج بيحترموه جداً
الدكتور اللي قالهم كده اكيد غلطان بتصرفو دهاقتباس:
رجعوا للدكتور
قالهم: "الــ $%$%%^ إلي صرف ليكم الدوا ده ..صرفه غلط ..وكان هيموت بنتكم"
لازم يكون في حد ادنى من اخلاق المهنة
ونصيحتي ليك علشان تتفادى المواقف دي اتصل بالدكتور وبلغة بامكانية اعطاء البديل والموضوع يخلص في دقيقتين بس وخلي دايما كونكشن بينك وبين الدكاترة البشريين اللي قريبين منك
يارب يكون يوميها بس يا احمد باشااقتباس:
يومها كرهت الدكاترة البشريين جدا جدا
يا جماعة ده سلوك طبيعي للمريض لازم نحترمواقتباس:
بس ساعات برضه بيتغابى و يبقى ماشى زى الاعمى ورا كلام الدكتور من غير ما يحاول يفهم او يفتح عينيةه
العيان معذور دايما ومش حكاية انوغبي ومش فاهم
انا مرة دكتور ابن حلال اداني مضاد حيوي عندي حساسية منه (و انا كنت قايل له عالحساسية .... من ساعتها و انا بادقق في المادة الفعالة جدا) .... و مش allergy ..... لأ hypersensitive على حق ربنا !
المهم قال لي تاخده على غيار ريق
صحيت تاني يوم و اخدته
شوية الهرش اشتغل
شوية و هلت روايح ال anaphylaxis
جريت عالصيدلية قلت لهم الحقووووووووني
ادوني كذا حقنة Solu Cortef
و ربنا ستر
عارفين اما قلت للدكتور بعد كده قال لي ايه؟
و ازاي تروح للصيدلية يفتوا و يدوك اي حاجة من دماغهم؟؟؟؟؟؟؟؟؟؟؟؟؟
لا بروح *&^ كنت اموت احسن !
الدكاترة البشريين دايما لازم يرموا الغلط على الصيدلي
ساعات بحس إن الأطباء بيكتبوا بخط وحش ..علشان لو حد تعب
يقول :" النوع ده أنا مش كاتبه في الروشته "
.
الموضوع هنا في ( أم الدنيا ) ..سمك لبن تمر هندي
بدون رقيب أو حسيب
ياريت يكون دور الطبيب إنه يشخص ..ويسيب موضوع الدوا للصيدلي
المشكلة ان فيه دكاترة كتيييييييير في مصر شغالين الله ينور بال Empiric Medicine
و النتيجة ان مفيش تشخيص اصلا
انا بقالي 12 يوم عندي حمى ..... كل اللي شافوني اول اسبوع كانوا عمالين يكتبوا في مضادات حيوية و يزودوا فيها ....... يا جدعان انا اتهريت ....... زيثروماكس و تافانيك و روسيفين و سيبروباي و كله مع بعضه ..... و في الاخر حمى فيروسية الله يخرب بيت الشياطين ! ........ بعد اسبوع ابتدينا بقى التحاليل و السونار و اللذي منه ...... طب ماكان من الاول !!!!!!
ده أساسي في الطبيب المصري
الكام نوع إلي عارفهم ..وغيرهم مايعرفش خااااااااااالص
وده على إيدي
لما تدخل عليا روشتة( مثلا ) لونها أزرق
أعرف إنها بتاعة الدكتور ( فــلان ) ..على طـــــــــــــــووول
لي فلوكس250
ابيمول قرص أو شراب
ابيكوسيليين حقن
ميكوفيللين شراب
....................وبس
لكل المرضى ولأي حالة تجيله , يكتب الأصناف دي
.
