هعمل صندوق سماعات , حد جربها قبل كدا ؟

**Terrible_DaRsH** · 09-02-2010 02:06 PM

صباح الخير ..

محدش فكر يعمل يا جماعة صندوق لصب او لسماعة بنفسه ؟؟

انا بصراحة الفكرة دى داخلة دماغى مش عارف ليه و اشتريت كل المعدات و جهزت كل حاجة و هعمل صندوق لسماعة 200 وات مدورة اشتريتها من واحد صاحبي .

بس هعملها صندوق علشان هتتحط فى البيت طبعا .

لو حد عمل الفكرة دى قبل كده يقول رجاء .

**KoDaK_Gti** · 09-02-2010 08:40 PM

لو حد عمل الفكرة يقول ايه ؟؟؟؟

**A.Elsheikh.01** · 09-02-2010 11:57 PM

ملحقش يرد عليك يا حسام
الراجل خد باند
بس هو بيتكلم على صناديق سماعات من الى بنعملهم من ايام العصور الوسطى ايام الكرايزر الجنسون 2002

**KoDaK_Gti** · 10-02-2010 12:52 AM

هههههههه
ليه كده ده اتوقف صحيح

**theking_med** · 10-02-2010 08:10 PM

يفضل انك تروج عند واحد متتخصص في صناديق السماعات ويستخدملك خشب Df يكون مساحتوا كبيره مثلا12 او 10 ملي ويكون الصندوق كلوا مقفول بالخشب ده مش بالمسامير بالصمغ عشان ميبقاش فيه مجال لخروج الهوا ويكون فيه فتحه صغيره من ورا عشان الهوا بالظبط وهوا عندوا خلفيه اكتر انا واحد صحبي عاملها على صبه 3000 W باينوير مضغوطه جامده معاه

**Terrible_DaRsH** · 10-02-2010 08:33 PM

المشاركة الأصلية كتبت بواسطة A.Elsheikh.01

ملحقش يرد عليك يا حسام
الراجل خد باند
بس هو بيتكلم على صناديق سماعات من الى بنعملهم من ايام العصور الوسطى ايام الكرايزر الجنسون 2002

لا دى من قبل الميلاد يا فندم

**Terrible_DaRsH** · 10-02-2010 08:39 PM

المشاركة الأصلية كتبت بواسطة theking_med

يفضل انك تروج عند واحد متتخصص في صناديق السماعات ويستخدملك خشب df يكون مساحتوا كبيره مثلا12 او 10 ملي ويكون الصندوق كلوا مقفول بالخشب ده مش بالمسامير بالصمغ عشان ميبقاش فيه مجال لخروج الهوا ويكون فيه فتحه صغيره من ورا عشان الهوا بالظبط وهوا عندوا خلفيه اكتر انا واحد صحبي عاملها على صبه 3000 w باينوير مضغوطه جامده معاه

اشكرك على زوقك , انا كنت عايز اعمل صندوق للسماعة مش للصب فسمك الخشب ده كبير جدا على السماعة و انا عاملها للبيت مش اكتر .

و عملتها الحمد لله و خلصتها , امبارح جبت خشب mdf و للاسف المنشار ال " اركت " ميقدرش يقطعه فخليت النجار قطعهولى حسب المقاسات المظبوطة و ان شاء الله هعمله لصب 1200 هيتحط فى عربية صاحبي ..