فعلا فكرة جامدة اوي ان الواحد يدبح بنفسة
العيد الجاي بقي ان شاء الله
عرض للطباعة
أحسن حاجه انك تدبح بنفسك زي ما انا بعمل كده
اروح يوم الوقفه اظبط العده واسنها ميه ميه
وتاني يوم ادبح وبجد مش صعب خالص ده سهل جدا انا بقالي 3 سنين بدبح جاموسه بس صغيره شويه وقبلها كنت بدبح الخروف بس الخروف بقي متعب في النفخ اما الجاموسه حلوه خالص ولا نفخ ولا نيلا
:Ta_clap[1]:
الدبح المرة دي الصراحة كان مسخرة
الوالد مرضيش يدبح هنا قالك انا طول منا ماشي شايف خرفان بتاكل من الزبالة ده خلاص بقي خنزير مش خروف .. انا هدبح في الأرياف .. أهو أبقي ضامن الخروف بياكل إيه .. يا باشا يهديك يرضيك .. مفيش .. المهم إتفقنا مع حد معرفة في القناطر و رحنا (مش عايز أقولكوا الطريق بقي دلع دلع فعلاَ يفضل إستخدام الحمار) رحنا و جبنا الخروف و كله تمام و الجزار جه .. عايز كام يا عم الحج ؟ 150 جنيه .. في خروف ؟؟!! إطلع برة .. و دي قالها واحد من العصبيين اللي واقفين معانا .. و قام قالنا انا هدبح يا جماعة .. خش يا محمود هات المستحد من المطبخ .
انا : المستحد ؟! إيه المستحد ده ؟ ده غير الحق و المستحق ؟!
شخص أخر : يا عم مشي حالك إحنا هندبح كذا خروف متقطعش رزقك أمال .
الجزار : 120 جنيه عشان خاطركوا .
شخص أخر : 90
جزار : ماشي كلامك
و خلصنا و المراحيم عالأرض بس إحنا سيبنا الفروة للجزار يا جماعة لأننا مبنعرفش نتصرف فيها و معرفش موضوع الإسعاف ده يا ريت توضح يا دوك ؟؟
و برضه إدينا لواحد غلبان كدة من الأرض اللي إشترينا منها (مش تبع الجزار) علي سبيل الصدقة من الذبيحة مش من أجره ، هل ده حرام ؟
و كل سنة و إنتم طيبين جميعاَ .
شوف يا حاج محمود
موضوع الإسعاف ده سهل ممكن تتصل بالإسعاف و تقولهم مكانك و انك عندك فروة و هم بييجوا ياخدوها (ما بيتأخروش زي المصابين) وممكن تكلم اي جمعية خيرية (رسالة - الجمعية الشرعية ) و بيكونوا عاملين ورق ويفط كتير يوم العيد .
ولو ما لاقيتش ممكن (تأمن) أي حد انه يوصلها و تبقى خليت ذمتك وهو وذمته بقى .
بس بلاش تديها للجزار - ولا تبيعها حتى لو هاتتصدق بتمنها .
أما الراجل (الغلبان) فأعتقد على قد فهمي انه عادي مادام مش أجر على عمل.
===========================
النهاردة بقى جبنا العجل
و جبنا الجزار (واتفقنا من الأول ان مافيش جلد ولا لحمة)
و روقنا الدنيا
و خد 400 جنيه
بس عملي كل اللي أنا عاوزه
و فضل معايا لحاااااااااد ما قولتله امشي بقى
الحمد لله كان يوم كويس
ربنا يعوده علينا بالخير دايما
دبحنا خروف و الراجل كان عاوز ياخد الجلد و الراس بس مين ده و لا شعره اصل كان هما خمسين جنيه طب 5 زياده لا و لا جنيه عاجب عاجب اصل الناس دول طمعين لازم موقف صارم و لا تقبل المساومات
المهم الف مبروك وعقبال كل سنة وربنا لا يمنعها عنك ابدا
عرف عند الجزارين هو اخذ الجلد
ثانيا قبل ما يحضر الى البيت لابد من اتفاق صريح على كل شىء لان لكل عملية ثمن وسعر الذبح سعر التقطيع والوزن سعر اخر
ما فعلته سليم 100 % وهو لا يعرف حلال من حرام
هل السكين مسنون جدا؟
هل اخاف العجل ام لا ؟
هل سمى الله ؟
هل انام العجل على جانبه الايمن وفى اتجاه القبله ؟
الف مبروك وعقبال كل عام
الجلد احنا اتبرعنا بيه للجامع والجزار اخد 250 وهو مرضى بس قعد 7 ساعات فى العجل لما كفر اللى جابونى ودمى اتحرق لانه حرق اول يوم العيد كله
اخوكم يوسف