:U_thin1[1]:
دكتور أحمد زعل مني أهه
حواركم يدل فعلا ان مشكلة مصر في ضعف ضمير بعض الدكاترة و الصيادلة
هو الصح اللي فهمته من دكتور محترم نتعالج عنده من فترة كبيرة ان دور الدكتور التشخيص و كتابة المادة العلاجية الفعالة و دور الصيدلي انه يحدد نوع الدوا المناسب للمريض مع انه يتأكد عدم تعارض الدواء مع ادوية اخري بيتعاطاها المريض او حساسية
زي ما الدكتور بيحاول يكتب ادوية لشركات متعاقد معاها في صيادلة الصيدلي بردوا يقولك انا عندي بديل للدوا دا و التاني من موجود عشان يخلص الدوا اللي عنده خصوصا ان لما تقارن المحاذير او اعراض الجانبية للدوايين بتلاقي ان في واحد اقل من واحد
كل كلامك سليم تمام ما عدااخر نقطة فقط ما يقال عليه بديل فى عالم الصيدلة هو نفس المادة الكيميائية مع اختلاف الشركة المعبأة لهاو المصنعه لكن تتطابق المادة الكيمائية فى جميع خواصخا من دواء لاخر
و فعلا الصيدليات كلها بتعمل كده بيبقى عندها اصناف راكدة تاريخ صلاحيتها باقى عليه تلات شهور و اربع شهور و بيحاوله يصرافهوا على قد ما يقدروا خصوصا ان ذلك لن يضر المريض باى حال من الاحوال
و لان فى الاول و فى الاخر الصيدلية مشروع تجارى يقوم على راس مال و له حسابات المكسب والخسارة و المصاريف الخاصة به من عمال الى كهرباء الى تليفونات و ضرايب و فى فواتير من شركات يعنى حتى لو الصيدلى حب يضحك على الضرايب حيبقى فى اضيق الحدود و مش حيعرف يغلبهم و خلافه
الصيدلى بيقدم سلعة له فيها هامش ربح على عكس الدكتور اللى بيقدم خدمة و باخد امامها مقابل خالص له تماما و الضراي بمبتعرفش تثبت عليه حاجه
المهم
:ma::ma::ma:
انا نقت نق على الدكاترة فى المشاركة ديه
بسم الله ما شاء الله
:B4_237:
اللهم لا حسد
كفاية بقى لحسن دكاترة المنتدى كلهم يخشوا يضربونى
:36_7_4[1]:
أتذكر أول ما اتخرجت دكتور كتب روشتة فيها بوسكوبان بلاس 2قرص 4مرات + ابيمول اكسترا 2 قرص 4 مرات يوميا لمريض عنده مغص شديد
و البوسكوبان للمغص , و البوسكوبان كومبوزيتم فيه حاجة زيادة للمغص , و البوسكوبان بلاس فيه مسكن و خافض حرارة زيادة ( باراسيتامول ) زي اللي هو كاتبه ( ابيمول اكسترا ) .. و شكل الدكتور مش عارف ان بلاس دي معناها ( باراسيتامول ) و ان المريض كده حياخد 2+2*4 = 16 جرعة باراسيتامول يوميا !!!!!!!!!!!
فاتصلت بيه و قلت له علي الفولة بالنجليزي و بكل ادب و صوت خفيض عشان المريض ماياخدش باله
قاللي : و انت مالك يا بني أدم ؟!!! ان شاء الله يموت !!!
فاضطريت اشرح للمريض .. و حلف انه حيسيح للدكتور في الحته و عمره ما حيروح له تاني
طب ليه كده؟!!! ... يعني جل من لا يسهو .... بس مش عشان العنطزة نضر مريض !!!
دا الصيادلة طلعوا شايلين من الدكاترة أوي
المشكلة ان كل الي شارك لحد دلوقتي صيادلة تقريبا
انا عايز اقول حاجة بسيطة ان الصيدلي ما درسش طب وبالتالي فاحساسه بالنديه مع الدكتور هي المشكلة.
