إحكي لنا عن موقف تعطلت فيه عربيتك واتصرفت إزاي (إسأل مجرب)

من باب الإستفادة من تجاربنا ,, إحكي لنا عن مواقف تعطلت فيها عربيتك فى الطريق واتصرفت إزاي والأسلوب الأمثل للتصرف .

على سبيل المثال : -

أثناء سفري على الزراعي بالجيلي 2006 ركنت اريح اشرب عصير فى قرية صغيرة , وبعدين حلفت ما تدور والأنوار وانوار التابلوه بتتراقص حاولت تشغيلها بالزق مانفعش , حاولت تدويرها بكابل من بطارية تانى دارت شوية وطفت تاني , كانت الدنيا ليل , وقفت تريلا نصف نقل ربنا يكرمه , سحبني لأقرب مدينة بواسطة كابل سحب كان معي لمدة 50 كيلو . شافها كهربائى قال بطارية مكانش معي فلوس بس كان معي كارت البنك الأهلي سحبت منه واشتريت واحدة جديدة وانتهت المشكلة

نستفيد من الموقف ده : - لابد من وجود كابل سحب ( قطر ) العربية معاك , لا بد من وجود مبلغ طوارئ معاك أثناء السفر


تفضل مشكوراً إعرض تجاربك ؛؛؛

انا بقي مره وانا مروح من الشغل علي الزراعي وانت طالع من الأسكندريه وقبل كوبري ابيس بشويه
كان المحافظ الجديد ربنا يزهزه عصره مبوظ كل الطرق ومقشطينها وسايبنها كلي حفر
المهم كان في حفره انا عارف مكانها كويس بس اليوم ده كنت ماشي في النص وجيت اروح شمال لاقيتها قدامي فلبستها وعوجت الجنط

الحمد لله ركنت ولقيت الفرده نامت وكنت لسه جايب العربيه ومش عارف فيها جاجه ومكنتش حتي اعرف اذا كان فيها مفتاح عجل ولا لآ

المهم لقيت الأستبن نايم قمت مكلم واحد صاحبي معاه فيورا وجه الحمد لله ولبس في حفره هو كمان وبصيت لقيته جاي بيقولي العربيه باظت

عربيته كانت دايره والمفتاح في ايده . كان موقف يهلك من الضحك

شويه ولقينا 3 عربيات تانيين باظو واصلحو ومشيو وانا بعد ماكنت بدور علي اي حد بتاع كوتش عشان انفخ الأستبن بقيت بدور علي ميكانيكي ولا كهربائي عشان يدور عربيت صاحبي

في الأخر الحمد لله اخدت تاكسي ولاقيت بتاع كوتش تحت الكوبري
ده حتي التاكسي صعبت عليه ومرضيش ياخد اجره

الدروس المستفاده
قبل ماتمشي اتاكد ان الأستبن شغال ومعاك مفاتيح وورصلة بطاريه عشان الطواري

وانا علي فكره مش بعمل اي حاجه من الحاجاات دي

موقفين... مش هقول ان العربية عطلت لكن حصل الآتي:

1- مرة كنا معزومين عالفطار في رمضان و طالع من البيت قبل الفطار بنص ساعة و سامع صوت غريب جدا من ورا... وقفت لقيت الكاوتش اللي ورايا عالأرض... ببص لقيت قبالي بتاع كاوتش لحمهولي و كملت مشواري الحمد لله (عمري ما غيرت كاوتش لحد دلوقتي !)
2- كان في حاجة في البنزين و العربية قعدت تبطل مني لوحدها (كنت كتبت موضوع عن الحكاية دي هنا) قلت ارجع البيت احسن .. و انا راجع في السكة اتظبطت لوحدها!

