M11 & ACCENT & GEN2
انا شايف الاكسنت بعيدة عنهم في الكاماليات و التقفيل و حتي القوة مع ان هما كلهم 1600, ده غير ان هيه الوحيدة اللي برغم انها مش الارخص مافيهاش مثلا ABS
انما ال11 و ال جين يعتبروا زي بعض ... فرق السعر الجين بتديك بيه دريكسيون بتحكم للكاسيت + وسائد هوا بس مافيهاش سنسور نور ولا مساحات بس فيها تحكم في الكشافات الامامية بس مافيهاش جنوط 16 فيها 15
بس اهم ميزة فيها انها بتريح اللي معقدين من الصيني ...... غير انها من دولة محترمة ولا نزكي احد علي الله
بس توكيلها ازبل من ابو غالي وده اكيد ....... بس 10000 جنيه فرق.....
اختيار صعب التنين...... بس انا ببساطة بسيب الفلوس تتكلم "بعد الاستخارة طبعا" و الحمد لله ربنا كرمني
....
الفيرنا و الانوس دول بقي مشكلتين في بلدنا ......
خلاصة القول لو انت راجل راسي و مش بتاع جري جنوني .. يعني اخرك 120 يبقي حلال فيهم فلوسهوم تماما .....
مواتير متجرية و مش وحشة ... بس صاج في الطراوة و فرامل لحد ال 100 و فكك... ده غير ان بعد كدة العربية بتبقي مش عايزة تفضل علي الارض تقولش ركبهم عفريت؟؟؟؟
نيجي للوجان ..... متجيبهاش علي انها 1600 ...لانك هتظلمها .... هيه 90 حصان ... و الانسر ال1300 CC موديل 98 اوتوماتيك كانت 87 ... شغل دماغك كدة و احسبها ....
هيه عالية .. جديدة ... فكرها اوروبي بس اخرها سيتينات انما ماينفعش تلعب في السعينات خالص ...كتير عليها ... غير انها طاسات مش مجنطة .. تكيفها علي قدها و مبتسحبش تماما ... الموتور بيطلع صوت اكتر من الحركة
الساجا مجربتهاش فمن قال لااعرف فقد افتي ...بس هيه 1300 اساسا .... يعني تنفع عربية تانية للمشاوير داخل البلد انما متجيبش عربية تكون للعمر اقل من 1600
انا تفكيري يقولي جين او m11
Accent
فيرنا
لانوس
aveo "هيه هيه الانوس بس ضحكوا علينا بشكل عجيب - فاكرين الافيو القديمة ؟؟؟؟كانت اقرب للانوس"
لوجان
ساجا
المفضلات