معلش يا جماعة مهنة الصيدلي في مصر تختلف عن اي مكان في العالم لان في اي مكان في العالم الصيدلي بيبقي دارس صيدلة اكلينيكية ودي احنا مش بندارسها في طب وبالتالي المجال ده فعلا بيمثل ثغرة مهنية في مصر وفعلا الصيادة بعد دراستهم للكورس ده يكونوا مؤهلين ان الدكتور يكتبلهم التشخيص وهما يختارو الدواء لكن قبلها لأ
ولذلك الصيدلي في مصر ما هو الا واحد وأوكد علي واحد بيصرف دوا وده دليل ان كتير من الصيادة دلوقتي بيشغلوا
انصاف المتعلمين بدل الصيادلة
بالنسبة علي الي بيكلم علي تحيقيق التارجت فأي مهنة في مصر فيها الكويس وفيها الوحش حتي الصيادلة في منهم بيببيع ادوية مخدرة هل ده معناه ان الصيادلة كلهم معدومي الضمير
ثانيا انا كدكتور يهمني ان العيان يقتنع بيا ويجيلي تاني فا مش هاكتبله دوا يضره علشان احقق التارجت مثلا ولكن انت اثناء ممارستك للمهنة في ادوية بتستريحلها وبتوصفها علي طول هل ده معناه انك عايز تحقق التارجت
اخيرا اتمني ان الصيادلة ما يحسوش بالندية مع الدكاترة لأن ده شعور وهمي عامل زي شعور المرأة بالندية مع الرجل
احم احم
على فكرة حضرتك انا جامعة المانية
بندرس عندنا اربع كورسات كلينكال
غير اتنين كورس باثاولجى مش سهل و هايف زى اى جامعة تانية
لا تعتبر من المواد الصعبة جدا عندنا
لك ان تتخيل ان امتحان الفاينال بتاع المادة ديه عبارة عن 105 practical pathology cases
فمتقلقش حضرتك لا احمل اى ضغينة او عقدة نقص علمية تجاه الاطباء
لكن عندى و اقولها بصراحة ضغينة حقيقة فى موضوع الضرايب بالذات
اللى الدكاترة بيعرفوا يفوتوا منه بسهولة
:ma:
sasasony ده انت ليلتك زي الفل
أولا ماحدش لغاية دلوقتي اتكلم عن أي تشخيص أو أي طب .. نتكلم عن الــــــــدواء و هو العلم الصيدلي البحت
الطبيب لا يعلم من الدواء و تصنيعه الا قشور
و باقي ما يتعلمه من طريقة عمل الدواء هو عن طريق صيادلة شركات الأدوية و المحاضرات و المؤتمرات اللي بيتعزمو عليها
فعندما نقول ان الطبيب الفلاني محتال لأنه ضحك علي المريض بأن الدوائين مختلفين و هما نفس الدواء نتيجة الـ Deal اللي معمول معاه ...
أو عندما نقول أن طبيب أخطأ في جرعة مضاعفة لأنه لا يعرف تركيبة دواء ما ...
... فهذا لا يحتاج دراسة اكلينيكية ( و هي لتشخيص الأمراض البسيطة مباشرة بدون اللجوء لطبيب )
أما تفاعل اي دواء مع أخر و جرعته المناسبه و المواد الفعالة غير الفعالة الداخلة في تركيبه ... فهي أمر صيدلي بحت .. ولا يعرفه انصاف المتعلمين الذين عندما يشتري المريض منهم .. فهو يعرض نفسه للخطر
الموضوع لا نديه ولا يحزنون .. ولا واحد ومراته و كلام فاضي .. الكل يتمني أن يتكلم كل فيما يخصه و يفهم فيه فقط
و ما أحب علي الصيدلي ألا يصف أي دواء للمريض الا بعد كشف عند الطبيب ( أأمن و أربح ) و لكن عندما يتكلم الصيدلي عن الدواء المكتوب في الروشتة بعد قرائته جيــدا .. يجب علي الطبيب أن يسمع و ينصت جيــــــــــــــــدا