بس كدا الحمد لله

اقتباس:

---

المشاركة الأصلية كتبت بواسطة shaddadfalcon1

المهم لقيت الأستبن نايم قمت مكلم واحد صاحبي معاه فيورا وجه الحمد لله ولبس في حفره هو كمان وبصيت لقيته جاي بيقولي العربيه باظت

عربيته كانت دايره والمفتاح في ايده . كان موقف يهلك من الضحك

---

:shine[1]::shine[1]::shine[1]::shine[1]:
مش كنت تحذره منها ,,,, :majd(4)::ma:

و كابل السحب ده يا د محمود مخصوص لكده و لا ايه ؟

مرة عربيتي قطعت سلك الأكسيليراتير يعني دايرة بس ما تزودش

قولت أروح على الأولاني و خلاص

بعدين زهقت في الطريق

نزلت فتحت الكابوت و ربطت الأكسيليراتير بسلك كان في الشنطة و سيبت الكابوت موارب ومسكت السلك بإيدي اليمين وهي طالعة من الشباك

و روحت كده أشد السلك العربية تجري

واحد قاللي في الإشارة : ايه ده ؟ رمسيس يا ولاد

ضحكت و اتفقعت في نفس الوقت

طلمبه البنزين قطعت و العربيه حالفه يمين طلاق مش هدور
اتصلت بواحد معرفه معاه فيرنا تاكسي و قطرني للحرفيين

انا كنت مع واحد صاحبى عربيته bmw موديل97 كنا فى رمضان و نزلنا بعد الفطار ولفينا وقضينا اليوم وكله تمام .الساعة10 كنا قاعدين على كافيتريا و لمل جينا نقوم دور العربية و مشينا خمس دقايق لقينا مؤشر الحرارة منور احمر .وقفنا على جنب شوية و مشينا تانى لقناه رجع نور احمر تانى قمنا رحنا محطة بنزين ووقفنا وزودنا الرادياتير مية خضرة و شفنا المروحة و كانت شغالة .مشينا بيها تانى راحت الحرارة علت تانى واحنا كنا فى ميامى واحنا ساكنين فى محرم بك .المهم قررنا اننا نمشى شوية و نريح شوية و طلعنا على البحر ووصلنا كوبرى ستانلى الساعة 4الفجر وبصراحة الواحد تعب و زهق وخدنا السكة من ستانلى لمحرم بك جرى على 170 علشان نخلص ووصلنا و ركناها .(وعلى فكرة بعد كده العربية لقيت مصرعها على 190 والى عاوز يشوف صورها هى لسه معايا)

مرة كنت في زفة وطبعا شغالين لعب بعدها بسااعة
العربية خد غيارين مع بعض يعني مش بتفصل ولا بتنقل
اتصلت ابلميكانيكي وجة عملها موقت وتاني يوم الصبح فكينا الفتيس وكان لاول مرة يتفك والميكانيكي دة طلع معلم ابن معلم فكوا حتة حتة
تحس انو بيتعامل معاها بخبرة وفاهم هو بيعمل اية
ومرة تانية ماشي في امان اللة لقتها بطلت قلت انزل اشوف اية وكان سير كاتنية وزقتها لغاية البيت تصوروا بتوكتوك واتصلت بالميكانيكي الصبح
جة ركبو تحت البيت

1-كنت مرة راجع من انترفيو والشركة كانت فى اسكندرية الصحراوى المهم خت المحور وانا ماشى وانا بحب الجرى شوية بس للاسف مكنتش عارف اجرى خالص لان العربية كانت قرب الاحمر وبتقطع شوية المهم ماشى بتاع 70 80 سرعة معقولة لان الطريق فاضى بس انا دايما بجرى 120 150 المهم واذا بكل العربيات بتاخد يمين وشمال وانا فى النص والمصيبة ان فى عربية نقل عمال توقع دبش وحجارة كبيرة وهباااااااااااا لبست حجر انما اة العربية مشيت بجنبها لغايت لما وقفت بجد لولا العربية تقيلة ومحترمة كنت رحت فيها استهتار بجد حرام الجنط راح فيها بس الكوتش سليم ومتسالش اذاى

