لا شكر على واجب ده واجبنا إن إحنا نفيد بعض
عرض للطباعة
انا مش بدافع عن تويوتا في الحصل .. و دي كانت غلطة منهم .. اي شركة بتغلط و لكن الغلط المرة دي كان كبير
شركة كبيرة زاى تويوتا هيفضل الحصل دة نقطة سودا في تاريخها ..
و لكن انا المستغربله ان الناس ابتدت تتعامل على اساس ان تويوتا خلاص كدة شكرا .. قفلت و مش هتعمل موديلات تاني .. و ابتدوا كمان يوزعوا التركة
ابو عبدالله محدش يقدر يجزم ان تويوتا و الكرولا حتفضل اعلى اعتمادية
الكلام دا كان زمان
اللى جاى دا فى علم الغيب
خلى الايام هى اللى تثبته
مع احترامى ليك محدش عمل كده فى المنتديات الاجنبية لان الناس عارفه خطا تويوتا
هو اننا نقول ان تويوتا غلطانة يبقى شماته !!!
هو لازم نسكت و نقول انها محترمة علشان مانبقاش شماتنين !!
سبحان الله
دا انت لسه متهم الناس فى مشاركتك بالشماته !!
يا سيدى الفاضل هو يعنى العربيات الامريكية و الا الكورية اللى مفيهاش عيوب مستخبية مليانة و لا يعلن عنها بالسنين طب ما هو دلوقتى فورد بتعلن عن عيوب فى عربياتها و شيفروليه اعلنت شوية برضو و باللارقام الامريكية عشرين واحد ماتوا فى عشر سنين قصاد مبيعات بلغت 25 مليون عربية لتويوتا طب يا ترى جنرال موتورز باعت كام فى العشر سنين دول و كام واحد مات بسببها و العربيات الكورى اخبارها ايه بالمرة مش مليانة عيوب و لا يعلن عنها
يبقى ليه تويوتا بالذات لان الحكومة الامريكية عاوزة تزحزح تويوتا من على عرش مبيعات السيارات العالمى بعد سبعين سنة تصدر من جينيرال موتورز و ذلك بابراز اخطاء فى عربيات تويوتا و الضغط عليها بيها و فضحها عالميا و فعلا امريكا نجحت فى الهدف ده
بالظبط هو ده اللي اقصده
واظن ان غالب الناس اذا مكنش كلهم يقصدوا نفس الكلام
وده بيدل على ان فيه ناس مصدقت تلاقي حاجه تتكلم فيها
والكلام اللي بيحسسك ان تويوتا خلاص فعلا انتهت وهتقسم التركة لازم يكون له رد فعل من كل الناس لأنه لام مش واقعي وفيه مزايدات واضحه جدا وده لازم يكون له رد فعل مش تعصب لأن الحق مش تعصب
للمرة التانية يا أستاذ Sharky
بقول لحضرتك إن أنا شاكك في موضوع إنهم كانوا عارفين من سنة فاتت. أنا أعتقد إن المشاكل اللي في عربيات تويوتا عيوب ظهرت مع الإستخدام يعني علشان تتسجل بصورة مشكلة ده حصل بعد توزيع العربية على العملاء و تسجيل ورصد شكاوى متعددة من نفس السبب و أعتقد إن ده ما ينفعش يكون حصل من سنة و مستحيل يكونوا كانوا عارفين المشكلة من سنة وأصروا على الإنتاج بنفس العيب. أنا شايف إن دي نقطة بتتقال لفرض العقوبات.
والدليل على كده إنهم وقفوا خط الإنتاج بعد إعلان المشكلة و "ستستأنف إنتاجها للموديلات الثمانية المصابة بالأعطال في الثامن من فبراير في ثمانية مصانع كما ستستأنف مبيعاتها بعد أن يصلح التجار العربات التي لديهم"
يعني ما ينفعش تكون المشكلة معروفة و خط الإنتاج يبقى شغال بينتجها من سنة