بالمناسبة .. الدراسة الاكلينيكية مطبقة في كليات صيدلة مصر من اكتر من 10 سنوات
يعني الكلية الوحيدة فيكي يا مصر اللي الطالب بيدرس فيها
نبات
حيوان
جميع انواع الكيمياء
فيزياء
أحياء
صيدلة
صيدلة صناعية
صيدلة كيميائية
ميكانيكا
هندسة صيدلية
محاسبة
احصاء
ادارة اعمال
علم نفس
بالاضافة الي علوم طبية غير تخصصية
...... كفاية كده ولا أكمل؟
بغض النظر عن موضوع النفسنة والكلام الصعب ده خلينا نتكلم بالراحة
- كل مهنة ولها مخاطرها ونسب الخطأ المحتملة وغير المحتملة
- الصيدلي والطبيب المصري إفرازان لنظام تعليم وطريقة تربية واحدة ويعملان في ظروف واحدة
- الأصل أن الطبيب يشخص الحالة بناء على مجموعة من وسائل الاستكشاف (أشعة..تحاليل...) ولكن نظرا للتكلفة العالية لهذه الخطوات فإن الكلمة العليا تكون للمهارة الشخصية للطبيب وحدسه الخاص وهذا ما يمثله (الطب الإمبريقي) اللي الباشمهندس أحمد كمال ذكره،
- كم مرة سمعت من يقول: ذهبت للدكتور فلان وكتبيلي أشعة وتحاليل بألف جنيه وفي الآخر قالي الحمد لله معندكش حاجة، طب وكان إيه لزومها التحاليل والأشعة والتكاليف من الأول؟؟؟؟!!!!......يعني لو كان طلع عنده حاجة كان حيبقى مبسوط عشان ميبقاش صرف على آلفاضي
- بناء على النقطة السابقة فالطبيب المصري يعمل في ظروف أصعب بكثير من قرينه في الدول المتقدمة وهو ما يفسر التقدم الذي يحرزه الأطباء المصريون حينما تتاح له فرص أفضل
- لا يفترض أن يحفظ الطبيب كل الأسماء التجارية للأدوية حيث تدخل كل يوم شركات جديدة ومنتجات جديدة وإنما المفترض من الطبيب أن يعلم المادة العلاجية الفعالة ويصفها بجرعاتها وباقي المهمة تكون على الصيدلي
- لكن نظرا لضعف الكثير من الصيادلة وعدم تركيزهم في هذه الجزئية ورمي حملها على الطبيب أصبح الوضع المستقر ما نراه اليوم، مع الوقت ينشغل الصيدلي بالناحية التجارية أكثر من الناحية العلمية، وأيضا يقع الطبيب تحت تأثير شركات الدعاية التي تلح عليه كل يوم باسم جديد وحين يصف العلاج يجد اسم العقار مكتوبا على القلم الذي يكتب به وعلى آلنتيجة التي أمامه و على الحقيبة والمفكرة وساعة الحائط وفي النهاية يحدث له mind restriction ومع الوقت يبقى شعاره (أنا حافظ كده)
فيما يتعلق بالموضوع الأصلى، فالحمد لله هناك أسعار كثيرة لأدوية هامة جدا جدا سعرها نزل وربنا يخفف عن جميع المرضى
مشكلة الصيدليات ان في بعضها بيديرها غير الصيادلة
يعني في صيدلية في منطقتنا اكثر من مرة يصرف حاجة مختلفة تماما عن الروشتة لدرجة مرة صرف غسول نسائي بدل دواء شرب والاسمين فعلا متشابهين جدا
وتكرر الخطأ اكثر من مرة
طبعا بطلت اتعامل معاه
لكن تخيل لو ناس جهلة لا يعرفون القراءة والكتابة واخد العلاج من غير ما يقرأ النشرة كان هايحصله ايه ؟؟؟؟
بعد كدة عرفت انه خريج علوم
والادهى والامر لما تلاقي صيدلية واقف فيها شوية شباب صغير واضح انه مخدش الثانوية حتى !!!!!!!!