2- كان يوم رئس السنة وكنت يوم رئس السنة بليل خارب الدنيا خالص المهم الصبح انا عارف ان كوبلن الداخلى شمال عايز يتغير قبليها بيوم بس كان يوم مينفعش يتعمل فية حاجة والعفشجى قلى متخفش خالص المهم تانى يوم قلت لا اروح اشترية وعملة بدل البهدلة لسة هروح اشترية والكبلن فرك وكنت جنب المكنيكى بتاعى رحت جبت الكوبلن ورحت ركبتة بس تعبت شوية

3-مرة ببص فى مؤشر الحرارة وانا ديما باخد بالى اوى من مؤشر الحرارة لان الاوبل الحرارة بتعتة لو مختش بالك وحصل مشكلة ممكن تخليك تلبس للصبح اذا بالحرارة عليت وتزيد وقفت قلى حصل ان الاربة قلى لسة مغيرها ترشقت وعبت هواء والحرارة عليت وجت سليمة رحت جبت وحدة جديدة وركبتها

الحمد لله عمري ما عطلت غير مرة واحدة

كنت بوصل واحد فى بلد أرياف و كلت مطبين محترمين بسرعة واحنا رايحين

و وانا راجع فى الطريق لوحدي الساعة 2 بالليل تقريبا العربية ابتدت تنتش شوية وتمشي شوية

وبعدين ابتدت تبطل وتدور وتنتش وتبطل تاني

ركنت وقعدت ابص علي كل حاجة البنزين واصل تمام ومش شايف مشكلة

فكيت الأسبراتير وقعدت افعص شوية موصلتش لحاجة واتكهربت وانا بشيك علي الكهربا من كابل البوبينة

روحت قاعد فى العربية وجهزت الشومة و اتصلت بوالدي جالي

طلع ان في سلك كهربا من بتوع الأسبراتير رفيع خالص وكان مشدود من الضفيرة اتقطع بسبب المطبات ومكنتش شايفة خالص لأن الدنيا ضلمة كحل

وصلناة وخلصت

الخلاصة : العربية مش بتدور يبقى اتأكد ان البنزين واصل للموتور و الكهربا مفيهاش مشكلة باختبار سلوك البوجيهات

كنت مأجر عربيه كام يوم علشان فرح حد قريبى فى بنها والبلد اللى هو منها بينها وبين بنها حوالى 15 كم , اول يوم عدى طبيعى وتانى يوم بليل العربيه بعد ما ركنتها اجى ادخل فيها المفتاح مش عايز يدخل , احاول يمين شمال حلف ما يدخل فيها وكأنه مش بتاعها

المهم سيبتها وثالث يوم ده كان الفرح قمت من الصبح احاول ادخل فيها المفتاح مش راضيه , كان معانا واحد صاحبنا ميكانيكى بس مفيش عده يشتغل بيها علشان البلد كلها مفيهاش ميكانيكى والعربيه اوتو والفتيس مش هينفع يتمور غير لما المفتاح يدخل وبالتالى مش هينفع نزقها

فكينا بمفكات بدائيه الزور بتاع الدركسيون ووصلنا اننا ندور العربيه بالسلوك والحمد لله , بس تبقى مشكله ان الدركسيون مسوجر , وكان الحل اننا جبنا أجنه وشاكوش ونزلنا تكسير فى الافيز اللى ماسك عمود الدركسيون لحد ما طلعنا الكونتاكت كله وفكينا المسوجر بتاع الدركسيون ومشيت على كدا ( الفيلم ده بالادوات البدائيه دى أخد بتاع 4 ساعات )

خرجت بيها على الطريق والدركسيون من غير وش والسلوك مريحه على رجلى واذا بمشكله جديده ان لمبه الحراره بتنور ( مفيهاش عداد ) قعدت اجرى بيها بسرعه علشان تبرد لحد ما وصلت بنها لحد الكوافير وبعدين وقفت لقيت دخان وشغلانه سوده وعرفت انها جابت اخرها ومينفعش امشى بيها كدا تانى

اتضح ان بعد الوصله الجهنميه اللى عملناها ان المروحه فصلت فجبنا حته سلك ووصلنا المروحه دايركت علشان اكمل الزفه ولكن للأسف كان الناس هتمشى فأضطررت اكمل مع واحد صاحبى وابقى ارجع للعربيه بعد الفرح , والحمد لله نص الزفه اتسحب رخصها علشان كانت فى لجنه رخمه جدا فى بنها ولو كنت دخلت عليهم بحفله السلوك دى ورخصه مش بأسمى وكمان منتهيه كنت هبات فى القسم لا محاله

