استعدال شاسيه عربيه

**crazylambada** · 12-02-2010 01:54 AM

لا انا عملت حادثه كبيره بسببها دخلت في الرصيف مرتين و الحمد لله توفيق من عند ربنا و ستره
ثانيا تسقيط العربيه للارض و علو ارتفاع الرصيف حال دون انقلاب العربيه
الحمد لله مره تانيه
فالخبطات كلها المشكله جت في العجل فاللي ماسك الهجل اتلوح ومحتاج يستعدل بس

**Lion_Heart** · 12-02-2010 02:48 AM

الحمد لله على سلامتك و ان شاء الله العربية ترجع احسن من الاول

**windofchange** · 12-02-2010 10:40 AM

حمد لله عالسلامة وتتظبط ان شاء الله ياباشا

**crazylambada** · 12-02-2010 02:14 PM

متشكر جدا لروحكم الطيبه

**khalidawad** · 16-05-2010 03:41 PM

السادة الأعضاء الكرام
ارجو الإفادة
عندى 128 و بها جنوط سبور الومنيوم وليست بتاعة ال128 الاصليه
الكوتش الشمال تحس انه مش متوسطن داخل تجويف الكرتيره وراجع ورا شويه حتى إنه بيحك بالرفرف
و إن شاء الله ان هغير جنوطها للأصليه و هجيب 4فرد 145/55
لأنى لقيت اللى ركبين عندى 165/70
بس أنا رحت لواحد مشهور بتاع عفشة و ظبط زوايا بالجيزة إسمه حمادة إمام من شارع البحر الأعظم قالى :
لازم أغير الجنوط و قال ان العجله الشمال عايزه تتقدم 2 سم ولما سألته وده مين يعمله قالى السمكرى و طلب أيضا لما اعمل ده اروح واجيب معايا 4مساعد امام و خلفى و بطاحتهم
فهل ده مظبوط
افيدونى افادكم الله
وشكرا للردود مسبقا

**crazylambada** · 16-05-2010 05:46 PM

بص انا عاوز اقولك على الصدمه في الموضوع بتاعي و كل اللي متباعني
عربيتي مكنتش مشيسه منهم لله البهايم
لما طلعت على كار بويز تاثير الحوادث اثر على العفشه فلما غيرتها كلها بالكامل
و ظبط زوايا بس طلعت العربيه بسم الله ما شاء الله سليمه مفيهاش غلطه

بالنسبه لموضوع حضرتك نصيحه مني روح لميكانيكي شاطر بس قولي تاريخ العربيه علشان اقدر افيد حضرتك

**khalidawad** · 19-05-2010 10:10 AM

اشكرك على الرد
هل تقصد بتاريخ العربيه موديلها هى موديل 70

**crazylambada** · 19-05-2010 07:21 PM

لأ انا قصدي عملت حوادث قبل كده صياناتها كانت ازاي تفاصيلها
يعني مثلا ايه اللي خلى العجل يرجع ورا ممكن تكون محتاج تغير مقص و مساعد مثلا و خلاص فاهم قصدي

**khalidawad** · 20-05-2010 01:52 PM

أسلام عليكم
يابيه انا جديد فى موضوع السواقة ده وكتر خير الناس الموجودين بالمونتدى انا بحاول افهم عشان دى اول عربيه اسوقها
و فعلا انا ذى ما بيقولو اكلت بيها مطلب فالعجل طبق الرفف الشمال بعد مرجعت لورا وكسرت المقص
فرحت غيرت المقصين يمين وشمال و كمان غيرت جوز بارات وضبط زوايا بس انا بعد كده بقيت بسمع صوت صفاره مع تحويل إتجاء الدركسيون شمال + إنها بتحدف شمال سنه فبصيت لقيت إن العجله اليسار راجعه وكذلك لاحظت بردوا إن العجله اليمين لما تبقى العجله اليسار مستقيمه بتبقى فتحه لبره سنه
عشان مطولش عليك يافندم
رحت إنبارح بعد مارحت لمركز العفشه وضبط الزويا اللى قالى إنى أقدم العجله يسار السائق 2 سم رحت لواحد سمكرى قولته وسألته فاهم قال ايوه وقام ورانى المكان الذى يثبت به المقص بالشاسيه وقام شادد بجنزير الحته دي وركب العجله فعلا لقيت العجله بقت متوسطنه و قال في شرخ فارق المكان الذى يثبت به المقص عن مكان لحامه بالشاسيه فلحمه بعد مفك العجله وكمل بهذا المنطقة حبه لحامات عشان لما نركب العجل تانى يثبت في مكانه ولكن لما نزلت العربية على الارض ومشينا بيها عشان نجرب فبصيت لقيت العجله اليمين رجعت تانى لورا
قعد يبص تحت العربيه وقال ملاحظات كده : إن كوتش الميزان متاكل تماما وإن الميزان المنطقة المستقيمه منه التى يثبت بها الإفزان على صدر العربيه من الأمام بعيده عن صاج وش العربيه حوالى 2سم مكان كده يعدى صباع وقال ده بيبقى في العربيات ال128 الأخرى لاصق في تماما في حتة الصاج اللى بالوصف كده تحت الإكصدام الامامى تماما وقال والمساعدين بيجيبو زيت
فقلته مال كل ده بالعجله اللى مش متوسطنه فقال اجيله مره اخرى يعمل زرجينه تانيه
إيه رأى حضرتك

**crazylambada** · 21-05-2010 03:03 AM

طب معلش الصوره موصلتليش كامله ممكن يكون المساعد اتاثر بالخبطه مع المقص
سؤال الزرجينه اتعملت على الطمبوره او الركبه و لا على لاشاسيه علشان مفهمتش بس
و اقولك حاجه اعمل موضوع تاني في نفس القسم باللي قولته اكيد فيه ناس برضه حتساعدك فيه

الموضوع: استعدال شاسيه عربيه

LinkBack

أدوات الموضوع

عرض

-

-

-

-

-

-

المواضيع المتشابهه

استعدال شاسيه 128

استعدال شاسيه السياره

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

استعدال شاسيه العربيه

ركب جسم عربيه على شاسيه عربيه تانيه

الكلمات الدلالية لهذا الموضوع

المفضلات

المفضلات

ضوابط المشاركة