ثواااني
مين قال إن الموضوع فيه ندية ..أو إحساس بالقصور العلمي من الصيدلي تجاه الطبيب
خاااااااااااالص والله
كل واحد شغال في مجاله ...وعلى فكرة بقا
أنا بطلع دوا on the counter أحسن من أي دكتور بشري(في حدود طبعا..مش لكل حاجة)
ولو الروشتة بتاعة الدكتور فيها عك..لأازم أفهم المريض إن الدكتور ده بيعك
يعني مثلا
واحد كان مريض كبد ..وحالتها كانت متأخرة كمان
وكل مايروح يكشف عن دكتور أو إتنين من العكاكين
يكتبوا له على ديكلوفين أمبول ..وسبازموو ..وأي عك من إلي إنتوا عارفينه
أنا والله ..أول ماشفت الراجل ..عرفت إنه مريض كبد
علشان الراجل كان وصل بيه المرض لحالة متأخرة ..كان بيهلوس(علشان النشادر بتزيد في الدم )
والدكتور أو الأتنين إلي راح لهم ..قالولو عندك ( حصوة )
يوم لما شوفته ..ومن غير تحاليل أو أي حاجة ...الراجل ده هيباتيك
قولت لإبنه ..خد أبوك وروح بيه المستشفى
الراجل مات تاني يوم
وده علشان ( الأطباء العكاكين ) شخصوا الكبد على إنه ( حصوة)
...................
والأهم بقا
الكل بيكتب مضادات حيوية من غير مزارع ولا إختبارات حساسيه ولا أي حاجة
أهو القلم ماشي على الورقه ..أصناف بتتكتب ...وفلوس بتتقبض
.
ده طبعا مثال سئ للجهل ..أو الإستعباط
أي حاجة في أي حاجة لأي حاجة ..والمهم إنه دفع تمن الفوزيتا
.
ومش علشان الطبيب البشري درس 7 سنين ..والصيدلي 5 سنين
ده معناه إن الطبيب بيفهم أحسن من الصيدلي
كل واحد بيفهم في مجاله أحسن من التاني
يعني أنا بيتحرق دمي ..لما أكلم دكتور مثلا بخصوص صنف مش عندي ..وأطلع له الـ (بديل ) بنفس المادة الفعالة ..يقولي :" لااااااااا"
والجديد في الموضوع بقا
الدكتور بقا يكشف ..ويقول للمريض إنزل إصرف الروشته من الصيدليه إلي تحت ..وإطلع وريهولي ( comission ) بقا ...وربنا يسهل لعبيده
الأطباء مش مكفيهم شغلهم ..عاوزين كمان ياخدوا نسبة من الصيدلي على كل روشته
.
لو تعرف انا كام مرة اتكتب لي اوجمنتين و أمبيكلوكس من غير ما اتسال حتى عندي حساسية و لا لأ (و انا اصلا عندي حساسية قاتلة منهم)
مفيش حتة محترمة في مصر غير دار الفؤاد ..... الملف ملزوق عليه من برة ستيكر احمر مكتوب عليه بفونت يخرم عين الشمس allergies و مكتوب تحتها الحساسيات كلها ...... و كل ما باروح الطوارئ لو الحالة مش مستعجلة بيستنوا دقايق على ما الملف ييجي ...... لو مستعجلة بيسالوني الاول عن الحساسيات ......
هو عموما الندية دي أبدية للأسف
زي برضه ما بين الاطباء ..... ندية بين الباطني و الجراح
الباطني شايف نفسه بتاع علم و تشخيص و بتاع ....... و شايف الجراح ايده بتاكله عالسكينة عايز يشق العيان و يخلص
الجراح شايف نفسه بيعالج المشكلة بايده و مش مستني الدوا يشتغل و لا لأ ........ و شايف الباطني دجال و بيحاول يفتكس التشخيص بشوية دلائل و خلاص
يا رجالة سيبكم من الحوار دة وخلينا فى المهم الاسعار دى هتبتدى تسرى من شهر 5 طيب انا عندى مخزون من بعض هذة الادوية هيكون مصير فروق الاسعار اية وخاصة فى حاجة زى البلافكس حوالى 130 خسارة مين هيعوضنا عن الكلام دا حد سمع حاجة عن المشكلة دى
اللي يحل مشكلة الندية إن كل واحد يخليه في شغله و (ما ينطش) على التاني- بلغة أصحاب المهن-