الكوميدى بقا ان بعد الفرح نزلت بيها القاهره علشان اشوفلها حل وفضلت ماشى بيها يومين كالاتى , افتح العربيه وبعدين افتح الكبوت وبعدين اوصل سلك المروحه على البطاريه , وبعدين اركب العربيه وبعدين المس السلوك لحد العربيه ما تدور وبعدين اربطهم ببعض واركب غطا كلاكس الدركسيون وامشى ولما اقف افك السلوك فالعربيه تبطل وبعدين انزل افتح الكبوت وافصل سلك المروحه :)

وبالمناسبه طلع ريش الكونتاكت اتنحلت وعلشان كدا المفتاح مكنش بيدخل واتقفل التابلوه وركبت افيز جديد وصلحت الكونتاكت وصاحب العربيه معرفش اللى حصل غير فى قعده هزار بعد الفرح بيجى شهر :)

عندى مواقف اعطال كتير بس لما افتكر هبقى اشارك تانى

لسة الاسبوع اللي فات

انا العربية عندي بقالها فترة ملاحظ ان الغيارات تقيلة وساعات بتتقل فجأه ابطل وادر ترجع كويسه المهم انا مسايسها لغاية ماشوف واحد كويس

صحيت الصبح لقيت مكرفون بينادي علي جنازة واحده من جيرانا المهم نزلت عزيت واحنا رايحين الجامع اخدت ستات كبار للجامع علشان صلاة الجنازة

خلصنا الصلاة وطالعين علي المقابر علشان الدفن وفي الطريق هوب الغيارات مش تقلت دي حجرت ابطل و ادور ولا الهوا ومعايا ناس وكان فيهم قرايب درجة اولي للست المتوفية يرحمها الله والاسعاف فرقت عننا كتير انا عرقت وبقت حالتي هباب مش عايز اتغاشم علي الغيارات وكمان عايز الناس تحضر الدفن

المهم سايست العربية و مشيت علي التاني مسافة طويلة لغاية المقابر

المشكلة وانا راجع العربية رجعت تاني كويسة

لكن انا مرجعتش علي البيت روحت علي الميكانيكي علطول غيرنا زيت الفتيس بزيت موبيل 90 (انا كنت حاطط زيت 140) وقالي نشوف هتظبت ولا لأ ربنا يستر العربية بقالها 4 ايام و كويسه لحد دلوقتي

اللي واحد اتعلمه متسيبش مشكلة في العربية لأنك مش عارف هتحتاجها امتي

اقتباس:

---

المشاركة الأصلية كتبت بواسطة د.محمود صلاح

:shine[1]::shine[1]::shine[1]::shine[1]:
مش كنت تحذره منها ,,,, :majd(4)::ma:

---

ماهي دي كانت حفرة تانيه غير اللي انا لبست فيها

من حوالي 5 ايام وانا راجع البيت للغدا العربيه فجاه بطلت وانوار التابلوه نورت .بس اصيله وقفت قبل البيت بامتار بعد مشوار طويل ..المهم قلت حاجه من 3 - اما طرمبه بنزين او سير كاتينه او موبينه .
فكيت مسمارين من العلبه اللي علي سير الكاتينه وبصيت لقيته راكب كويس ..فكيت خرطوم التغذيه بتاع الانجكتور وفتحت الكونتاكت لقيت بنزين خارج كويس .شيلت الكابل اللي جاي من الموبينه وداخل ع الاسبراتير ولمسته في جسم العربيه وخليت واحد معدي في الشارع يساعدني ويدور سنه مارش مالاقيتش الكابل بيطلع اي شرز فتاكدت انها موبينه او مشط موبينه - رحت المنصوره جبتهم علي مرتجع وجربت المشط اول العربيه مادارتش ولما جربت الموبينه اشتغلت والحمد لله ورحت رجعت المشط ..
النتيجه ؛؛ لما العربيه تعطل ندور علي سير الكاتينه-البنزين بكل معاملاته(تانك فاضي-طرمبه-خراطيم)-الكهربا بكل معاملاتها (موبينه-اسبراتير-كابلات-بوجيهات)

