الموضوع: البروتون ساجا ورينو لوجان

فى البدايه انا ما سقتش أى عربيه منهم بي كلامى هيكون على الللى أنا شفته فعلا
1. شكل البروتون بيوحى انها عربيه صغيره على عكس الواقع من جوه العربيه, اللوجان شكلها واسع وهى فعلا واسعه جداً .
2. تنجيد الكراسى حلو فى الاثنين .
3. التبلو فى الساجا زباله بس مش زفت زى ما انا كنت متخيل اللى صمم العربيه زود قوى فى استخدام البلاستك السيئ بس استخدم برده بلاستك من المستخدم فى الافيو , اللوجان تبلو عادى مش فخم بس لو قورن بالساجا يبقى فخم
4. حد بص على المكان اللى بيخش مفتاح العربيه فيه (الكونتكت) هتحس انه من خامات رخيصه جدا. اللوجان عادى.
5. الابواب مستخدم فيها بلاستك زباله فى الساجا معقول فى اللوجان والحديده اللى بيمسك فيها باب الساجا زباله.
6. فتحات التكيف فى الساجا صغيره ومفاتيح التكيف صغيره تحس انها عربيه لعبه , اللوجان تكيفها مش مريح وسمعة تكيف الرينو زفت فى الاشارات
عاوز اشترى واحده من الاثنين ومحتار جداً شكل اللوجان احلى واوسع بس ماتور الساجا اقل استهلاك للبنزين وبيعطى نفس الكفاءه
فياريت كل واحد يرشح عربيه ويقول السبب
بلاش يعرضلى المميزات والعيوب وبعدين يقلى اختار لا انا عاوز يختار عربيه ويقول ليه

المشاركة الأصلية كتبت بواسطة ada7

6. فتحات التكيف فى الساجا صغيره ومفاتيح التكيف صغيره تحس انها عربيه لعبه , اللوجان تكيفها مش مريح وسمعة تكيف الرينو زفت فى الاشارات
عاوز اشترى واحده من الاثنين ومحتار جداً شكل اللوجان احلى واوسع بس ماتور الساجا اقل استهلاك للبنزين وبيعطى نفس الكفاءه
فياريت كل واحد يرشح عربيه ويقول السبب
بلاش يعرضلى المميزات والعيوب وبعدين يقلى اختار لا انا عاوز يختار عربيه ويقول ليه

بس احب اعلق علي النقطه ديه لاني من اساسياتي في العربيه التكيف
عشان كده دي اول حاجه سالت عنها قبل ما اشتري ((طبعا لسمعه الاوروبي في التكيف))
رحت معرض رينو سالت واحد مختص قالي العربيه ديه رينو عارفه هي نازله تنافس مين
ونازله في جو عامل ازاي فاهتموا بالموضوع ده جدا و نظرا للشراكه بين نيسان و رينو استخدمو التكيفات المشهوره في نيسان بقوتها و جودتها طبعا ومرتحتش غير لما خليت الراجل فتحلي عربيه و قعدت فيها و شغلت التكييف لفتره ((والله كان هيضطردني))
و الحمد لله فعلا جربت التكيف في اسوا درجات الحراره و شغال بكفاءه و قوه مبهره
يعني مثلا بالليل في الصيف بشغله علي واحد
الظهر في الصيف بشغله علي 2 لو لوحدي او اتنين بس قدام
الظهر في الصيف بشغله علي 3 لو في ناس ورا
علما انه 4 سرعات
((علي فكره انا سيارتي التانيه لانسر بوما يعين عارف التكيف القوي من الضعيف))
استهلاك البنزين في اللوجان في الزحمه الطاحنه يعني اول وتاني 8.2 لتر/100 كيلو=243.9 كيلو في الصفيحه
طرق سريعه بتبق ي علي حسب سرعتك عندك من 5 لتر ل 7 لتر في100 الكيلو اخرك =400 ل 285 كيلو في الصفيحه
من الاخر استهلاك ممتاز
((هذه الارقام طبقا لتجاربي و تجارب الملاك و يمكنك البحث عنها في قسم رينو ))
بالنسبه للمقارنه فانا مقدرش افيدك لاني معرفش حاجه عن الساجا نهائيا ((و مبحبش افتي))
تقبل تحياتي و ربنا يهديك للخير