يعني لا الدكتور لازم يطلع كل الصيادلة بطيخ ولا الصيادلة لازم يطلعوا كل الدكاترة بطيخ قدام المرضى
المشكلة إن النماذج اللي بتعمل كده قدام المريض هي اللي بتبقى عندها عقدة نقص فعلا
دلوقتي الدكتور كتب دواء معين والصيدلي له رأي خاص يبقى الصيدلي يكلم الدكتور على التليفون ويقوله في كذا وكذا وكذا ويشوف رأيه إيه لو وافق ماشي الحال ولو مش موافق يبقى العهدة على الدكتور مش على الصيدلي ولو الموضوع خطير والصيدلي خايف من المسؤلية يصور نسخة من الروشتة أو يحتفظ بيها
ولو الطبيب شايف إن الصيدلي بيعك يكلمه ويفهمه قصده إيه
وفيما يتعلق بالعلاج فالقانون والعرف أن الذي له الكلمة في تحديد العلاج هو الطبيب وليس الصيدلي يبقى ليه الزعل
إحنا ممكن نقعد نحط أمثلة للصبح من أخطاء الأطباء وكذلك أخطاء الصيادلة يبقى لماذا ننظر بعين واحدة
الموضوع أبسط من كده إن شاء الله
الموضوع مفيد للقراء وانا عن نفسي استفدت منه ياريت يكون الهدف منه افادة الاعضاء بدل ما يتحول لجدال عقيم بين الصيادلة والاطباء ومين افضل ومين منفسن من التاني
الصيدلي والطبيب مكملين لبعض وكل فئة في المجتمع فيها الكويس والوحش
دكتور بحري
الله ينور عليك ده اللي انا قصدي عليه كل واحد يخليه في مجاله ويحاول يتفوق في مجاله
دكتور احمد فارما
الطبيب ما درسش 7 سنين والصيدلي 5 الطبيب درس طب والصيدلي درس صيدلة وده اللي انا عايز اقوله من الاول
وانت ماغلطش انك تلخبط ما بين الاتنين لان الصيدلي دخيل علي مهنة الطب فعلا واصبح الصيدلي يماثل الممارس العام او حلاق الصحة قديما مع احترامي الكامل للصيدلي واعترافي بالفرق بينهم
بالنسبة انك بطلع ادوية احسن من اي دكتور بشري فدي فعلا اضحوكة اولا لان الادوية اللي انت بتقول عليها دي مش اوتوسي في كل العالم لكن هي اوتوسي مصري ومن عجائب الشعب المصري فعلا يعني انت لما توصف مضاد حيوي او مسكن او اي دوا تاني ده مش اوتوسي ولمعلوماتك الاوتوسي هو اي دواء موجود في المحلات العامة زي كارفور مثلا زي اي سلعة تانية زي الفيتامينات مثلا والكلام ده بره طبعا
ثانيا لانك لا تعتمد في وصفك للدواء علي العلم كليا ولكن علي جزء من الافتاء وانت عمرك ما تقارن نفسك بدكتور طالع بوز امه 6 سنين دراسة وسنة امتياز وسنتين ماجيستير وسنتين دكتوراة علي الاقل وما بينهم سنين خبرة
انا عارف ان مش كل الدكاترة كده لكن انا بكلم علي الدكاترة الكفاءة اللي في المدن غالبا ممكن الاشكال اللي انت
بتقول عليهم يكونوا في القري وبيكون صلتهم بتعلم الطب منفصلة تقريبا
انا ما بكلمش عليك خصيصا لان انا اخويا صيدلي وعلي فكرة شاطر جدا باشادة الزباين ولكن موضوع الافتاء ده جزء لا يتجزء من عمله
بالنسبة للبديل ده موضوع مخلوص منه يعني انا مثلا واصف دوا لنوفارتيس او فايزر او ايفا اوي شركة محترمة وانت تيجي تطلعي دوا لاي شركة تعبانة لازم اقولك لأ طبعا
ان عايزك توسعلي صدرك وماتخدش علي خاطرك واتمني ان الصيادلة ما يكنش شغلهم الشاغل هو انهم يتهموا الدكاترة بالغش والجشع والطمع والافضل انهم يتجهوا للتحسيين من انفسهم واخد كورسات في الصيدلة الاكلينيكة لسد هذه الثغرة واكيد ده هيكون حافز للزباين انها تروح صيدليته ولزمايله انم بغيروا منه ويعملوها.