فى 2004 دايو اسبيرو اتقطع سير الكاتينه وانا راجع من طريق العلمين :fdsa:
دبانه قطرتنى لغايه المهندسين :36_1_34[1]:
ها حلو التصرف ده ؟ :ma:

اقتباس:

---

المشاركة الأصلية كتبت بواسطة pro_samir

الحمد لله عمري ما عطلت غير مرة واحدة

كنت بوصل واحد فى بلد أرياف و كلت مطبين محترمين بسرعة واحنا رايحين

و وانا راجع فى الطريق لوحدي الساعة 2 بالليل تقريبا العربية ابتدت تنتش شوية وتمشي شوية

وبعدين ابتدت تبطل وتدور وتنتش وتبطل تاني

ركنت وقعدت ابص علي كل حاجة البنزين واصل تمام ومش شايف مشكلة

فكيت الأسبراتير وقعدت افعص شوية موصلتش لحاجة واتكهربت وانا بشيك علي الكهربا من كابل البوبينة

روحت قاعد فى العربية وجهزت الشومة و اتصلت بوالدي جالي

طلع ان في سلك كهربا من بتوع الأسبراتير رفيع خالص وكان مشدود من الضفيرة اتقطع بسبب المطبات ومكنتش شايفة خالص لأن الدنيا ضلمة كحل

وصلناة وخلصت

الخلاصة : العربية مش بتدور يبقى اتأكد ان البنزين واصل للموتور و الكهربا مفيهاش مشكلة باختبار سلوك البوجيهات

---

استاذ محمد عربيتك على فكرة عطلت مرتين هة فاكر ولا افكرك:3mla:

العربية : سيات 133 موديل 79:shyy:
عالدائري - سلك البنزين اتقطع والعربية اصلا كانت سخنة شوية ومش راضية تدور - كنت نزلت اجيب حاجة من البنزينة ورجعت ادور مش راضية
المهم عكست السوستة من الكبوت بدل ماتشد الدواسة ترجعها تشدها عكس بحيث تدوس عليها :verygood:- ومشيت على كدة
بعد ماوصلت للغيار الرابع لقيت العربية شارخة والموتور بيصرخ خلاص والطريق كمان بيقف مرة واحدة:fdsa: فطفيت العربية وانا دايس دبرياج والعربية عالغيار الرابع بس تقريبا مدوستش دبرياج كويس لاني بعد ماوقفت لقيت الفتيس مش راضي يطلع من الرابع !!!!! ووقفت على جنب !!! لحد كدة عادي:049:
العربية دي كانت تطلع على اي نقلة مش مشكلة بالمسايسة طبعا !!! جيت ادور بعد شوية فجأة المارش قطع وطلع ريحة شياط !!!!:stink[1]:!اشمعنى يعني مالوش نفس هو كمان :I_angr1[1]:
:36_1_50[1]:فضلت قاعد شوية لحد العربية ماهديت والجو هدي عشان كان يوم شوية مطر وشوية تراب ويعد كدة حر رهيب !!!!
شوية ونزلت لقيت سواق تريلا راكن ورايا قلتله زقني بس انا لازم افضل جوة العربية عشان موضوع الفتيس لازم افضل دايس دبرياج وربنا يباركله قعد يزق لحد مايئس وكان هيمشي خلاص لقاها هتلقط آخر مرة قام داخل مديها زقة جامدة اوي دارت طبعا بارمي عالرابع بالعافية !!!! محدش يستغرب اي حاجة عشان العربية دي لا ينطبق عليها اي معايير
طبعا انطلاقة رهيبة:B4_388: على 60 كم مثلا وكل مالاقي العربية جابت اخرها في السرعة اقوم دايس دبرياج وطافي وقبل ماتهدي جامد افتح كونتاكنت وارمي عالرابع لحد ماوصلت
طبعا الوقت كان اتأخر شوية والشوارع بقت رايقة لحد ماوصلت للميكانيكي والحمد لله:vctry: عدت على خير
غيرت فتيس وشوية حبشتكانات ومارش وخلافه

