يا ريت لو حد راكب اوبترا يقولى رأيه ايه فيها سواء مانيوال او اوتوماتيك ؟

**samo333** · 23-12-2007 04:06 PM

سؤالى ببساطة جداً ايهما افضل الاوبترا المانيوال ولا الاوبترا الاوتوماتيك وياريت يكون الرأى على اساس و اسبابه مقنعه يعنى يكون حد مجرب مش كلام و خلاص يقولى رأيه من حيث كل شئ يعنى عامله ايه فى المشى و اسعار قطع الغيار والكلام ده كله و شكراً.

**mina_ramsis** · 23-12-2007 05:44 PM

اصعب سؤال شفته فى حياتى المفروض حضرتك اللى تقرر عاوز اوتوماتيك و لا مانيوال و الموضوع ده ملهوش اى علاقة بماركة العربية

**samo333** · 24-12-2007 10:59 AM

انا مش شايف السؤال صعب بالمرة انا كل اللى عاوزه ان حد يكون راكب اوبترا ومجربها ويقولى رأيه فيها ايه بس مش اكتر
اللى راكبها مانيوال يقولى ايه اخبارها ؟؟
واللى راكبها اوتوماتيك يقولى ايه اخبار الاوتوماتيك لأنه لفت نظرى جداً ان المعروض منها مستعمل للبيع كله اوتوماتيك و نادراً ما يكون فى مانيوال معروض للبيع وانا كمان قدامى اختيارين وهما انى اجيب اوتوماتيك مستعمل او اجيب زيرو مانيوال ؟؟؟؟؟
ياريت حد يكون مجرب ويقولى رأيه بأمانه
وشكراً جزيلاً.

**aif** · 18-01-2008 11:08 PM

انا مش راكب اوبترا
لكن ناوي اشتري اوبترا وعملت كل اللي ممكن يتعمل من تتبع اخبارها علشان استقر
اعتقد ان الآراء اللي وصلتلها معظمها بيفضل المانيوال لأن اعطال الاوتوماتك مكلفة جدا
وبعدين حضرتك محتاج اتوماتك والا لأ ؟؟؟
الاتوماتك طبعا اريح وسواقته اسهل خاصة بالنسبة للسيدات و كبار السن و كذلك اللي سواقتهم دائما في الزحام وبيتخنقوا من الدبرياج و نقلات الفتيس المتكررة
لكن المانيوال له متعة خاصة ( وانا من انصاره )
انا عن نفسي لو السيارة مش ياباني أو الماني او امريكي لاأثق في الاوتوماتيك