دكتور hegazio
أنا مش عارف قصدك باظبط بالصيدلة الاكلينيكية لكن انا اللي اقصده في الموقع ده
الصيدلة الإكلينيكية بين الواقع و المأمول :: دليل الصيدلي من صيدلية الملاك
دكتور احمد اسماعيل
الله ينور وفعلا انا سمعت ان الجامعة الالمانية من احسن الجامعات
باشمهندس احمد كمال
انا مش عارف اقولك دكتور ولا باشمهندس و الله ينور علي معلوماتك الطبية والصيدلانية بس هل دي معلومات عامة ولا ليك صلة بالمجال الطبي
اخيرا انا اسف يا جماعة اني خرجت عن الموضوع الاساسي
الفرق بين الاتنين يا استاذة نور فى المادة الفعالة لاكن الاتنين نفس الوظيفة بس الاكثر اعتمادية عند اغلب الاطباء اليوتروجستان
هقولك أنا ليه بطلع otc أحسن من أي طبيب بشري
كل روشتة بتدخل عليا ..لازم أسأل المريض أعراض تعبه إيه
وبتعلم من الروشتات المحترمة للدكاترة والأساتذة الدكاترة المحترمين.
يعني كل مدارس الطب ..بتكون قدامي على الكاونتر أكتر من مرة في اليوم
وبالنسبة للمعرفة الطبية
أنا درست 3 سنين متواليه في طب ..قبل ما أحول صيدلة
وعندي أساسيات كامله عن دراسة الطب..فسيولوجي وتشريح وهيستولوجي وفارما وباثولوجي
بالإضافه
لكـــــــــــــــــــــــ ـــل المواد الصيدلانية
ده غير - والحمد لله- أنا عندي ماسترز في مجالات طبية ..زي الـجلديه مثلا
وغاوي الموضوع ده ..وكل يوم لازم أدخل عقلي معلومه جديده عن دوا أو عن مرض
سواء من الماسترز أو من الشبكة الدوليه
.................................................. ......
وصدقا
أنا مش بقلل من حجم أي طبيب بشري أو بعظم من شأني
أنا بتكلم عن بتوع المدرسة القديمه أو التقليديه في الطب..يعني الصنفين إلي يعرفهم ومش عاوز يعرف غيرهم
وأنا فعــــلا عملت سمعة محترمة للغايه في صيدليتي على الـ otc بتاعي
لدرجة إني قربت أجيب سماعه وأمارس مهنه الطب في الصيدليه...وده طبعا مستحيل يحصل ..أنا بس بقربلك الصورة
.
وشكرا
شكرا لأحمد و فارما و ساساسوني و كل المشاركين و اتمني الموضوع الا يخرج من نطاق الافادة فعلا
جل ما يقصده الغالبية من المشاركين هو ان يظل كل في مجاله لمصلحة المريض .. و كما قلت مسبقا .. الأفضل ان يشخص المريض حالته عند الطبيب .. و الأفضل ان يتأكد الصيدلي من الجرعة و تفاعل الأدوية مع بعضها و بدائلها .. و كلنا يعلم مدي اصرار بعض الأطباء علي صنف بعينه .. و هو الجنيهان الاضافية الداخلة منه .. بل انه حكم الطبيب علي شركة ادوية محترمة أم غير محترمة من خلال المندوب الذي يتابع معه و شياكته و شياكة علبة الدواء و سعرها بدون أدني فكرة عن سياية التسعير و التصنيع و بالتالي حكم قاصر
و لكن هناك أطباء كثير محترمين و يمارسون مهنة و رسالة انسانية في الوقت ذاته .. و صيادلة يدركون كذلك انه عندما يقول الطبيب اللي بعده و ان وقت المريض انتهي فربما يكون القليل من الدردشة مع المريض الغلبان لاستكشاف أي نقص في العملية العلاجية أفضل للمريض و إرضاء الله
الف شكر دكتور اشرف