الدروس المستفادة : لو معاك عربية زي دي يستحسن تكون شايل جميع انواع العدة وقطع غيار احتياطي ويستحسن يكون في واحد مقيم في العربية مش لازم ميكانيكي ممكن بلية صغير عالكنبة او البوردة اللي ورا فوق الموتور !!!!
طبعا عطلت كتير اوي بس اليوم دا كان اغرب يوم عشان كل حاجة عطلت مع بعض:M_yes[1]: واغلب اعطالها اتعلمت ازاي اتعامل معاها هي سهلة وبسيطة اوي
مثلا الدبرياج كان بيتقطع كتير - ادور عالاول او التاني وانقل على سرعات معينة لحد ماتوصل للرابع ولو الطريق هيقف امور الفتيس واطفي العربية لحد ماجي اتحرك تاني وهكذا - دا كان اكتر حاجة بتحصل فيها
ولسة في كتير اوي مش هطول كفاية كدة:Zb_sor1[1]:

اقتباس:

---

المشاركة الأصلية كتبت بواسطة Lion_Heart

و كابل السحب ده يا د محمود مخصوص لكده و لا ايه ؟

---

كابل السحب ده فيه منه سلك وقماش متين لسحب السيارة فى حالة تعطلها .
وله خطافين من أطرافه لتسهيل عملية الشبك فى العربيتين


http://up.arab-x.com/Feb10/M7v99756.jpg

اقتباس:

---

المشاركة الأصلية كتبت بواسطة Ahmed Samy

مرة عربيتي قطعت سلك الأكسيليراتير يعني دايرة بس ما تزودش

قولت أروح على الأولاني و خلاص

بعدين زهقت في الطريق

نزلت فتحت الكابوت و ربطت الأكسيليراتير بسلك كان في الشنطة و سيبت الكابوت موارب ومسكت السلك بإيدي اليمين وهي طالعة من الشباك

و روحت كده أشد السلك العربية تجري

واحد قاللي في الإشارة : ايه ده ؟ رمسيس يا ولاد

ضحكت و اتفقعت في نفس الوقت

---

\


:C_laugh[1]::C_laugh[1]::C_laugh[1]::C_laugh[1]::C_laugh[1]:

شهر يوليه اللي فات وانا راجع من مرسي مطروح في طريق العلمين الساعة 8 الصبح هبااااا العربية عومت وكنت ماشي 120 جيت افرمل ما لقتش الفرامل سبتها لغاية ما هديت وكلمت الميكانيكي وشرحتله الامر قالي دا كده بلي العجلة اليمين فرط ولازم ترفع العربية وتجيبهالي الورشة
فكلمت جماعة اصحابي علشان يتصلولي باي ونش يجيني لقيت ربنا كرمني ب ونش ماشي في الاتجاه التاني شاورتله فلف وجاني واتفقنا علي 500 جنيه لغاية ترسا فيصل
انا كان معايا بالظبط 10 جنيه ادتها لسواق الونش علشان يدفعها للكارته وكلمت احد اقاربي استناني عند البوابات واداني 1000 جنيه علشان اقدر اتصرف
يوميها غيرت البلي للعجل الامامي وبعدها ب اقل من 6 شهور البلي اخشن تاني وسمعت صوته جالي هسهس وبقيت مش عارف اعمل ايه الميكانيكي قالي ان نوع البلي اللي جبته وحش ولازم يتغير ف روحت غيرته في التوكيل هو و2 شمعدان امامي و 2 صرر اتكلفت 2000 جنيه باتمام والكمال عند محمد زكي القطامية

