الموضوع: ركبت ميزان فى لانسر 1300 جامدددددددددددد

برنس يا كبير نفس الكلام الى قولتة وبر\وة مستنين راى بشمهندسنا

يا جماعة عايز اقول انى انصح اى حدة مش عندة الميزان دا يركبة بجد كل يوم عن يوم بحس انى كل قرش ادفع فية حلال وتمنة فى وزيادة شوية بجد عايز اركب الامامى الى بيبقة فوق المساعدين بس لسة مش فاهم فكرتة ومش هركبة غير لما اقتنع بية هسال فى التعديلات هنا ولو جالى اجابة اقنعتنى عن كيفية عملة لانى مش فاهمها بصراحة على اعتقاد منى انوا بيتركب فى اعلى المساعد الى بيكون مربوط اصلا ومفيش اى ربط بينة وبين المساعد الاخر يبقة لزمتة اة يا ريت لو حد هنا يعرف بردوة يقلى وانتظروا تجربتة معاة ان شاء اللة
سلام عليكم

المشاركة الأصلية كتبت بواسطة ahms10

يا جماعة عايز اقول انى انصح اى حدة مش عندة الميزان دا يركبة بجد كل يوم عن يوم بحس انى كل قرش ادفع فية حلال وتمنة فى وزيادة شوية بجد عايز اركب الامامى الى بيبقة فوق المساعدين بس لسة مش فاهم فكرتة ومش هركبة غير لما اقتنع بية هسال فى التعديلات هنا ولو جالى اجابة اقنعتنى عن كيفية عملة لانى مش فاهمها بصراحة على اعتقاد منى انوا بيتركب فى اعلى المساعد الى بيكون مربوط اصلا ومفيش اى ربط بينة وبين المساعد الاخر يبقة لزمتة اة يا ريت لو حد هنا يعرف بردوة يقلى وانتظروا تجربتة معاة ان شاء اللة
سلام عليكم

اااااه هو انت تقصد الدعامه اللى بتتربط من فوق بين البطاحتين بتوع المساعدين؟؟؟؟

أولا ده مش ميزان........ ده بيدعم قوة الشاسيه من قدام عشان لو مثلا كلت مطب جامد جدا الركبه اللى راكب جواها المساعد ما تتعوجش للداخل و يبقه عجل العربيه قالب لجوه علطول و بتحتاج زرجينه عند السمكرى ترد الركبه مكانها عشان العجل يتعدل تانى على الأرض و تعرف تزبط زوايا كويس...... الدعامه ده بتقى من مثل هذا حيث انها ماسكه الركبتين فى بعض و صعب تقلب لجوه لأن الدعامه ماسكاهم و محافظه على المسافه بين الركبتين.

ثانيا : ليها تأثير إيجابى على ثبات العربيه بشكل غير مباشر لأن الشاسيه مع الملفات الشديده بيحصل فيه نسبة إلتواء خفيفه و بيرد مكانه تانى بعد كده و لما الدعامه بتبقه موجوده الشاسيه بيبقه قاسى و ده بيخلى العجل مزبوط أكثر و قاسى أكتر فى الملفات و ده بيحسن الثبات و لكن مش هتحس بفرق ملحوظ فى عربيتك زى الميزان الخلفى اللى انت ركبته.

لو عاوز تركبه ركبه بهدف ان ركبة المساعد متقلبش منك لو فى يوم من الأيام كلت مطب جامد فقط و متحطش فى دماغك هدف الثبات قوى عشان متزعلش على الفلوس.

تمام يا باشا بس دا انا شوفت موضوع بيقول انة بيفرق 50%فى الثبات بس بردوة انا مش هركبة غير لما افهم فكرتة طيب ما لما بتحمل على مساعد البار دا هيخلى المسشاعد التانى يفتح اكتر مش العكس زى الى بيبقة من تحت نفسى افهم الموضوع دا بجد انا حاسس انو ملوش اى لازمة فى الثبات يعنى هوا كلام حضرتك منطقى بس انا مشفتش حد بيركبة الا عشان زيادة الثبات طيب كيفية عملة اة مش عارف منتظر رد حضرتك بردوة ويا ريت اى حد يفيدنا فى الموضوع دا

فى كلام تانى بعد كلام بشمهندسنا بجد بنصح اى حد بتركيبة

ياجماعة انا ركبت الميزان امبارح مش كده وبس انا غيرت العفشة كلها بعفشة سوبر اكشن مش قادر اوصفلكم العربية اتغيرت بقيت عربية تانية بجد جامدة جدا

انا عربيتى 1300 واشتريت الميزان بكل حاجته 500 جنيه من الحرفيين من عند السوسرية

صراحة انا مش عارف ينفع الكريستالة ولا لأ
انا غيرت مساعدين و مقصات وبارات دركسيون وقواعد موتور والميزان

المساعد الامامى بكل حاجته 600
المساعد الخلفى 200
الميزان 500
المقص 250
البارات 200 الاثنين

كل ده يابانى اصلى

القواعد من التوكيل القاعدة الامامية والخلفية 528
ان شاء الله بكره هاغير كابالن واحتمال اجنط واركب سبويلر وشوية حركات ولما اخلص هارفع الصور

وتكلفة الفك والتركيب والزاويا 250