شهر يوليه اللي فات وانا راجع من مرسي مطروح في طريق العلمين الساعة 8 الصبح هبااااا العربية عومت وكنت ماشي 120 جيت افرمل ما لقتش الفرامل سبتها لغاية ما هديت وكلمت الميكانيكي وشرحتله الامر قالي دا كده بلي العجلة اليمين فرط ولازم ترفع العربية وتجيبهالي الورشة
فكلمت جماعة اصحابي علشان يتصلولي باي ونش يجيني لقيت ربنا كرمني ب ونش ماشي في الاتجاه التاني شاورتله فلف وجاني واتفقنا علي 500 جنيه لغاية ترسا فيصل
انا كان معايا بالظبط 10 جنيه ادتها لسواق الونش علشان يدفعها للكارته وكلمت احد اقاربي استناني عند البوابات واداني 1000 جنيه علشان اقدر اتصرف
يوميها غيرت البلي للعجل الامامي وبعدها ب اقل من 6 شهور البلي اخشن تاني وسمعت صوته جالي هسهس وبقيت مش عارف اعمل ايه الميكانيكي قالي ان نوع البلي اللي جبته وحش ولازم يتغير ف روحت غيرته في التوكيل هو و2 شمعدان امامي و 2 صرر اتكلفت 2000 جنيه باتمام والكمال عند محمد زكي القطامية

اقتباس:

---

المشاركة الأصلية كتبت بواسطة wisambasha

شهر يوليه اللي فات وانا راجع من مرسي مطروح في طريق العلمين الساعة 8 الصبح هبااااا العربية عومت وكنت ماشي 120 جيت افرمل ما لقتش الفرامل سبتها لغاية ما هديت وكلمت الميكانيكي وشرحتله الامر قالي دا كده بلي العجلة اليمين فرط ولازم ترفع العربية وتجيبهالي الورشة
فكلمت جماعة اصحابي علشان يتصلولي باي ونش يجيني لقيت ربنا كرمني ب ونش ماشي في الاتجاه التاني شاورتله فلف وجاني واتفقنا علي 500 جنيه لغاية ترسا فيصل
انا كان معايا بالظبط 10 جنيه ادتها لسواق الونش علشان يدفعها للكارته وكلمت احد اقاربي استناني عند البوابات واداني 1000 جنيه علشان اقدر اتصرف
يوميها غيرت البلي للعجل الامامي وبعدها ب اقل من 6 شهور البلي اخشن تاني وسمعت صوته جالي هسهس وبقيت مش عارف اعمل ايه الميكانيكي قالي ان نوع البلي اللي جبته وحش ولازم يتغير ف روحت غيرته في التوكيل هو و2 شمعدان امامي و 2 صرر اتكلفت 2000 جنيه باتمام والكمال عند محمد زكي القطامية

---

الدروس المستفادة : - تخلي معاك مبلغ من المال وانت مسافر
تخلي معاك أرقام تليفونات ونش للسحب
تستخدم قطع الغيار الأصلية قدر الإمكان

اقتباس:

---

المشاركة الأصلية كتبت بواسطة medo_95

استاذ محمد عربيتك على فكرة عطلت مرتين هة فاكر ولا افكرك:3mla:

---

اة صح

والدروس المستفادة منها متسيبش نور العربية مفتوح فترة طويلة و هي واقفة علشان البطارية متنامش

ولو عايز تعمل كدة يبقى تشيل بطارية احتياطي أو يبقي معاك اتنين رجالة لزوم الزق ، خصوصا لو كانو من نايل موتورز .. بس ميكونش ميدو معاهم علشان ميسيحلكش :khd:

وطبعا لما تيجي تزقها تأكد من فتح الكونتاك قبل ما ترمي :E_braces[1]:

اقتباس:

---

المشاركة الأصلية كتبت بواسطة د.محمود صلاح

كابل السحب ده فيه منه سلك وقماش متين لسحب السيارة فى حالة تعطلها .
وله خطافين من أطرافه لتسهيل عملية الشبك فى العربيتين


http://up.arab-x.com/feb10/m7v99756.jpg

---

و ده حضرتك جبته منين و بكام ؟

اقتباس:

---

المشاركة الأصلية كتبت بواسطة د.محمود صلاح

من باب الإستفادة من تجاربنا ,, إحكي لنا عن مواقف تعطلت فيها عربيتك فى الطريق واتصرفت إزاي والأسلوب الأمثل للتصرف .

على سبيل المثال : -

أثناء سفري على الزراعي بالجيلي 2006 ركنت اريح اشرب عصير فى قرية صغيرة , وبعدين حلفت ما تدور والأنوار وانوار التابلوه بتتراقص حاولت تشغيلها بالزق مانفعش , حاولت تدويرها بكابل من بطارية تانى دارت شوية وطفت تاني , كانت الدنيا ليل , وقفت تريلا نصف نقل ربنا يكرمه , سحبني لأقرب مدينة بواسطة كابل سحب كان معي لمدة 50 كيلو . شافها كهربائى قال بطارية مكانش معي فلوس بس كان معي كارت البنك الأهلي سحبت منه واشتريت واحدة جديدة وانتهت المشكلة

نستفيد من الموقف ده : - لابد من وجود كابل سحب ( قطر ) العربية معاك , لا بد من وجود مبلغ طوارئ معاك أثناء السفر


تفضل مشكوراً إعرض تجاربك ؛؛؛

---

نفس الكلام حصل معايا علي الصحراوي وكانت ليله اما ليلة ياسلام
الحمد لله كان معايا مبلغ كويس وشريت بطارية مشيت بيها وعدي الموضوع

اقتباس:

---

المشاركة الأصلية كتبت بواسطة lion_heart

و ده حضرتك جبته منين و بكام ؟

---

من كارفور وسعره حسب قوة الكابل ال 5 طن فولاذ ب 30 ج تقريبا أما القماش ( زي قشاط حزام الأمان كده) أرخص في حدود 15 ج تقريبا

اقتباس:

---

المشاركة الأصلية كتبت بواسطة pro_samir

اة صح

والدروس المستفادة منها متسيبش نور العربية مفتوح فترة طويلة و هي واقفة علشان البطارية متنامش

ولو عايز تعمل كدة يبقى تشيل بطارية احتياطي أو يبقي معاك اتنين رجالة لزوم الزق ، خصوصا لو كانو من نايل موتورز .. بس ميكونش ميدو معاهم علشان ميسيحلكش :khd:

وطبعا لما تيجي تزقها تأكد من فتح الكونتاك قبل ما ترمي :e_braces[1]:

---

بصراحة احييييييييييييييييييييييي ييييييييك علي توقيعك الهايل

من حوالي شهر كده
كنت عند واحد زميلي في بلد ارياف
والعربية بطلت مني اول ما وصلت
وكنت سامع صوت غريب
وكان مؤشر الحرارة طبيعي

وبقيت مش عارف ايه السبب
ومفيش ميكانيكي عندهم
ففكيت العمة وبرضه مرضتش تشتغل
ففتحت قربة الميه لقيتها مليانة
بس زميلي اصر اننا نفتح الردياتير بس لما تبرد
ولما فتحناه ملقناش فيه نقطة مية واحدة
ومؤشر الحرارة بقى عالي جدا
دورنا العربية وحطينا ميه (خدت حوالي 8 لتر )
لقينا مؤشر الحراة نزل على الاخر
وبعدها حل الظلام
وظهرت مشكلة اخرى
ان بعض الخراطيم اتشققت من الحرارة الشديدة
وبقت تسرب المياه
كان معايا بنادوسه تعمل على البطارية كن عاملها للطوارىء
و كتر استخدمته في قطع الجزء التالف
وربطت من بداية الجزء السليم
ودورت واتكدت ان مفيش تسريب تاني
والحمد لله ان اليوم ده عدى على خير

المستفاد من التجربة
اني لازم يكون معايا عدة كاملة
معتمدش دائما على مؤشر الحرارة
معتمدش دائما على القربة لانها كانت مسدودة ومش بتوصل لردياتير
يكون معايا كمية مياه كبيرة للحاجة
لازم يكون معايا بنادوسة تشتغل على البطارية او اي مصدر للاضاءة